¹ Yeisu nage kasa ina i kebesinea ma itauya Yudia sena ina koina bwasi Yolidani mali senega, Ma boda yahudi sitaya limana koina. Ihegwehegwesena gide in bubuna ina. ² Palisiyaho si tauyama koina ma si henaida, togide loina waiwaina be tai mwanena ida sakile? "Bewa henaidaina kana tohona. ³ I hekisediya, to gide Mosese ina loina weyaimi?" ⁴ Si gwaeya, Mosse i tawgwala ma tai sakila kana pepa i ketoladi ma mwanena i sakile. ⁵ Weyaina komi katemi pakalidi koinega loina bewa iketoladiya, Yeisu koidiya i gwaeya. ⁶ Mweluluwa ina kebe hekale koinega, "Yaubada i mweluluwa tai ma wahine." ⁷ Bewa kalena ina tai tamana ma sinana ida kebesinedi ma mwanena baidana sida miya. ⁸ Ma siteluwa sida hebwala kaigeda. Koinega si teluwa si hekaigeda. ⁹ Tauna koinega tonai yaubada igi tubweya, igekabwa to tai i sabusabu yahule. ¹⁰ Tuta ina hanua solana simiami tononowaho wete Yeisu sihenaida limeya sakila weyahina. ¹¹ Ma ihegwaediya, taiya kemi mwanena isakile ma mali wahine ihai. Beno nikatu galana iguinuheya mwanena koina. ¹² Ma kemi wahine mwanena isakile, ma mali tai ihai beno wete tauna Galana iguinuheya ¹³ Tomota natudiyho giyogiyokudi sitauwedima Yeisu koina be kabwanene igwae obobomedi, tononowaho si heliediya. ¹⁴ Tuta ina Yeisu igebeya, igamwasowala koidiya, ma ihegwaidiya, gwagwama giyokudi watagwaledi ma sitauyama koiguwa, ma geya kabina waketoketobodedi. Weyahina taudi idi bubuna gidemusa gwagwama yaubada ina kebe loina koina siulugu. ¹⁵ Yasimana kahikahila koimia, kemi taiya ina bubuna gidemusa gwma, Yaubada in kebe loina koina ilulugu. ¹⁶ Koinega Yeisu gwagwama giyagiyokudi isapwalidiya ma nimana ilaguya koidiya ma igwae obobomediya. ¹⁷ Nikatu Yeisu ina tuta tauya, tai ipiliya ihaneya Yeisu koina ikaetulosa kaena ma ihenaida. "Tohekita bwebweya, tonai yaguinuhe ma yawasi hataya yaloba"? ¹⁸ Koinega Yeisu igwaeya, tonai weyahina kuhe esegauwa bwebweyana? Igeya keta taiya bwebweyana yaubad tebwehuna. ¹⁹ Kumwaltoniya ina loinho, geakabwa lohemwawasa. Geyakabwa yagaha, geyakabwa gebala, geyakabwa hegedi, tama ma sina ukamayabedi ²⁰ Tai nina igwaeya, "tohekita, gwegweidi bewa ma bwaiyana nikatu yamuliediya igu tuat tubuhau koina". ²¹ Yeisu ikeduneheya tai nina ma wete iobobomeya. Koinea ihegwaey, "kaigeda gwegwe ulo gegeseya. Ino gwegwe mabwaiyana uhe gimwanehe ma togoma beso ukebwaedi, ma hesi unaoma umuliega ma tuta muliega ino esaesa uloba galewai. ²² Kahwagwae bewa koina, tai nina nuana imwahuwa, ma igihe nenteya, weyahina genuwana ma lna esaea ihegimwamehe koinega itoholowa ma itauya. ²³ Yeisu ikedune sakosakowasiya ma ina tononowaho ihegwaediya. "Imwahu wawasaeya be taudi to esaesa silulugu yaubada ina kebe loina koina." ²⁴ Ma ina gwae (words) koinega tononowaho silo suaediya. Ma Yeisu wete koidiya igwae limana. "Natugwaho, mwahu wawasae ma ta lulugu yaubada ina kebeloina koina! ²⁵ Igeya sawesawena ma kameli ilulugu nidili bwalebwalena koinega gidemusa toesaes idi lugu yaubada ina kebe loina koina mwahu wawasae. ²⁶ Tononowaho si nuahowana wawasaeya ma taudimo koidiya si hegwaegwae, "taiya swesawena ketoseyana iloba. ²⁷ Yeisu ikedunehediya ma igwaeya, gwegwe bewa tomota koidiya mwahuna, ma yaubada koina igeya mwahuna. Weyahina yaubada koina gwegwe yahuna memeyahana. ²⁸ Koinega Pita igilagata ma igwaeya Yeisu koina, "bwebweyana, gwegwe yahuna kalagudi ma kamuliego." ²⁹ Yeisu igwaeya, "yagwae kahikahila, kemi hesigedi komi imi hanuwaho tasimiyaho, nuhumiyaho, sinamiyaho tamamiyaho, natumiyaho, ma imi balekumo, wakebesinedi ma wakelouya weyahigu ma tetela bwebweyana weyahina. ³⁰ Ma koinega yata kani maisa waloba balekuwa gidemusa, wan handede hanuwaho tasimiyaho nuhimiyaho, sinamiyaho, tamamiyaho ma imi balekuwaho, koidiega yata wete mwahu walobadi ma muliega galewai yawasi hataya waloba. ³¹ Ma taudi tonugeta sida muliya, ma taudi to muliya sida nugeta." ³² Tuta ina sitautauya kedaina i hane hane Yelusalema Koina ma Yeisu itauya nugeta tomota koidiyega ma tononowa ho nuwadi ihowana, ma taudi wete gwahudiyega simulimiya si matauta. Koinega Yeisu ina tononowaho tuwelo i hakauta hilediya ma si hutubala tupwana ma Yeisu ihekale ma koidiya ihe gwaegwae tona yata ilalatu Yeisu koina tuta giyokuna. ³³ Keiga tuwa ta hahane Yelusalema ma tomota natuna yata si hekebwayae to taliya sinabwadi loina kadi tohekitaho koidiya. Yeisu kabwanene gala ida guinuheya ma yata sitauwe mwawasa koina ma taudi igeya me diu si hekebwayae koidiya. ³⁴ Yata Yeisu si hetotowane, sikaiso, si hunu ma silagu i mwamwawasa. Ma kasiyata toi mulina Yeisu itoholo hila. ³⁵ Yemesa ma Iyoni, Sebedi natunaho, sitauyama Yeisu koina ma siwaeya. "Tohekita nuwanawama tonai uguinuhe weyaima kemi tona kaheside koiuwa. ³⁶ Yeisu igwaeya koidiya. "Tonai nuwanuwanumi weyaimi ya guinuhe? ³⁷ Yemesa ma Iyoini si gwaeya utagwala ma ta miyatowa leleleya ino kebeloina koina, kaiged ino kebeulega ma kaigeda ino kebelodigeyegeyega. ³⁸ Ma Yeisu koidiya igwaeya Igeya wa mwalam walatoni tonai wa gwaegwaene sawesawemiya wa numa biyoina gide ya numeya, wakelouya, sigihe silibwabwegemi gidemusa taugu si gihesilibwabwegauwa? ³⁹ Ma sigwaeya Yeisu koina, "sawesawema" Yeisu ihegwaediya biyoina yata yanuma komi wete, wa numa ma wete gihesilibwabwaina koina ya silibwabwa wete komi koina wa silibwabwa. ⁴⁰ Ma taiya yata imiyatowa igukebeulega ma igu kebe lodigeyegeyga. Yeisu igwaeya taugu gekabwa ya kekebwaya Ma hesi tauna ihesinuwediya igibubuya weyaidi." ⁴¹ Ma to nonowaho nima kaigeda tona ilatuwa si nonoya nikatu si hekaleya ma sigamwasowala yemesa ma Iyoni koidiya. ⁴² Yeisu i bwauwedima koina ma igwaeya wa mwalatonidiya taudi me diu idi wasiyalaho si loina pakaledi ma idi wasiyalaho idi waiwai si hegebaeya tomotai koidiya. ⁴³ Ma hesi igeya keiga gide kana kedakeda koimiya taiya kemi nuwanuwana i hetohanugeta tauna imi toguinuha. ⁴⁴ Wete kemi taiya nuwanuwana i hetohanugeta koimiyega tauna ihetoguinuha mabwaiyadi weyaidi. ⁴⁵ Tomota natuna igeya itauyama ma iketoseye tauna ma hesi tomota iketoseyedi ma wete yawasina ihekebuayae ma i hemaisae tomota weyaidi. ⁴⁶ Si tauyama Iyeliko. Tuta ina Iyeliko sikebe sineya maina tononowaho ma boda sinbwana tomotai, nage koina tai kaiged kana esana Batolomiu (tauna tomausi natuna) kaigeda mata gibu i miya towa keda deideina, ma ihehe sidasia. ⁴⁷ Tuta ina mata gibu inonoya Yeisu goma Nasaledi itau tauyama. Mata gibu ihekale ma ibwaubwau kenana sinabuana igwaegwe Yeisu Deibida natuna uda kate nuwa kole koleyaga. ⁴⁸ Boda yahudi mata gibu siheliyeya ma si hehegwae ulosaku. Ma wete i dou latuwa Deibida natuna uda katenu wa kolekoleyega. ⁴⁹ Yeisu i losakuwa ma mata gibu iloineya ma sitoeyama. Koinega si bwauweyama mata gibu ma siheguaeya ugwanusowa, ma utoholo, Yeisu ibwaubwau weyai. ⁵⁰ Mata gibu iula balaheya kana kaleko yahiyahi, ma itoholowa itauya Yeisu koina. ⁵¹ Yeisu mata gibu ihenaideya igwaeya. Tona nuwanuwa weyai ya guinuhe? "Mata gibu igwaeya tohegwesena nuwanuwagu ya kedune. ⁵² Yeisu igwaeya, "utauya. Ino hemisa koinega ubwebweyana lomaniniyega matana ikeyahaliya ma ikeduneya ma Yeisu imuliyeya ma kedega sitauya.