¹ Tutaina Yeisu anua tabu dega, tautauya, kaikeda nai, tononowao soladigega i gwaena deinai, "to egwaise! uita gulewabe anuwolo adi ita gitamudi ² I guyenana, uitaidina nai anuwaidiyao koikoiyawedi? gibwa nige isa gulewa kaikeda itupwatupwa na ebe towa deinai. ³ Tuta ina Yeisu itauyana oya olibe deinai, i towana to i dunedune abala anua tabu yelusalema deinai, pita, Yemesa, Yoni be Anidulu si enaidenana atuwauwai. ⁴ "U guyegai, to tuta gibwai nai yageidiyao si latu? Tuwesi ana weiweiyaya eguma nai yageidiyao gibwa si latu?" ⁵ Yeisu, i eale be i awa gwae deinadiyai, alo mataiisimiu be nigesawena teitai i tautaya gesi yemiu . ⁶ Gwaidi gibwa si tauyama waeyaguwega be si gwae, yau tauna, be kaleya gwaedi si taya gesiyedi. ⁷ Eguma a enene egebu edasolai to egebu bwalidai, saebana a nuanua, nai yageidiyao sida latu, to tuta nai ebelosani mabwena. ⁸ Leyawai be leyawa si egebu ilaida, ebeloina be ebeloina, gibwa mwanini leyawa gwaina, be bote, nai yage idiyao sida latu donsana enatu ana uwe. ⁹ Alo mataiisimiu gibwai si abisimiu be si eyatalaemiu si unuimiu anua tapwalolo denadiyai. Gibwa a to olo toloineyao be kinyao matadiyai, yau sabigu, be noya sabigu ada epwaili deidiyai ¹⁰ To noya gitamuna ida geme lete wane sena gwaina deinai. ¹¹ Tutaina si abisiyo be si tauyeyo ebe etala deinai, nige nabwai u nuanua tuwesi gibwai u inai, eguma ana tuta deina, you gibwa nigea u awa awa gwae esige yarua yarua tabura ¹² Tau gibwa tasi aiailina i ibwaya nowei loina deinai be si loemwausi, to tama wate donsana natudiyao deidiyai, yaeya tamadiyao si etalauwaledi abwa loina i loineyedi mwausi deinai. ¹³ Gibwai kaleya si etelauwaleyo lesina waeyagu sabina eguma teitai i alamaiita, iyabe ana gitamu i lobai. ¹⁴ Maetam a ita, gwegwe goyokatauna to gadiluluna i to oto olo nige ana lobwene be senaina deinai i to'olo. (To sawa ida nuasabwale tumwesi ana mwalatoi) taudi iudia deina sida dena oyaiyai. ¹⁵ Teitai tauna begulai i paipaisewa nige nabwai illaila ana kwama sabina. ¹⁶ Teita tauna begulai i paipaisawe nige nabwai illaila ana kwama sabina. ¹⁷ To mwau nina taudi teitaidi yaeya soladiyai be toesususuwao iyabe si enuwaoleole tutaina deinai. ¹⁸ Deinega ada sidasida be tuta gitamuna yatodi ida i bwayemiu mi tuta deinai, saebana gaganitu deinai. ¹⁹ Tuta matadai i naonaoma, mwau koiyawena iyabe i pwaesi nige nidisia tuta naboi. Yatodi baleu i mweluluiyana ana laba nai nige nabwai wate mwau i latulatulimani. ²⁰ Ana laba Inapwana tutaidiyao iyabe ekukupa, nige nabwai teitai i mwaumwausi. Na tomotaiyao esiesinuwai di sabidi iyabe tutaidiyao iyabi ekukupa. ²¹ Eguma teitei igwae Keliso nai nai numwamei Keliso saebana aemiemisei. ²² To ekabokabo iyabe sipwaesima be aguesanega be Palopita weiweiyayao ebenuwaowana siguinuwaidina be yatodi na bodao esiesinuwa idi ²³ Deinega alomatapali naiyageidiyao yategimiye matalueimiu miu saibidi. ²⁴ Muliega mwau koiyawena gibwai ipwaesi, ala, nigenabwai Ialaála. ²⁵ Kubwana iyabe sibeu gelewega to waiwaidiyao maibowadi galewega iyabe siloniu. ²⁶ Deinega kaleya iyabe sita tau natuna itautauyama kwau solanega maina waiwai be esaesa . ²⁷ Iyabe iyeitunema aneloseyao be Isiyegogonedi taudi nato motaiyao esiesinuwaidi yagila siyeluwa sabasaba matadiyega, wate gabula bwatanega wate galewa bwataneya. ²⁸ Ebe ita mwadawa deinai eguma mwadawa lakana deinai yawaina awaeina ibwalabwala pwaesi iyabe umwalatoni edo gesogesoi anatuta ²⁹ Wate nidosa totuta u taidi weiweiyayadiyao silatulatu uda mwalatoni gu tuta munema ite lona'nabwa . ³⁰ Gwae kaikailiyega ya guyemiu , nai epataina nigenabwai sisawasawali analaba weweyayaidiyao sipwaesi. ³¹ Galewa be baleu iyabe sigumwali to gu gwaeyao nige nabwae sigumwagumwali. ³² Yeisu iguyedina , nigeya teitai imwalamwalatoni asiyatai nai tutaina, nedosa aneloseyao wate tau natuna. ³³ Deinega ayaweyawe alena nigeya umwalatoni to tuta i lama . ³⁴ Nedoisana tau kaikeda i tauyana malileyawa deinai na lobe iye besinaiyana to nato paisewao isaunidina be na lobe sitaisi watei kaikaikeda di paisewao ibwaedina to tauna tolomataita iguyenana be ida yaweyawe ³⁵ Deinega wate alomataisi Toni lobe iyabe imunemunema nai lailaiyai nai niunuwanega nai kakaleko sigwanegwane deinai nai tomwa pawapaw. ³⁶ Eguma ilamai loesulutu yega saebana ida lopalobaimiu ateno. ³⁷ Tuwesi yaiyaiyana deinamiyai nidoisi boda deidiyai watei: waemataita.