¹ Yeisu leyawa mei ebesinaiyana i tauyana sena yiudia bwasi Yolidani gwaunai to kaleya gwauidi watei sitauyana deinai. Yeisu wate i yeyalena be legwaise doisa tua na guinua. ² Palisiyao sitauyana deinai to si enaidena "isai, loine deinai itowatowa be tau dowana i sailei?" Nai ewaidaina Yeisu ana to. ³ Yeisu iyeisana. "Sidoi Mosese na loine deinamiyai?'' ⁴ Si gwae , "Mosese i tagwalana be saili and peipa i yetoladi be waine i yetune i taya." ⁵ Yeisu igwaena deidiya; "Atemiyao di egulewa alena deinega Mosese loine nai iyetoladiyana'' ⁶ Yeisu watei i gwae , ''mwelulua unu deinai atodi tau be waine iguinuwaidina. ⁷ Wate Yatodi igwae nai tauna sabina tau iyabe tamana be sinana i ebesinaidi be dowana deinai i patu ⁸ be site luwa si ebwala be si e lala kaikeda ... namei dega taudi nigea luwa to esi bwala be lala kaikeda. ⁹ namei dega tuwesi Eaubada i tubweiyana nige sawena teitai isau dumedumedi." ¹⁰ To Yeisu natononowao maeyanao si ilalimanina lobeyai to sienaide limani sabina. ¹¹ Yeisu igwaena deinadiyai , "Eguma soibwata dowana waine isailei be mali waine iewai dowanaina deinai goyoka ite guinuwai. ¹² watei waine eguma dowana soibwataina isailei be mali soibwata iewai goyoka ite guinuwa soibwataina deinai." ¹³ Kaleya natudiyao gidalidi sitauyedina etodo Yeisu deinai be iabe toidi , to natononowao sigosoidina ¹⁴ To Yeisu natononowao itaidina to igamwasowalidina igwae ''saebana yaeya aetoétobidaidi atagwaledi be sitauyama deinaduwai lesina taudi Yatodi naebe loine adilobbwene aiaili... ¹⁵ Ya gwe kalikali deinamiyai teitai you nigesawesawen Yatodi na ebeloine uewaewai lesina you nidoinisa yaeya diemidi. ¹⁶ Deinega yaeya iewaidina to iatu sapwalidina yoeya diemidi. ¹⁷ To Yeisu itolona be edoto itaya, to soibwata kaikeda ipilina to iaetulasana Yeisu wenai, to igwaena yaonaonapui edoto you taegwaise gitamuyo to towaiwe yadalobai? ¹⁸ Deinega Yeisu igwae," towaiwe naewana edoto yaugitamugu ? nigeisai teitai gitamuna Yatodi taunamo. ¹⁹ You umwalamwalatoni loine tabu -saebana ioemwausi saebana opwaili kabokabo saebana kaiboega kaleya dipaula uewaewai". ²⁰ To soibwataina igwae,"to egwaise guinuwaidiyao gwauidi yamayabedina gidaliguywega . ²¹ To Yeisu soibwataina idunenana to ialiyayana toiguyenana naiguinuwaina ulosaloni nopaulao gwauidi uegimwaneyedi be to weweloe uibwayedi aido muliguwega utauyama be deinega no aliyaya galewai uewai. ²² Deinega soibwataina inonoiyana to na paoni wasawasa gwaina iegagaledina to nuwana igoyokana to ilana . ²³ Yeisuidune sakosakowasina to igwaena ana to eganumeyao deinadiyai taudi to wasawasa dilui yatodi naebe loine deinai botolena. ²⁴ Deinega ana toeganumeyao nuwadi i osena na gwaeyao deinadiyega, to Yeisu igwae limanina deinadiyai, natugwao sidoi ana botole ola lui Yatodi na ebeloine deinai. ²⁵ Sidoi sawesawenai cameli ilui nidili gudanega fo wasawasa dilui Yatodi naebeloine deinai botolena ²⁶ Mei deinai nuwadi iose kaikailina deinega ,"taudimo sikawakawa babada denadiyai deinega teitai gibwa gitamu iloboi". ²⁷ Deinega Yeisu iguwedina to igwae nuanuamiu botole koiyawena kaleya deinadiyai to esige nigea mwaunamo Yatodi deinai, lesina Yatodi deinai pesi maiboana gitamuna. ²⁸ Pita ieale be igwae," Yeisu deinai gitamuna yai paula gwauina isawalisinaidina to i egaumegona." ²⁹ Yeisu igwaena gwae aiaili yaguyegomui nigeisai teitai isai lobe isawasawali sinai o tasina o nuna. ³⁰ Nige nabwai alobalobai maisa analedi matupwana do i sana gabula solanai lobeyao tasimwao numwao be sinamwa natunwao be baleuwai ebe towao to tuta inaonaoma yawasi ataya. ³¹ To teitaidi sinuganana simoliya to tomoliya sida nugana. ³² Sitauyana ewaeda deinai namei ewaedaina ituwetuwe Yelusalema, ado Yeisu itautaya nugani diyega, tomoliyaiidiyao inaidi ilona, ado teitaidi taudi gwauwega sitautauyama sisubulina, dega Yeisu tuwelo iyewanowedina debwadebwai to iyeyale be iguyedi tuwesi iyabe namo ipwaesi deinai. ³³ Abae, yai ituwetuwe Yelusalema, ado tau natuna iyabe ibwayedi anatoguinuwao ditau sinabwa be loina aditoguinuwao iyabe sibilaegovoka mwausi deinai sisauni ado totowapwaesi siyebwaedi. ³⁴ Iyabe sibilaegoyoka, siguwali, siwipi, be mwausi deinai sisauni ado iyabe asiyata luwabo kaikeda gibwae itololima". ³⁵ Diyemesa be Yoni, sabedi natunao, situwema ina deinai to igwaena , "toegwaise, nuanuamai,sabimai uda guinuwai eguma tuwesisabina isida", ³⁶ Igwaena deidiyai", Tuwesi nuwanuwamiu yaguinnuwai sabimiu?" ³⁷ Igwaena udatagwali be tadatowa leleleya noebetowa esaesa deinai, kaikeda nima ataiyowega ado kaikeda nima gegeumiega". ³⁸ To Yeisu iyeisaidina, ''nigeya umwalatoni tuwesi usidesidei, sawesanai kapuina unuma iyabe nidonisa yababitaiso gibwae aguinuwai?'' ³⁹ Sigwaena deinai", yai sawesawemayai "Yeisu iguyedina," Kapuina iyabe yanuma, ''yomiu watei anuma, ado babitaisoina deinega yabaitaisona yomiu watei aguinuwai . ⁴⁰ To teitai iyabe nima ataiguwega itowa o nimagegeumiguwega to yau nigeya yaibwaibwaya, to taudimei sabidi sigibubuiyana.'' ⁴¹ Tutaina site ten tomoliyao sinonoiyana nai sabina, si eyalena be sigamwasowali iyemesa be Yoni deidiyai ⁴² Yeisu ibwauwegogonedia deinai to igwaena, "amwa iatoniyana taudi teitaidi iyabe totowa pwaesi ditoloinao siloineyedi, to di tomotaiyao sinabwadi diwaiwai siyeitapwaesi deidiyai. ⁴³ Gibwa nigeya nainido ilatulatu denamiyai eguma teitaidi nanuwanuwa iye tau sinabwa solamiyai tauna ida eto paisewa ⁴⁴ To teitai nuwanuwana be inugana solamiyega tauna iyabe Iyepilisine sabimiu ⁴⁵ To tau, natuna nigeya itautauyama be sabina ipaisewo to esige sabida ipaisewa, ado yawasina ibwaya maisei boda sabida.'' ⁴⁶ Sitauyanmaina Yeliko to tutaina Yeliko siyebebesinai maina tomoliyao be wate kaleya giligiliyewaidi maeyanao medeinai tau anaesana Batimio (tauna timiyo natuna) matana gibuna itowana edaiyai iyesidasida . ⁴⁷ Tutaina inonoiyana edo Yeisu goma nasaleti nai edaiyai, iyeyalena be ibwana be igwae, ''Yeisu deibida natuna , uda atenuwaoleole yegu!" ⁴⁸ Aidi tomotagibuina sigosoiyana, siguyeguyei be iwaguli to ibwauna sinabwanai, ''Deibida natuna, uda atenuwaoleole yegu!'' ⁴⁹ Yeisu ilosauna to iloinenana be itauyama sibewauwenana tomata gibuina sigwae, ''uwatepatu! Utolo! Ibwaubwa sabiyao.'' ⁵⁰ Ana kwama ipelanowenana debwadebwai isabutolona to itamaina Yeisu deinai. ⁵¹ Yeisu iyeisana to igwaena, ''tuwesi nuwanuwayo yaguinuwai sabiyo?" Tomata keboina igwaena, towanugana, ''nuwanuwagu yadadune.'' ⁵² Yeisu igwaena, "utaya noemisa ite abigitamuyo",