¹ Palisiyaho si hegogonama Yeisu baidadi, wate loina kana to hegebaho taudi Yelusalemega si tauyama. ² Si gebeya haidi Yesu ina tononowaho kadi beledi si kaiya manima baibailidi, benogo igeya nimadi kana kutumo. ³ Palisiyaho ma wete me Iudia igeyakabwa si kaikai kana laba nimadi si kutudi, weyaina taudi tubudiyaho idi bubuna si giyagiyahi. ⁴ Totuta ma palisiyaho si hila limanama kebe hegimwane koimega, igekabwa si kaikai kana laba si kesiwe. Ma wetego haikadi loina waiwai idi si muliediya, iidemusa lokuta gaeba, kehiga ma kulena. ⁵ Palisiaho ma loina kana tohegebaho Yesu si henaideya, tonai kalena koinega ino tonono waho igeya tubumiyaho idi bubuna sida miyaneya ma nima baibailidi kadi beledi si kaikai? ⁶ Yesu i gwaeya, ''Aiseya ina palapisai komi to kaha gebagebala weyaimi, bewa gide ina tekoladi, bewa tomotai nidi sopadiyega si kama ya begowa ma katedi i miya keda sola koiuwega. ⁷ Idi Tapwalolo yage besobeso si kebwakebwaega, weyaina tomotai idi loina idi nuwanuwa koidiyega . ⁸ Wa lagu hile Yaubada ina loina ma tomota ina hegebe wa mulimuliye.'' ⁹ Yesu i gwaeya komi Yaubada ina loina sanoa wa guitoyasa kahikahilidiya ma tubu miyaho idi bubuna wa igiyagi yahidi . ¹⁰ Mosese igwaeya, tama ma sina uda kamayaubedi,'' taiya tauna tamanana ma sinana i gwae besobesoweidi, ida mwawasa.'' ¹¹ Ma komi wa gwaeya,kemi tai igwagwae tamana ma sinana koidiya, ''to lema koiguwega wa keweya beno hetahetabuna, tada gwae.(Yaubada koina ta kebwaya.) ¹² Be komi igeya imi loina waiwaina be tonai ida guinuhe tamana ma sinana weyaidi. ¹³ Komi Yaubada ina loinaho, wa heyage besobeso wedi imi bubunaho koidiyega beno taudi wagi suluhediya ma wete haikadi yage gidemusa. ¹⁴ Bodaidi wete ibwau hilediya ma koidiya igwaeya, wahenono, koigua, mabwai yami, wanuwa subwalena. ¹⁵ Igeya keta tona kata manega, tomotai ida kaia ma, gawanai ida suluwa ma ida gihebwailiya, ma hesi kemi tona tomotai katenega ihapwesama, beno hesi sawesawena ma tomota igi hebaili. ¹⁶ kemi taiya ma tenana ma ihenono, tagwala ma ihenono. ¹⁷ Tuta nage koina tononowano ,boda sikebe sinediya ma siluguwa hadai, ma ina tononowaho idi Yeisu sihenaideya, gwae semalimali weyaina. ¹⁸ Yeisu ihegwaediya, komi wete nuwana, nuwami igeya isabwasabwalena? Igeya wa gebegebe beno tomota tona i kai ma, ilulugu solana igeya kabwa igi hegihebaili. ¹⁹ Weyaina, igeya ida luguwa tomotaina katena, ma hesi i tautauya gamwana, ma wete ihapwesa ma itautauya sumwana na koina. Ma Yeisu ina hegwaegwae konega masulaidi igihe kasasediya. ²⁰ Yeisu igwaeya, keiga hesi kemi tomotai solanega ihapwehapwesama, keiga hesi tomotai igihebaili. ²¹ Gedemusa nuwanuwa galadi, loyawe, kipwala, lohemwawasa. ²² Loyawe, nuwanuwakwaiha, gamwasowala, kegebagebala, sogala, hekipikipi, sinala, gagasa, nuwanuwa besobeso. ²³ Keiga nuwanuwaidi galadi tomotai soladiyega silatula tuma ,taudi tomotai sigihegi hebailidi. ²⁴ Nage koinega itoholowa, ma itauya, taiya ma Saidoni, senaidi koidiya, ma hada kaigeda koina i luguwa weyaina igeya nuwanuwana ma tomotai simwalatoni, ina tauyama weyaina ma hesi igeya sawesawena ma imiya kedahwana. ²⁵ Ma lomaniniega wahine, natuna gidalina mewahine na, yaluyaluwa galana koina iluguwa nage wahinena Yesu wasana inonoya, ma i tauyama kaena i bekuwa. ²⁶ Ma wahinena tauna ina kasa gilisi, ma Yesu isideya kabwanene, yaluyaluwa galana natuna koinega i ula hapwese. ²⁷ Koinega Yesu wahineina, i hegwaya, i gwaya, i lobwaineya ma gwagwama kadi masula yakebwaedi heki, ma igeya sawesawena, gwagwama kadi masula kedewa gidagidalidi yakebwaedi. ²⁸ Ma wahinena igwaya kona kahikahila kinapwana, ma hesi kedewa tuta yahuna, kebe kai gabulenega, gwagwama kadi masula mumuguna koinega si kaikai. ²⁹ Yesu wahineina koina igwaeya, yauwedo, beno kahikahilina, koinega utoholoma u hila inohadai, yaluyaluwa galana natu koinega nikatu ihapwesa ma i bwebweyana. ³⁰ Koinega wahineina itoholowa ma ihila ina hada. Ma i gebeya natuna ina kebe keno koina i kenokeno, yaluyaluwa galana nikatu koinega ilatuwa. ³¹ Wete Yeisu taiya koinega, ihepwesa, ma itauya Saidona, hola Galili beno dikapoli ina kebe loina solana. ³² Kaigeda tai sitauweyama, Yeisu koina tena tuituina, ma wete memeyana ilidolido, ma Yeisu sisideya ma, kabwanene ida gitoho ma ida bwebweyana. ³³ Ma Yesu tainina i kahutoeya, ma boda koidiyaga siha dumaduma, taudimo, koinega Yesu nima matagigina ilagu luguheya tenana ma muliega Yesu nimana i kaisoya ma memeyana igitohoya. ³⁴ Koinega Yesu igeba haneya galewai ma katenuwa kole koleyaga i gwaegwae, ''Epapata,'' beno kana gibui ukebwale!'' ³⁵ Koinega tainina tenana iikebwaleya, ma wete memeyana nikatu i palupaluwa, sawesawena ma igwagwae ma wete inono kahikahila. ³⁶ Koinega Yesu tomotai iketobodediya, kwabanene igeya kabwa taiya koina si simasimana, ma keto bodaina igeya simulimuliye, ma hesi sihemwasala dadaneya tomotai koidiya. ³⁷ Ma taudi nikatu sinonoya, nuwadi ihowana sinabwana, ma sigwaya, inaguinuha bwebweyana ma kebe nuwa nuwa, weyaina totenatui sinonono, kahikahila, ma meya lidolidodi si gwaegwae kahikahila.