¹ Yeisu maina tononowaho si habala mali sena. Kapanomi ina kebe loina koina. ² Tutua ina Yeisu iula suluwa wagega, ilobeya tai kaigeda yaluyalua baibilina logeyega ilatuma. ³ Tai nina tauna logeyai igimimiya, si toho ma sipai malakwega ma igeya kadilobwene. ⁴ Weyaina tuta yahuna malakwa kaena sipai pai ma iupaupadi, igeya wete keta totai kana lobweine ma igiyahi ma ipaimi. ⁵ Nihuwana koidia ma kasiata koidia, logeya koidiya ma koya kidiya imiyami. Ma ibwaubwau Taunamo, ma ikeke gohagoha gulewa kaikaina koinega. ⁶ Tuta ina Yeisu igebeya keda solega itautauyama, ipilia ma kaena iketuluha. ⁷ Ma ibwau hapwesa kenana tautonega, ma igwaeya, tonai yada guinuhe weyai, Yeisu, kowa Yaubada tabwana daita natuna? Yasida koiuwa Yaubada kana esanega, geyakabwa ugihegihe galega. ⁸ Koinega Yeisu igwaegwae koina, "uhapwesama tai koinega, kowa yaluyaluwa baibaili." ⁹ Yeisu ihegwaeya, "togide kaesana?" Igwaeya kagu esana "yahuna, weyaina kama boda kamiyami. ¹⁰ Ma yaluyaluwa baibailina isida kala kohekoheya Yeisu koina, geyanuwana, ihetune latuhe kasa nage koina. ¹¹ Kasa ina lokoyakoyana koina, bawe si duladula. ¹² Ma sikalakohekoheya, sigwaeya, "kuhetunema bawe koidiya, ma kalugu." ¹³ Koinega Yeisu itagwalediya, ma si guhinuwa gidemus, ma yaluyaluwa baibailidi si luguwa bawe soladiya . Ma bawe idi maibeyadi si pili maniniya ma kwadekwadewalega sibekuwa holai, kadiyahu tu tausani bawe sidamana. ¹⁴ Taudi tolomatakikita bawe sitauya si simana kasa sinabwana ma kasa loupa koidiya to nai ilatuwa koidiya, ma tomota yahudi sida tauya ma sida gebe to nai latuwa. ¹⁵ Tomota, boda sitauyama Yeisu koina, ma tai nina hikahika iloiloine si gebeya imiya tuwa ma kana kwama, maina nuwanuwa bwebweyana. Tomota sikatesakala weyina tauna yaluyaluwa baibailina koina imiyami. ¹⁶ Taudi sigebeya tonai ihapwesa tai nina koina. (Yaluyalua galana ilonaeya) Taudi si tauyama ma tonai sigebeya koidiya si hemwasala, ma wete si hemwasala bawe weyaina. ¹⁷ Taudi sitauyama nage koina Yeisu siloineya, ma kasa ina ilpilisine. ¹⁸ Tai nina tauna yaluyalua galana iloiloineya itauyama Yeisu koina, ma Yeisu nikatu ina tuta gelu, ma kanene itatauya. Tai nina Yeisu isideya kabwanene makiyana sitatauya. ¹⁹ Yeisu igeya itagawatagwala ma makiyana si tatauya. Ma Yeisu igwaeya, ku tauya ino hada ma ino tomotaiyaho koidiya, ma uhe gwaedi tonai kinapwana iguinuweya koiuwa, ma wete ikate nuwa kolekoleyegowa. ²⁰ Koinega tai nina itatuya Dekapoli, ma ike talasimasimana tonai Yeisu iguinuheya koina ma tomota silosuyaediya. ²¹ Tuta ina, Yeisu maina tononowaho wagai sigeluwa, ma sihabala hila mali gayobala. Boda yahudi sihakausiyama ma, Yeisu itoholowa hola deidina. ²² Koinega kaigeda tai kana esana Yailo, hada kebe hegogona kana togeba kikita. Tuta ina Yeisu igebeya, kaena ibekuwa. ²³ Ma, Koina isida kohekoheya, igwaeya Yeisu natugu, mewahinena, kana lekwasa imwahu kahikahila. ''Ma, tuana gwama giyokuna, ma nuanuwagu unaoma ma ugitoho ma iyawesai, ma igeya kabwa imwawamwawasa.'' ²⁴ Yeisu baidana sitautauya, ma wete boda yahudi, gwahunega simulimuliya, ma siheheduidui kedai. ²⁵ Ma bodaidi soladiyega, koidiyega wahine kaigeda makana lekwasa, lekwasaina beno lalaina idaudau, yakwala tuwelo koidiya. ²⁶ Wahineina, lai tokoba yahudi, koidiya ina mani mobwaiyana ilo salohidiya. Ma idi kobaina koidiyega igeya ida bwebweyana ma kana lekawasain hesi isina sinabwa. ²⁷ Wahimeina, Yeisu hemwasalina, inonoya, koinega mulinega itauya. Tutaina Yeisu boda soladiya itautauya, wahineina Yeisu kana kwama ikabitohoya. ²⁸ Wahineina, igwaeya, kemi Yeisu kana kwama yagitoho, yata yabwebweyana. ²⁹ Tutaina wahineina Yeisu ikabi tohoya, lalaina ina dau ilosakuwa, ma wahineina ilotohoya kana lotohona hohona koina kabwanene nikatu ibwebweyana ina lekwasa koinega. ³⁰ Nage tutuaina koina, Yeisu kana lotohona ilotohoya, waiwai koinega ihapwesa, ma ihasakowasiya boda soladiya, ma ihenaida, taiya kagu kwama igitahoya? ³¹ Ina tononowaho sihegwaeya, sigwaeya ugebeya boda sihasakowasiyegowa ma siheheduidui, ma ugwaeya, taiya igitoho gauwa? ³² Ma, Yeisu igebasakowasiya ma, nuwanuwana ida gebe taiya kana kwama igitohoya. ³³ Wahineina, imwalatoniya tona ilatuwa koina, nage koinega maina dedela itauyama Yeisu koina ibekuwa, ma isimana kahikahila. ³⁴ Yeisu wahineina koina igwaeya, natugu, ino hemisa igihe bwebweyanigowa maino gwahusowala. utatauya kahuyala nikatu igumwala. ³⁵ Tutaina igwaegwae wahineina koina, tomota haidi sitauma, tohanugeta kaigeda kana esana Yailo ina hadega. Ma tohanugetaina, sihegwaeya, sigwaeya, natugu nigehene imwawasa. Ma, tona weyaina Yeisu tuta imumudamudali? ³⁶ Ma tutaina, Yeisu hemwasalina inonoya, Yeisu tohanugetaina, ihegwaeya igwaeya, Yailo igeya kabwa ukatekatesakala ma hesi uhemisega. ³⁷ Igeya ketataiya itoetoe baidanaho, benonamo ina tononowaho sitetoi baidanaho. Pita, Iyemesa, Ioni, Iyemesa tasina. ³⁸ Sitauyama Yailo ina hadai, Yeisu tomotai yahudi igebediya sinuwagala mataneudi idaudau ma sidoudou kenadi sinabwana. ³⁹ Tuta ina ma Yeisu illuguwa hadaina solana, ma ihegwaediya, tona wayaina wanuwa gala ma, mataneumi sidaudau? Gwamaina igeya imwawamwawasa, ma ikenokeno. ⁴⁰ Yeisu ina gwae Weyaina, Tomotai sihenama, koinega, igwaeya ma tomotai mabwaiyadi sihapwesa hadaina solanega. Ma Yeisu gwamaina ikahaliya ma, sinana tamana ma, tononoidi site toi, baidanaho hadaina solana, Siluguwa ma, Yeisu iluguwa gwamaina ina kebekeno koina. ⁴¹ Koinega Yeisu gwama nimana ikabiyahiya, " Talitha koum!" ma ihegwaeya, gwama utoholo. ⁴² Nage koina gwama itoholo maniniya, ma ihadadana. ( Ma gwama kana yakwala tuwelo). Ma tomota yahudi wete. ⁴³ Koinega Yeisu tomotai ihegwaediya igeya kabwa taiya koina wahehemwasala, tonai yaguinuheya. Ma, hes gwama kana wakebwae ma ikai.