¹ Naidega si tauyana Yelusalema, to si lo bwalibwalimana Bedipegi be Bedani, Oya Olibe senaina, Yeisu tonono luwa i etune latuwedina. ² To i guyedina, "ataya leyawa deinai, eda abala deinai, tutaina a lui solanai, iyabe donki a lobai, nige isa tuta teitai ida geluiyana. A'ligei be atauyenama dinaguwai. ³ Eguma teitai i guyemiu, "tuwesi sabina donli a'likalikami?" A'gwae, "Inapwana sabina, be iyabe i etune ilenama." ⁴ Si tauyan ga si lobaiyana donki paipaimina kawakeda atamaninai ali ana kawakeda deinai abwa, si ligeiyana. ⁵ Kalleya aidi to to' lo bwalibwali si guyedina, " tuwesi sabina donki ana walowalo a' ligeligei?" ⁶ Si yeisana nidoisana, Yeisu i guyedina, abwa si nogaidina to si tauyana. ⁷ Site luwa tononoidiyao donki si tauyenan a Yeisu deinai to adi kwamao si ula anaeyedina be Yeisu i towa deinai to i tauya. ⁸ Kaleya gwaidi adi kwamaao si neyasidina edaiyai to aidi kaiwe lakadiyao si logulaidina mutawega. ⁹ Taudi nuganinega be taudi gwaunega si lobwalobwau, " Hosana! Inapwana, Yatodi waeyanega u tauyana. ¹⁰ E' tabuina i tautauyama tamada Daibida na ebe loinega. "Hosana! lo debana deinai." ¹¹ Deinega Yeisu i luina Yelusalema to i tauyana anua tabu deinai. I dune sakosakowasina, ite lailai abwa na tononowao maeyanao si tauyana Bedani. ¹² Tomwa i laitowana, tutaina si latuna Bedaniega, Yeisu i botena. ¹³ I dunena edasolai wagola yawaina i latulatu, abwa i naona sabi i'taina eguma isage uwaina ida lobai. Tutaina i tauyana deinai i 'taiyana nige uwaina to yawainamo, maga wagola nigeya na tuta uwa. ¹⁴ I gwaena deinai, ''gibwa nigea isa teitai wate uwaiyo deinega iya'yai.'' Na tononowao si nonoiyana tuwesi i naiyana. ¹⁵ Si tauyana Yelusalema, to i luina lobe tabu deinai i wepili eseyaulidina togimwane be toegimwane lobe tabu deinai. Mane ana toesaugelasao di teibeli ilo aubuidina aido to egimwane bunebune i lelewanedina. ¹⁶ Nigeya i tagwatagwali be teitai i ye gimwane lobe tabu solanai. ¹⁷ Iye gwaisedina to i gwae, ''etoetoladina, gu lobe tabu si esenana lobe eba lo sidasida leyawa gwaina sabidi. To a'gibuyana iye to i pwali di guda?'' ¹⁸ To taliyao be loine ana toegwaiseyao na gwae si enenenana, abwa si luyaluyaba to aiwalo deinega be si da loeyasine. Subulina si abiyana lesina kaleya i naidi ilo'na na egwaiseyao deinanega. ¹⁹ Kaikeda leyawa koiyawena si latulatu sinai. ²⁰ To gonagona di tauyana deinai, wagola si itaiyana ite medali galunega to idoidolonai. ²¹ Pita i nuwai'siana to i gwae, "to egwaise, u ita, wagolaina u sosonei ite medali tau." ²² Yeisu i yeisaidina, "a' yaleyale Yatodi deinai. ²³ Ya gawae kaikaili, teitai eguma wetewete deinai i gwae, Yatodi i abi lagasiyo be i ulego wolaiyai,' aido negenabwai iye enuenuwana luwa atenai, aido i yaleyale edoto tuwesi i naiyana iyabe i latu, name tauna iyabe Yatodi i guinuwai. ²⁴ Name tauna deinega deinamiyai ya gwae, gwegwe maiboadi sabidi a'manoi deinai, a'emisa edoto ate lobai, gibwa a ewai. ²⁵ To tuta u to'lo be u sidasida, u nuwaisi be tuwesi u guinuwaiyana to'tau deinai, u nuwa samui be deinega tamayo galewai watei gibwa i nuwa samui no goyokao. ²⁶ To eguma nigenabwai u nuwanuwa samu, tamayo galewai gibwa wate nigenabwai no goyokao i nuwauwa samui." ²⁷ Si ila limanina Yelusalema, to tutaina Yeisu i luilui Tapwalolowai, talia ana to anugeta be to eto gawao be tau koiyaweyao si egogonena deinai. ²⁸ Deinai si gwaena, "to'loina deinega nai guinuwaidiyao u guiguinuwaidi, aido teitai loineina i'bwayegona to deinega u guiguinuwa?" ²⁹ Yeisu i gwaena deinadiyai, "gibwai enaide kaikeda ya i bwayemiu. A'guyegau aido gibwa wate ya guyemiu, to'loine deinega nai guinuwaidiyao ya guiguinuwaidi. ³⁰ Iyoni na babitaiso, galewega i tauyana o tommota deinadiyega? A'ei'saigu." ³¹ Taudimo soladiyai si kaobabadana to wate si e tamatamadidina, "si gwae, 'eguma ta gwae galewega,' gibwa i gwae, 'aido tuwesi sabina nigea a'yaleyale deinai? ³² eguma ta gwae, "kaleya deinadiyega'.........." ³³ Abwa Yeisu na eisa si ebwayenana si gwae, "yai nigea i mwalamwalatoni." Deinega Yeisu i gwaena deinadiyai, "yau watei gibwa nigenabwai ya guyeguyemiu to'loine deinega nai guinuwaidiyao ya guiguinuwaidi."