¹ Yeisu i lui limanina lobe tabu deinanai to tau nimana matemateina i labaiyana watei solanai. ² To to'lui si dunedune eguma Yeisu Tapwalolowai taunina ida abi egitamui. Mei aiwalo si luyaluyabai be Yeisu na goyoka sida lobai. ³ Yeisu igwaena tonima matemateina deinai, "u to'lo be u tolo gilliewa nai gamwagamwanidiyai" ⁴ Deinega kaleyaidiyao deinadiyai igwaena, "sidoi! laugagayo i towatowa be nigenabwai gitamu ta guiguinuwai sabate deinai; O ta abiabi elouya, o tau yawasina ta lemai, o ta loeasine?" To si mwagwa loina. ⁵ Matana goyokanega i duneyedina, to i ate uweuwedina di ate gulewa sabina, deinega taunina iguyenana, "nimayo uweyoyowei," tutaina nimana iye yoyowenana, Yeisu i abi egitamuyana. ⁶ Lomaniniyega Palisiyao si latuna to me Elodi maeyadiyao si kaobabadana be Yeisu si loe mwausi. ⁷ Deinega Yeisu, mana topaisewao si sagana wolaiyai. To watei kaleya gwauidi si epoitaunidina Galiliega be Iudiega, ⁸ Ierusalemega be Idumeya Yolidani gwaunega, Tale be Saidoniyega, kaleyaidiyao gwauidimo si anapuiana tuwesi i guiguinuwai, deinega si tauyana deina. ⁹ Na topaisewao i guyedina be kaibwai kaikeda si gibubui sabina, lesina kaleyaidiyao di gwae goyogoyoka ite lotoi, to egito watei i yesilae. ¹⁰ Gwauwitaudi i yabi egitamudina, to wate kaleya madi lewasi si libalibaiyama deinai. To eguma tuwa ida abitoiyamo. ¹¹ Totuta kalukaluwa goyokadi si i'taiyana si beuna matanai, to si lobwau latuna si gwae, "You Yatodi natuna." ¹² Gwae waiwaina deinadiyai i sauniyana be nigenabwai si gwaegwae latuwei. ¹³ Yeisu i tuena weteweteyai to taudi iyenuwaidina, i bwauwedina, si tauyana maeyadi. ¹⁴ Si te tuwelo i esinuwaidina (taudi i bwauwedina Apositolowao) be deinega tauna maeyadi, itago i etunedi be noyana si kaobabadei, ¹⁵ watega na waiwaiyega kalukaluwa goyokadi sida wepili elatudi. ¹⁶ Deinega site tuwelo i esinuwedina: Saimoni waeyana eluwena Pita. ¹⁷ Iemesa, Sabedi natuna to Ioni, Iemesa tasina taudi i yesedina Boanegesi, namei, wetalala natunao; ¹⁸ Andulu be, Pilipi be, Batilomiyo be, Madiu be, Tomasi be, Iemesa Elopasi natuna be, Tadiasi be, saimoni goma Siloti, ¹⁹ and Iudasa Isakalioti, tauna gibwai iye luiluiyei. ²⁰ Me deinega itauyana leyawai, to kaleya gwauidi si egogone limanina, abwa nige sawesawenai be si iyai. ²¹ Tutaina na susuwao si enenenana, si tauyana sabi abisina, abwa si gwae, "nuwana iyosena" ²² Yelusalemega loine ana toegwaiseyao sitauyana si gwae, "tomudumudulele itowa gwauniyana abwa di loineyega dimoni i etoetoepwaesidi." ²³ Yeisu i bwauwedina deinai to i gwae wanawanagaina, i gwae, "sawesawenai seitani e'na seitani i ulaepwaesi? ²⁴ Eguma ebe loine kaikeda i we'ali tauna deinanega, mei ebeloinaina nige analobwene be itolo. ²⁵ Eguma lobe kaikeda tauna i we'ali, mei lobeina nige sawena i to'lo. ²⁶ Eguma Seitani i taunamo itolo dumadumana ado iweali, nigea ana lobwene be i tolo, to iyabe i sawali. ²⁷ Aido nige sawesawenai be teitai i lui tau waiwaina na lobeyai be na gwegweyao i 'pwalidi ana laba taunina waiwaina igeme si yoi, abwaesige na gwegweyao na anuwega i pwalidi. ²⁸ Gwae kaikaili ya guyemiu, "goyokao gwauidimo sawesawenai be nua samu si ewai, nidoisa awa goyoka gwauina deinega siawa goyokemiu, ²⁹ to eguma teitai Kalukaluwa Tabuna i awa goyokei, namei nigea ana nuwasamumo, to esi name taunina goyoka ataya ana sena deinai." ³⁰ Nai gwaenina Yeisu inaiyana alenaina kaleya si gwaena edoi kalukaluwa goyokana tauna deinai. ³¹ Yeisu sinana be tasinao si tauyana to atamanai si to'lona. To gwae si etunenana sabina aido wate si bwauwenana. ³² Kaleya si towa sakosakowasi'enana to si guyenana, "sinayo be tasimwao atamanai nuanuadi sida mwalatoni you weinai." ³³ Yeisu i yeisaidina, "teitaidi sinagu be aletagwao?" ³⁴ I ita sakosakowasina taudi si towa sakosakowasi'ana deinadiai to i gwaena "a' ita, nai taudi sinagu be aletagwao." ³⁵ Eguma teitai Yatodi na nuanua i guiguinuwai, name tauna tasigu be nu'gu be sinagu.