¹ Yeisu i kebesinediya senaina koinega ma i tauyama tauna ina kasa koina, tononowaho si mulieya. ² Sabati kana tuta koina,Yesu iluguma kebe delihegogona,koina ma ihegwesena, tomota yahudi sinonoya ma silosuyaedia,sigwaeya, ''to nuwasabwalena bewa Yaubada i kebwaeya? Ma takwehega ina waiwai ikeweya ta hedehedede iguiguinuhedi?'' ³ Tai bewa tauna to kabi, Meli natuna, ma wete Iyemesa tasina ma Iyosese ma Iudasa ma Saimoni? Ma nuhunaho igeya baidadaho kebwa, koinega tomotai Yeisu siguitoyaseya ⁴ Yeisu igwaeya koidiya, "tomotai mali sena be mali sena koidiya palapitaho sikama yabediya ,ma tauna ina kasa kahikahila koina, ma ina susuwaho koidiya maina hada igeya kana kamayabamo.'' ⁵ Igeya sawesawena ma Yeisu to hedehedede keta i guinuhe nage koina, Beno namo imana ilagulagu haidi tolekwasaho koidiya ma si bwebwe -bwebweyana. ⁶ Yeisu i losuyaeya weyahina tomota keiga igeya idi hemisamo. Koinega itauya idi kasaho koidiya ma ihegwe hegwesena. ⁷ Site tuwelo ibwauwedima koina ma i hetune latuhedi site luwa site luwa, ma waiwai ikebwaedia be yaluyaluwa i galadi, siula hapwesedi. ⁸ Ma Yesu tononowaho iloina ediya be geya kabwa keta tonai si kahakahali idi tauya koina, nuwana masula, tana, o mani. Beno namo sikahali idi goli. ⁹ Kaelawa wakote ma geyakabwa lohe poseyana kaleko wa kahakahali. ¹⁰ Igwaeya kemi kululugu hadai nobwa kumiyami kanalaba kasaina ukebesine. ¹¹ Kemi to kasa igeya si kahukahu kewago o igeya, si henohenono koiuwa ma kemi kasaina u kebekebesina kae bailina kulo hutu hutui, be kebe geba taudimo gamwagamwa nidia. ¹² Yeisu ina tononowaho i hetune hapwesediya sena kaigeda kaigeda koidiya sisimasimana tomota ida nuwakebuni ina gala koinega. ¹³ Yaluyalua baibailina yahudi siula hapwesediya ma bunama koinega sitolowa ma tole kwasaho yahudi sigihe bwebwe yanidiya. ¹⁴ Kini Helodi inonoya kabwane Yesu kana esana nikatu isinabwa. Haikadi sigwae gwae, Iyoni togihe silibwabwa, nikatu i toholoma mwawasega. Tauna koinega sawesawena hede hededeidi iguinuhedi.'' ¹⁵ Haina tomota sigwaeya, ''Tauna Ilaisa" wete haina sigwaya, ''tauna Palopita, Gidemusa Palapitoho gimi tuta.'' ¹⁶ Ma Helodi inonoya gwegweidi Yesu weyahina ta i gwaeya Iyoni yalohe mwamwasiya ma nikatu itoholo limana mwamwasega. ¹⁷ Helodi tebwehunamo ihetunediya ina tolosaiyaho, ma Iyoni sigiyahiya. Ta silaguya hada kebe hematasabu koina, Weyahina tasina (Pilipi mwanena Helodi ihaiya). ¹⁸ Iyoni i hegwaeya Helodi, ''igeya kedakeda bwebweyana weyahina tasi mwanena uhaiya. ¹⁹ Koinega Helodiasi ihe kidikidiyeya Iyoni nuwanuwana be Iyoni i mwamwawasa. Ma igeya sawesawena. ²⁰ Ma Helodi, Iyoni imatauteya, weyahina imwalatoniya Iyoni tai palupaluna ma hetahetabuna koinega Helodi itoho ma Ioni ihabodebode, tutaina Iyoni iguguya ma Helodi inonoya igihenuwa mwahuya, ma tuwa igwahusoala be koina ihenono. ²¹ Ma kasiata nikatu i tauyama Elodiasi ina paisewa i guinuhe, keiga Elodi inakasiyata tubuwa kana kasiyata i lobeya ma Elodi masula igibubuya toloinaho ma wete tohanugetaho Galili yega weyaidi. ²² Elodiasi natuna mewahinena taunamo itauyama, weyaidi iselowa ma igihe gwausowaliya, Elodi ma kana taumwanaho ma Elodi natuna mewahinena ihe gwaeya uhesida koiguwa, to gwegwe ino nuwanuwa yatago yakebwaego. ²³ Kini Helodi igwae upaupa wahine koina igwaeya, "tona tuwa weyaina uhesida koiguwa?" Yata tuwa yakebwaego, "Ma wete igu kebeloina ya weyali ma ya kebwaego" ²⁴ Wahine iulalatuwa ma igwaeya sinana koina, "tona yata yaheside?" wahine sinana igwaeya Iyoni togihesibwabwa mwaguna. ²⁵ Wahine ilomaniniya ihila hada solana Kini Elodi koina, ma ihesida, wahine igwaeya taugu "nuwanuwagu ukebwaegauma Iyoni togihesilibwawa mwaguna." ²⁶ Kini Elodi nuwana imwahuwa Iyoni weyaina. Ma kalena Elodi igwae upaupa tomota matadiya. I geya sawesawena ilogwahate wahine ina sida. ²⁷ Koinega kini Elodi ihetuneya tolosiya kadi tolomatakikita i tauya Iyoni mwaguna weyaina, ma itauweyama koina. Ma tolomatakikita i tauya Iyoni kotona itomweya ma itauweyama koina. ²⁸ Tolomatakikita itauweyamo Iyoni mwaguna gaeba koina, ma ikebwaeya wahine ina, ma wahineina ikebwaya sinana. ²⁹ Itale keiga sinonoya, ma tonowaho sitauyama Iyoni bwalana sikahaliyama, sigaliheya logeiya. ³⁰ Ma tononowaho si hegogona ma simiya sakowasiyeya Yeisu, ma si hegwaeya, tonai ma bwaiyana si guinuheya ma wete si hegwesena. ³¹ I gwaeya taudi koidiya, "watauya taumimo kasa wabo lebloe koina tahewaikata kukupana". Weyaina boda sitautauyama wete si tautuya Igeya keta tuta imiyami lagu dumaduma ina, ma igeya wete tuta imiyami kebe kai. ³² Yeisu ma tononowaho si tauya tudimo, wagai sigeluwa, ma si tauya kasa ina koina igeya keta taiya ida miya. ³³ Ma boda tomotai si gebediya Yeisu maina tononowaho ma wete si kinanediya. Tomotai si piliya bodaidi kasa yahuna koidiyega, Yeisu ma ina tononowaho koidiya si pili latuwa. ³⁴ Tuta ina iulalatuma waga solonega dabalai, Yeisu igebediya tomotai boda sinabwana; inuwamwahuwa tommota weyaidi, weyaina tomotai taudi gidemus sipi igeya kadi to geba kikitamo, koinega Yeisu ihekale ma ihegwsedi gwegwe yahuna. ³⁵ Tuta gidalina sinala isosopu Ina tononowaho si tauyama Yeisu koina, "ma si gwaeya, keiga kasa ina igeya keta taiya koina ida miya ma tuta nikatu isokiya. ³⁶ U hetunedi tomota ma sitauya si lugu hadaho koidiya ma wete silugu kasaho koidiya, ma taudimo kadi Masula si gimwane ma si kai." ³⁷ Ma Yeisu ihekisediya ma i gwaeya koidiya, "wa kebwaedi tomotai masula ma si kai." Tonono si gwaeya Yeisu koina, "katau ma kagimwane beledi tu analedi (200) daneli kana maisa koinega, ma kakebwaedi tomotai ma si kai?" ³⁸ Yeisu igwaeya tonono koidiya, hisadi kana yahu beledi waduhina wa kahahdima, wa tauya ma wagebe, si tauya ma silobeya, "Nima kaigeda beledi waduhina maluwadi iyana." ³⁹ Yeisu tomotai iloinediya mabwaiyadi ma simiyatowa balekuwa mwodumwodu kalikaliwena tabwana. ⁴⁰ Ma wete tomotai mabwaiyadi si miya towa boda boda koinega kadi yahu anaedi ma wete pipiti. ⁴¹ Yeisu ikahaliya nima kaigeda beledi ma luwadi iyana, ma ilogeba haneya galewai. Yeisu beledi igwae obobomeya ma ikabitomweya maikebwaediya tononowaho ma si heguyaiye boda koidiya wete Yeisu i heguyaiyeya iuwadi iyana tomotai koidiya. ⁴² Tomotai mabwaiyadi sikaiya ma simwausuwa. ⁴³ Tononowaho beledi ma iyana tupwatupwana sihakausiya ma si heuseya koney tuwelo si mana. ⁴⁴ Nage koina Yeisu tomotai ihekidiya kadi yahu paibi tausani. ⁴⁵ Lomaniniyega Yeisu ina tononawaho ihegerudiya wagai, ma hetunediya malinsena bedesida, taunamo boda ihetunediya. ⁴⁶ Tuta ina si tauya, tauna i haneya koyai sabi losidasida. ⁴⁷ Nage buikunuina koins waga nikatu hola bwagabwagand. Ma Yeisu tobwhuna labalai itohotoholo. ⁴⁸ I gebeya si lokamekameya idi neha koinega weyahina yagila matadiyega itautau yama. Nihunihuwanega Yeisu itauyama hoola debanega, Ma ika bwanene ida hasinedi. ⁴⁹ Tuta ina hola tabwana si geboya, idinuwanuwa kabwanene towelabana ma si nanala. ⁵⁰ Mabwaiyadi singebeyanma si matauta. Ma lomaninayega koidiya ig waeya. "Wa katepatu! Taugu! Gekabwa matamatauta. ⁵¹ I gelu haneya wagai baidadi. Ma tagilaina I losakuwa towama si nuwa howana. Ma yagilaina i losakuwa towama si nuwa howana. ⁵² Ma igea si nuwa sabwaleni beledi kana kobwaya koina nuwadi igea i sabwasabwalena. ⁵³ Tuta ina si habala, si tauyama genesuleta ma waga si lohomuya. ⁵⁴ Tuta ina wagega si hapwesama, tomota lomaniniyega si mwalatoniya tauna Yeisu. ⁵⁵ Tomotai si piliya kasa mabwaiyana koina ma tolekwasa si kahlidima kebe kanal koinega. ⁵⁶ Yeisu isakowasiy kas gidalidi ma sinabwad koidiya tomota tolekwasaho si tauwedima kebe hegimwane kana sida gitoho. Yahudi si gitohoya ma si bwebweyan.