¹ Deinanega Yeisu i yeale be gwae wanawanagaiyega i yeitedi. i gwae, "tau kaikeda alo i guinuwaiyana to waini i beguliyana. Igumwalina abwalu i guinuwaiyana to wate baleu i taiyana wainina basina ebe bibina. Anuwa i abiyana i gumwalina, wate ana to itaisiyao i saunidina. To i ebesinaiyana i tauyaana bwagabwagai. ² Ana tuta aiaili deinai, na topasewao i etunedina tolomataisina deinai be aidi waini uwaina si ewai. ³ To si abisiyana, igumwalina si unuiyana, to si etune ilenana ma nimenimenamo. ⁴ Wate kaikeda na topaisewaina i etune limaniyana deinadiyai to wate kuyakuyanai si ununa to si abi eo mayemayenana. ⁵ Wate kaikeda na topaisewaina i etune limanena to nai tauna si loeasineiyana. Aina si unu'nuidi aido aina si loeloeasine. ⁶ Na tau kaikeda tautau itupwana namei natu kaikailina. Tauna ebe losalo kaikaili i etunena deinadiyai. I gwae, "naatugu gibwa si amayabei." ⁷ To toitaisidiyao si loinena si gwae, "tauna yaniwagaina ta loeasine itago ebe loine ta taniwagai. ⁸ Si unuiyana, si loeasineiyana, igumwalina si ula latuwenana aloina gwunai. ⁹ Deinega, tuwesi gibwai toni alo i guinuwai? Gibwa i tauyama be to i'taisidiyao i bila egoyokaidi aido alo mali bodadi i'bwayedi. ¹⁰ Anaita gwae nai nigea u sawasawai? Gelewaina tauna to abi anua si nogaiyana, tauna tedi esei di autui. ¹¹ Nai Yatodi deinanega to tauna gitamutauna matadi deinai." ¹² Si toiyana be Yeisu si abi'si, to si subulina boda maibowadi deinadiyai, lesinaina si mwalatoniyana edoi nai gwae wanawangainina taudi sabidi. Abwa si nogaiyana. ¹³ To deinega aidi si etunedina palisiyao be aina helodi na tauwao be eto gwaega sida opui. ¹⁴ Tutaina si tauyamana, si guyenana, "toegwaise, i mwalatoniyana edoi you nigeisai teitai na awagwae sabina uda nuwanuwana o nage teitai uda enuwaiyana. To Yatodi na nuwanuwao u e'eitei. Aiailina loine i towatowa be takesi iye maisi sisa deinai o nigea? Sawesawenai tae maisi o nigea?" ¹⁵ Aido Yeisu ite mwalatoni di kabowao to i guyedina, ''Tuwesi sabina a'totoigu? Apoiama siluba be yadadunei.'' ¹⁶ Kaikeda sipoiyamana yeisu deinai. Igwaena denadiyai, teitai maninina be nagwae nai? ''sigwae,'' Sisa''. ¹⁷ Yeisu igwaena, ''Sisa napaula ubwayeimaru sisa denai, ado Yatodi sabina'' , to Yatodi napaulao uibwaya Yatodi deinai,' nuwa iyo sena yeisu deinai. ¹⁸ Deiga Sadusiyao sitamaina deinai, taudi teitaidi sigwaena edoi nigeya tololimani. Si yenaidenana, sigwae, ¹⁹ "Toegwaise, Mosese naetogawa sabimai, eguma tau tasina imwausi ado dowana iyebesinai, to nigeya natudimo, tasina sawesawenai aletana sibauwana itawola limani be siyenatu tasina sabina." ²⁰ Tau tasinao sitesebeni, nuganuganina dowana iyewaiyana to i mwausi sinaiyana, nigeisa natudimo . ²¹ Dega eluwena itawaolaiyana to wate imwausina, leyawamo natudimo donsana wate luwa'bwa kaikeda. ²² Abwa sitesebeni si yebesina aiyana leyawamo natudimo, ebelosaloni deinai waineina imwasina. ²³ Tololimani deinai, tutaina sitololimani, teitai dowana iyabe? Lesinaina taunidimo sitesebeni siyewaiyana dowadi.'' ²⁴ Yeisu igwaena, ''nai nigeya di ye'wa loegesina sabina you nigeya umwalatoni gwaenina watei Yatodi nawaiwai? ²⁵ Tutaina sitololimani mwausiyega, iyabe saebana watei sitawatawaolailimani, tawaola deinai, to taudi iyabe nidonsa anelose galewai. ²⁶ To tomwausi sabidi, eto eguma sitolo, anaita nigeya a sawasawai Mosese nabuki, mutawa sabina i yetolaolina, sidoi Yatodi i kaubabadaisana deinai ado igwaena, yau Ebalamo na Yatodi, Aisake na Yatodi aido wate Yakobo na Yatodi?'' ²⁷ Tauna nigeya mwausi ana Yatodi, to yawasiataya. You uloegesi tauna.'' ²⁸ Kaikeda toegwaise i tauyana to di kaobabada i yene'na' Yeisu i eisa kaikailedina. Taunina Yeisu i yenaidenana, "to loine tauna koiyawe wawasae loine maiboana deinadiega?" ²⁹ Yeisu egwaena ''Loineina koiyawe taunaina namei, 'Aenene, o Isileli, da Inapwana da Yatodi tauna da Inapwanaina kaikeda tautau. ³⁰ No Inapwana, no Yatodi u welauwei ateyo mamabuyanega, be o'lotona mamabuyanega, be no nuwauwa be no waiwai mamabuyanega. ³¹ To loine eluwena nai, 'eyamwao u welauwei tauyomo o welau neisana.' Nigeisai wate loine kaikeda koiyawena nidoisana nai.'' ³² Loine ana toe itaina i gwae, "gitamuna, toegwaise! U gwae kaikailina edoi Yatodi kaikeda tautau to nigea isa teitai selabenai ³³ Eguma ta obobomenana atedega, da nuwanuwa be waiwai maiboanega taobobomedi tauda,nai tauna i koiyawetauna dega ebwayadaita gagabulina ana taliya.'' ³⁴ Yeisu itaiyana edoi eisa maimaidena iteguinuwai; iguyenana; ''You nigeya utowatowa edasola Yatodi na ebeloine deinega.'' Mei dega nigeya wate isai teitai itoi be Yeisu iyenaideyei. ³⁵ Yeisu i eieita anua talia solainai abwa igwae ilana deinadiya igwae, ''sidoi to loine ana toegwaisetao sigwae keliso tauna deibida natuna? ³⁶ Debida tauna, yaluyaluwa tabuna noi awasayasaya dega igwae inapawana igwaena gu inapwanai deinai, utowa ataiguwai analaba o saiyeyao ya saunidi kaeyo ana ebesau deinai. ³⁷ Deibida tauna keliso i bwauwenana, "Inapwana"abwa deimega sidoi to tauna Deibida natuna?'' Keleya sidoi to tauna deibida natuna keleya maiboadi Yeisu si enenenana to nuwadi i ewaiyana. ³⁸ Na eita solanai Yeisu igwaena, ''a lomattaisimiu loine adi toegwaiseyao deinaidiyega tuta gwauina nuwanuwadi be aadi kalekowao duduladi ado si totolo bebewa be kaleya sida amauabedi ³⁹ Be ebe towa gitamudi anua tapwalolobe sagali deinadiyai . Tuta gwauina keleya matadiyai sidasida duduladi, wate si nuwanuwa sidoi ⁴⁰ Be sibauwao digwegweyao sida si ewaisedi be yaubada matanai si e kabokabo. Namei deinega maetamo yaubada i awagoyokedi.'' ⁴¹ Mei dega, Yeisu itowa soluna ebwayamaise ana dedewaga anua tabu solanai to kaleya si sausau mane iduneduneyedi. Toesaesa gwauidi mane sinabwana si sausaunidi. ⁴² Abwa sibauwa gomagomabesoina itauyana to peni luwa sauniyana. ⁴³ Yeisu na tononowao i bwauegogonedina to i guyedina, ''ya gwae kaikaili deinamiyai, nai sibauwaina gomgomabesaina ana dedewaga deinai dega maiboadimo. ⁴⁴ Maiboadi to sauiebwaya di esaesa dega to di tupwa iteno wate sawesawena si lopaelui to nai sibauwaina na gomabeso deinega maiboana isauwaina, nigea wate tupwa anuwai be iye pausewei.''