¹ Nage kasiata idi koidiya, wete boda sinabwana Yeisu baidanaho, ma igeya keta tonai ma sikai koinega Yeisu ina tononowaho ibwauwediya ma ihe gwaediya. ² "Yahehe kate huyahuyala tomota keiga weyahidi weyahina toudi baidigwaho nikatu kasiyata toi ma igeya keta tonai ma sikai. ³ Kemi ma botanidi ma yahetunedi sihihila idi hanua yata kedai sitatai weyahina haida sitauyama kedasolega". ⁴ Ina tononowaho sihenaideya sawesawena takwehega beledi takahali be koinega tomota keiga tahekaidi weyahina kasa kedasola wawasae koidega. ⁵ Koinega Yeisu ihe naidediya, "Hisadi beledi koimiya? Sigwaeya, "sebeni". ⁶ Yeisu tomotai iloinahediya be sida miya kalatuta balekuwa. Koinega Yeisu beledi sebeni ikahaliya ma iloyauwedowa yaubada koina. Ma beledi iketom wetomweya ma tonono ikebwaediya ma tomota sihe- kaidiya. ⁷ Wete tononowaho koidiya iyana Giyokuna, koinega ilo yauwedowa iyana weyahina yaubada koing, ma ina tononowaho iloinahediya be sikebwaedi tomotai. ⁸ Sikaiya ma gamwadi si seseha. Ma kai hetuhetupwan sihegogoneya koneya sebeni simaha. ⁹ Tomotai Yeisu ihetune hiledia kadiyahu powa tausani. ¹⁰ Lomaniniega Yeisu ma ina tononowaho sigeluwa wagai ma sitauya dalimanuta senaina. ¹¹ Koinega palisiyaho si hapwesama ma si helegewa gewahana Yeisu baididi. Ta nuanuadi be Yeisu sitoho ma wekiwekiyaya be simwalatoni kabwanene ina wainwai yaubada koinega. ¹² Yeisu nuana imwahuwa ma igwaeya. "Tonai weyahina ta kepata keiga nuanuadi wekiwekiyaya? Yagwae kahikahila koimiya, geyakabwa wete wekiwekiyaya wagebegebe." ¹³ Koinega ikebe sinediya ma igelu limana wagai, ma si habala mali gayobalega. ¹⁴ Tononowaho kaigeda beledi sikahliya wagai ma sinua sideya ta igeya beledi yahuna sikahali. ¹⁵ Yeisu ihe mataluwediya igwaeya, " Wa gebayahigemi palisiyaho be helodi kadi beledi kana kebe gihe seseha koinega." ¹⁶ Ma tononowaho taudimo koidiya sigwaegwae, "tauda igeya kad beledimo". ¹⁷ Ma Yeisu nikatu idi nuanua imwatoniya ta ihegwaedia, tonai weyahina wagwaegwae kabwane igeya kami beledimo. Nuana imi nuanua sipota? Ta igeya wa nuasabwaleni? ¹⁸ Mamatami ma igeya wagebegebe? Matenami ma igeya manono nono? Ma igeya sawesawena wanua kikisi? ¹⁹ Tutaina beledi paibi yake tomwe tomweya ma tomotai paibi tusani yahekaidiya, hisadi koneya mahamahadi tupwa tupwa beledi wahe gogonediya? "sihegwaeya," tuwelo". ²⁰ Ma tuta ina sebeni beledi yake tomwe tomweya ma powa tausni tomotai yaheguyaidiya, hisadi koneya mahamahdi tupwa tupwa beledi wahe gogonediya?" sihegwaeya, "sebeni". ²¹ Koinega Yeisu ihegwaediya, "togide igeya wanuanuasabwaleni?" ²² Tuta ina si tauyama Beteseida. Ma tomotai sitauweya ma to mata gibugibu, ma si hesideya Yeisu ma kabwanene toma ta gibugibu matana ida kabitoho. ²³ Yeisu ikabiyahiya to mata gibugibu matana ikaisoya, ihenaideya. "sawe saweuwa u gebe kata togwegwe?" ²⁴ Tomata gibugibu ilogeba haneya ma igwaeya." Ya gebediya tomotai ma kadigeba gidemusa kaiwe sidelideli" ²⁵ Wete Yeisu nimana ilagu hileya tomata gibu inamatana, ma tomata gibu matana ikeyahaliya. Mata gibu matana i bwebweyana, ma wete gwegwe yahuna igeba kahikahilidiya. ²⁶ Yeisu mata gibu ihetunelatuheya ina kasa, ma Yeisu igwaeya mata gibu koina gekabwa ulugulugu kasa sinbwana koina. ²⁷ Yeisu ma ina tononowaho silatuwa Saslia Pilipai kasana ho koidiya sitautauya, Yeisu kedai ina tononowaho i hegwae diya tona weyaina tomota sigwaegwae tagu taiya? ²⁸ Tononowano si hekiseya Yeisu ina hehaida, ma sigwaeya Iyoni toginesilibwabwa haidi sigwaeya Ilaitiya, ma wete haidi si gwaeya palopita. ²⁹ Yeisu ihenaidediya tonono, ma komi imi nuwanuwa taiya taugu? Pita ihekiseya Yeisu ma, igwaeya kowa keliso. ³⁰ Yeisu ma tononowaho ihemataluwediya Gekabwa taiya wahehegwae tugu totai? ³¹ Yeisu ihekale ma ihekita ma tononowaho koidiya, kabwanene tauna yaubada natuna yata ikelouya gwegwe yahuna koidiya. Ma wasiyalaho, totaliyaho sinabwadi ma loina kana tohegwesenaho silogwahateya. Yeisu igwaeya yaubada natuna yata imwamwasa, ma kasiyata toi ma itoholo hila. ³² Yeisu tona igwaeneya yata ilalatu koinega Pita Yeisu itoeya inaoleya papaliya haidi tonono koidiyega ma iheliyeya. ³³ Ma Yeisu ihutu sakowasiya ma ina tononowaho ikedunehediya ma Yeisu iheliyeya Pita ma ihegwaeya, utauya koiguwega kowa seitani. ³⁴ Mulietega Yeisu i bwau hegogonedima tomotai ma ina tononowaho, ma Yeisu igawaeya kemi taiya nuanuana ma imuliyega, taunamo kananuanua ilosaku, ma hesi taumo kana kelose ikahali ma imuliyega. ³⁵ Koinega taiya kemi nuwa nuwana ma yawasina ileme yata ihekwani, ma taiya kemi yawasina ihekwni taugu weyaigu ma ihemwasala yata yawasina iloba. ³⁶ Kemi tomota ihehe wasawasa balekuwa beno gwegwe besobeso, ma hesi gwegwe sinabwana yawasida. ³⁷ Kemi tomotai yawasina bwebweyana ihekwani igeya sawesawena ma ikewahila. ³⁸ Taiya kemi ihomayamayaega ma wete igu hekitaho. I homayamayaedi, igeya ina hemisamo, ma ina gala. Yeisu yata wete ihomayamayae, ma ina hilama tamana ina wasawasa tuyatuya yalina ma kiyana, ma wete hetahetabudi aneloseyaho makiyanaho.