¹ Nikatu, ma silalatu Yelusalema, Yeisu maina tononoyaho sitauyama Bedipegi, ma Betani selabena, Koya Olibe koina, Yeisu, tonono luwabi ihetunediya. ² Ma ihegwaediya, "wa tauya kasai, ma totuta wa lulugu koina, ase wa loba igeya sida gelu tohoya, wa likami ma wa tauweyama koiguwa. ³ Ma kemi to tai igwagwae koimiya, to nai weyaian, wa guhiguhinua gidemusa? Wa hegwae, kinapwana nuanuana lomanini, ma wete i hetuneyama. ⁴ Tonono idi sitauya ma ase si lobea paipaimina kahwa keda papalina, ma silikamiya. ⁵ Haina tomota si tohotoholo selabena sigwaeya, tonai weyaina ase nage walikalikami? ⁶ Ma sigwaeya koidiya, tonai Yeisu igwaeneya, ma tomota sikebesinediya ma sitauya ⁷ Ma, tonono siteluwa ase sitauweyama Yeisu koina. Ma gwahuna kaleko siyesoya, makoina Yeisu igeluwai. ⁸ Tomota yahudi kaleko silelewaneya kedai, ma haidi kaiwe lagana sitomwediya ma kedai si lagudiya. ⁹ Ma taudi tonugeta ma taudi Yeisu simulimulye si bwaubwau, "Osana! ta kaha bwebeyane tauna itauyama Yaubada kana esanega. ¹⁰ Ta kaha bwebweyane, kere loina itauyauyama tamana Deibida Koinega, Osana ta bwanabaita". ¹¹ Tuta ina Yeisu iluguwa Yelusalema, iluguwa hada tapwalolo solana, ma ilogeba dadana yage yahuyahuna koidiya, ma ilatuwa weyaina nikatu kasinuhanuha, ma itauya Bedani si tetuwelo baidanaho. ¹² Kasiyata heluwena koina, Yeisu bedan koina ihilama, Yeisu i botana. ¹³ Ma keda solega damaya igebeya ma lawahina, koinega itauya ma igebeya ma ilobeya igeya huwainamo. Weyaina igeya damaya kana tuta. ¹⁴ KoinegaYeisu igwaeya, igeya kabwa keta taiya, huwai koinega ikaikai, tonono si nonoya tonai Yeisu igwaeneya. ¹⁵ Ma si luguwa Yelusalema, ma hada tapwalolo koina iluguwa. Ma tohegimwane ma to gimwane ipaki hapwesediya. Ma mani kana tohesaugelasaho idi teibeli i kaubuiya, ma wete bunebune kadi tohe gimwneyaho idi kebemiya ikahubuiya. ¹⁶ Ma igeya itagwatagwala, ma kebe hegmwane kadi gwegwe yaho siluguhebi hada tapwalolo solana. ¹⁷ I hekitediya, ma igwaeya, ketoladi igwaeya, iguhada siheheseya haba kebe sidasida tomota yahudi weyaidi? Ma komi wagibuiya toya gaha idi gaula. ¹⁸ To talia sinabwadi ma loina kana to hekitaho tonai Yeisu igwaeneya sinonoya, nuwanuwadi ma si lohemwawasi, ma tomota si matautediya weyaina ina hekita nikatu sinonoya. ¹⁹ Kasinuhanuha ina koina Yeisu ma ina tononowaho Yelusalema sikebesineya. ²⁰ Ma gona ikadaleya gonogona, Yeisu ma ina tononowaho sitautauya. Sigebeya damaya Yeisu iheliheliyena nikatu imwawasa isuluwa huhuna. ²¹ Pita inuakikisiya ma igwaeya, "tohekita ukedune! Damayaina uheliheliyeya nikatu ilesowa". ²² Yeisu ihekisediya, wahemisa yaubada koina. ²³ Yagwae kahikahila koimiya, sawesawena wagwagwae ma koya idodolo holai. Ma kemi imi nuanuwa koina geyakabwa henuanaluwa ma wahemisa kabwane kemi tonai wagwaene yata ihapwesa koinega yaubada iguinuhe weyahimi ²⁴ Nage koinega, yahegwaego. Gwegwe hahudi weyahid kemi uhesida sidesidega, uhemisa kabwanene yata ukewa, kowa weyahi. ²⁵ Kemi usidasida, ma unua kikisiya kabwanene ugamwasoala kaigeda tomotai koina, unuahuyosi tomotai nina. Ma koinega wete tamada galewai ino galaho inuwahuyosidi. ²⁶ Ma kemi igeya unuanua huyosi, wete tamada galewai geyakabwa inuanua huyosigo, ²⁷ Yeisu ma ina tononowaho sihila limanama Yelusalema, tuta ina Yeisu iluguwa hanua tapwalolo solana, palisiyaho ma loina kana tohekitaho ma wete tohanugetaho sitauyama Yeisu koina. ²⁸ Yeisu koina sigwaeya, taiya ina loinega bewa gwegweidi uguiguinuhedi. ²⁹ Yeisu ihewaediya, yahenaidegemi. Wahegwaega be koinega yahegwaegemi taiya ina waiwaiyega yaguiguinuha. ³⁰ Wahegwaega togide Iyoni to gihe silibwabwa ina waiwai Yaubada koinega bo tomotai koidiyega? ³¹ Taudimo gamwa gamwanidiya sigwaegwae ma sihegewagewahana. Ma sigwaeya, "kemi tagwae," Yaubada koinega, yata igwagwae, tonai weyahina igeya wahemihemise? ³² Ma kemi tagwae, "tomotai koidiyega" weyahina, (tohanugetaho tomotai simatautediya) weyahina tomotai sihemisa kabwane Iyoni tauna palopita. ³³ Koinega to hanugetaho nidi Yeisu koina sihekisa ma sigwaeya, "Igeya kamwalamwalatoni". Koinega Yeisu ihegwaediya, "Geyakabwa yahegwa hegwaegemi taiya waiwai ikebwaegauwa ma gwegweidi bewa yaguiguinuhedi".