¹ Yeisu bodaho i hegwaediya ya gwae, kahikahila tomotai koimiya, komi watoholo kebwa wa hemisega ma Yaubada ina kebeloina wagebe itautauyama maina waiwai. ² Kasiyata sikisi mulina, Yeisu tonono i toediya, Pita, Iyamesa ma Ioni makiyanaho sihaneya koyai, taudimo, ma kana geba igihe dumedumeya koidiya . ³ Ma kana kwama i wakewakeke wawasae, igeya keta taiya goma balekuina kana kwama kana wakewakeke gidemusa. ⁴ Ma Ilaisa ma Mosese sihapwesa ma Yesu ma kiyadi sihehe gwaegwae. ⁵ Pita i hekisa ma igwaeya, Yeisu koina, ''kinapwana (Labai), i lobenaya ma kebwa ta miya ma yoheyohe toi ta kabi kaigeda kowa weyai, ma kaigeda Mosese weyahina ma kaigeda Ilaisa weyahina. ⁶ (Igeya sawesawena ma tona igwaene, weyahina simatauta.) ⁷ Ma yaloha isuluma i bwasediya, ma yaloha ina koinega ihapwesama, ''keiga natugu ya obobomaya, wa henono koina. ⁸ Lomaniniyega si geba sakowasiya, ,igeya keta taiya si gebageba loba, Yeisu taunamo. ⁹ Yeisu, maina tononowaho, koyega si sulusuluma, ma i loinaediya, geya kabwa taiya koina wa simasimana, tonai nikatu wa gebeya, kana laba tomota natuna mwawasega itoholo limana. ¹⁰ Tonono, tonai sigebeya sidahweya koidiya, ma sihe gwaegwaeya tololo limana weyahina, tonakana nuwa sabwalena. ¹¹ Tonono, sihenaida Yesu koina, tonai weyaina loina kana tohekita igwaeya Ilaisa inugetama? '' ¹² Yesu igwaeya koidiya, ''Ilaisa nikatu i tauyama ma yage yahuna igilimadi, tona weyaina ketoladi igwaeya tomota natuna yata i kelouya yage yahuna weyaidi ma tomota si guitoyase. ¹³ Ma yahe gwaegemi, Ilaisa nikatu i tauyama ma tonai idi nuwanuwa koina ma siguinuhe sida guinuhe gidemusa, buki tabu isimana tauna weyaina. ¹⁴ Koinega koyega si suluma, senaina koina tonono ipili sinediya koina i lobediya ma sigebeya boda sinabwana maki yadiyaho, ma wete loina kana tohekitaho ,ma kiyadi yaho sihekala kohekohe. ¹⁵ Koinega Yeisu si gebeya, ma sipiliya Yeisu sikahu keweyama koidiya. ¹⁶ Yeisu, tonono ihenaidediya, tonai weyaina wa hekala kohekohe makiyamiyaho.? ¹⁷ Boda soladiya tai kaigeda Yeisu ihekiseya? tohekita, " natugu yatauweyama koiuwa. yaluyaluwa galana koina igeya sawesawena ma igwagwae. ¹⁸ Haina tuta itaitai ma kahanega gwala busobuso si hapwehapwesa, ma ihesala kikita, ma idededela, ma ino tononowaho yasidediya ma yaluyalua galana sida ula latuwe gwama koinega, ma igeya sawesawena. ¹⁹ Yeisu i hekisediya ma ihegwaediya, tomota komi, to yaleyale gebwagebwalaho tuta dudulena komi ma taugu tamiami, imi deba pakala koinega yalokamekameya? Gwama watauweyama koiguwa. ²⁰ Koinega gwamaina sitauweyama Yeisu koina, ma yaluyaluwa ina galana Yeisu igebeya, koinega lomaniniega, gwamaina itaiya ma balekuna ibekuwa ma i dededela, ma kahanega gwala busobuso silatulatu . ²¹ Yeisu gwama tamana ihenaideya,'' totuta koina kanalekwa saina ihekaleya? "Tamana igwaeya, ''inatuta gwama koinega. ²² Tuta yahuna, itaitai, ma ibekubeku kaiwe kalakalasina koina ma wete bwasi nikunakoina, tuta giyokuna, ma ilohemawasi taunamo koinega, sawesawena ukatenuwakolekoleyema ma ulemema .'' ²³ Yeisu tainina ihegwaeya ,kemikowa wete maino hemisa, tauna tainina uhemiseya, tauna koina sawesawena. ²⁴ Lomaniniyega gwamaina tamana ikala bwauwa, ma igwaeya, hona kahikahila, yahemisa, ma igeya hemisa kahikahila. Nuwanuwagu igu hemisa, ugihewaiwaiye. ²⁵ Tutaina Yesu boda i gebediya, sipilipilima koina, koinega yaluyaluwa galana, iheliyeya, ma igwaeya, kowa yaluyaluwa galana ino yahiyahi konega, gwama ihe uwauwa, Yaloinego ma ukebesinehatae, igeya kabwa wete tuta kaigeda uhilahila limanama koina. ²⁶ Koinega yaluyaluwaina galana, i kasokasone, ta gwamaina kana lekwasaina ihekaleya, ma idededela wawasae, ta yaluyaluwaina galana gwamaina koinega ihapwesa ma itauyama boda gwamaina sigebeya kana geba gide imwawasa, ta simatauta ma sigwaeya nikatu imwawasa. ²⁷ Ma Yeisu gwamaina nimana ikabiyahiaya, ma igihetoholoya, ma gwamaina itoholowa nikatu ibwebweyana. ²⁸ Koinega muliega, Yeisu maina tononowaho siluguwa hadai taudimo simiyami, ma Yeisu sihenaidiya, sigwae, Yeisu, tauma togidega, ta igeya sawesawena, ma yaluyaluwa galanaula hepwese?'' ²⁹ Yeisu koidiya igwaeya, ''igeya keta tona koinega ma yaluyaluwa galandi taula hapwesedi, benonama sidesidega.'' ³⁰ Nage koinega Yeisu maina tononowaho senaina sipilisineya, ma sitautauya Galili ina sena koina. Yeisu igeya nuwanuwana ina boda simwalatoni, takweha sitautauya. ³¹ Nage koina ina tononowaho koidiya, igwaehapwesa, ina mwawasa weyaina. Igwaeya, kabwa tomotai natuna, kana tohekikipi ihekebwayae kana talahuwalaho, koidiya ma silohemwawasi, ma kasiyata toi mulina itoholohila. ³² Ina gwaeina weyaina igeya sinuwasabwalena, ma wete igeya sihenaide ina gwaenidi wayaina simatauta. ³³ Nage koinega, sitauyama Kapineomi koina, Yeisu hada solana maina tononowaho simiyami ,ma ina tononoidi ihenaidedeya, igwaeya, nige tatautauyama keda gamwagamwana, ma tona weyaina wahehegwae gwae? ³⁴ ''Ma mabwaiyadi sihenonowa, sihomayamaya. Weyaina idi hegwaegwae beno hetoloina weyaina, tayia koidiyega idahetoloina . ³⁵ Imiyatowa ma site tuwelo ibwauwedima, makoidi ya ihegwaegwae, kemu taiya kowa nuwanuwama uhetoloina sawesawena ma taumo ugisuluhego,ma uhetopaisewa kiyamwaho weyaidi. ³⁶ Ma kaigeda gwama itoeyama ma gamwagamwanidiya, ihetoholoya ma ikatusahuya, ma ihegwaediya. ³⁷ Igwaeya kemitaiya kowa gwama keiga gidemusa u obobomega kagu esanega, beno taugu wete uobobomegauwa, ma igeya kabwanene taugumo uobobomega ma wete kagutohetuneina, Yaubada baidagu u obobome maiya. ³⁸ Iyoni igwaeyaYeisu koina, ''tohegeba kagebeya kaigeda tai yaluyaluwa galana iulaula hapwese ka esanega ma kagihelosakuya, weyaina igeya ida muliyegita.'' ³⁹ Ma Yesu igwaeya, igekabwa wa ketoketobode, taiya kana lobweine ma paisewa waiwaina iguinuheya kagu esanega, igeya kana lobweine be tona galana igwaene weyaigu. ⁴⁰ Totai tauna igeya ida hetalahu walegita tauna weyaina. ⁴¹ Totai tauna kehiga ma bwasina ikebwaego ma inunuma weyaina kowa Kelise ina boda ya gwae kahikahila koiuwa i geya kabwakaba hekisai hekwani . ⁴² To tai ma gwagwama gidalidi taudi siheliyedi sihemisa koiguwa ma si gihebekudi ,sawesawena ma gulewa sinabwana kotona si sepwa sakowasiye ma si ulesuluhe holai . ⁴³ Kemi nima igi hebekuyo ku tomwa yahule .kana lobweine kaikaha ma yawasi hataya loina uda lugu,bwebweyana wawasa keini nima luwa sita tauya kasa gabugabu ,miyamiya hatayana koina. ⁴⁴ Kemi kae kaigeda igihebekugo, kutomwayahule. Bwebweyana wawasae ma ulugu yawasi hataya. Muliyega kae luawadi si ule suluhe kasa gabugabu. ^{45 46} Kemekae kaigeda igihebekuyo ,ku tomwayahule bwebweyana wawasae ma ululugu yawasi hataya, miliyega kailewadi si ule suluhe kasagabugabu. ⁴⁷ Kemi mata kaigeda igi hebekugowa kusabu yahelu, kana lobweine kahikahila ma kululugu Yaubada ina kebe loina solana mata kaigeda tuwa namo muliega mata luwadi sida ulesuluhe kasa gabugabu. ⁴⁸ Sena ina koina mwatamwata igeya sida mwawasa, koina kaiwe kalakalata igeya ida gibowa. ⁴⁹ Koinega tomotai kaiwe kalakalata ida gihe bwebweyainedi gidemusa hola. ⁵⁰ Hola nage bwebweyana, Kemi kana lotohona isasawala, to gide kana lotohona u gihe bwebweyana kese? Koinega hola wada kewa koimiya, ma wada miya siwaloha makiyamiyaho.''