¹ Koinega Yeisu ihekale ma ihegwesina gwae konakonagaiyega, igwaeya, tai ibeguliya tanoho, ma ikali sakowasiyeya. Ma oine kana kebe bibi iguinuheya ma wete hanuwa masula ikabiya, koinega ina to guinuwaho iloinendiya be sida lomata kikisi ma tauna itauya mali sena. ² Tuta kahikahila lolagu kanatuta koina tainina ina taguinuha ihetuneya ma oine huwaina ida kahali tanoha kana tolomata kikitaho koidiyega. ³ Itautauya ta sigiyahiya ma sihunuya ma sihetuna hileya ma nimenimenamo. ⁴ Wete kaigeda ihetuneya ina toguinuha ma sihunu geyogeyoiya debana ta ma ina homayamaya ihila . ⁵ Ma wete kaigeda hetoina ihetuneya, ta silohe mwamwasiya, ma wete yahudi ihetunediya ta haidi sihunudiya ma haidi silohe mawasidiya . ⁶ Nage koina kaigeda tuwa imiyami be ihetune beno natu kahikahilina, tauna kebe losaloha be ihetune koidiya, igwaeya, ''yata natugu sikamayabe .'' ⁷ Koinega tanoha kana tolomata kikitaho taudimo koidiya sigwaegwae, ''bena toni tanoha natuna, wanaoma ta lohe mwawasi, ma tauda tanoha ta loine.'' ⁸ Koinega sigi yahiya ,silohemwasiya ma siula hapweseya tanoha solanega. ⁹ Nage koinega ,tonai yata toni tanoha iguinuhe ?yata itauyama ma ilohe mwawasidi ,tolomatakikitaho ma tanoha ihe kebwayae mali tomota koidiya . ¹⁰ Koinega yesu wete buki tabu koinaga i simaneya igwaeya ,wanuwakikisi buki tabu ina simana keiga gidimusa .koholaina lai tohada kabi silogwahateya,ma keiga tuta ina koina nikatu sihetoholoya ,ma ihekohola nugeta ,ma kohola mabwaiyadi ihanugetedi. ¹¹ Beno kinapwana ina paisewa kebenuwahowan koida . ¹² Yesu ina gwae,konakonagai keiga palisiyaho ma totaliyaho,sinonoya ma simwalatoniya kabwanene sigiyahi ma hesi igeya sigiyagiyahi weyaina boda sinabwana ,simatautediya koinega ,sikebesinediya ma sitauya . ¹³ Koinega pilisiyaho ma Elodi ina bodaho sihetunediya Yesu koina,ma henaidi koinega sigebale ma inagala siloba. ¹⁴ Yesu koina sitauyama ,ma sihegwaeya ,sigwaeya ,Yesu ,nikatu kamwalatonigowa ,kowa to hegwesena kahikahila koinega tomotai idi waiwai igeya ,uda matauteya ,ma tuwa gwae kahikahila usimasimane tomotai koidiya beno Yaubada ina keda uhehegwesena kahikahila ,koinega togidega ? kanalobwaina ma kinisisa weyaina takesi talalagu?bo igeya. ¹⁵ Takesi ina ta hemaisa kini koina bo igeya ?koinega idi kegebagebala ,Yesu nikatu imwalatoniya ,ma ihegwaediya ,igwaeya tona weyaina watohotohoga?kabwahina maneina wakahali yama ma yagebe. ¹⁶ Koinega mani kaigeda sikebwaeya ma yesu ihenaidediya ,igwaeya ,wada hegwaega mane keiga koina taiya makamakayauna ,ma taiya kana esana ?ma sigwaeya Kini Sisa . ¹⁷ Koinega Yesu ihegwaediya,igwaeya o beno gidemusa koinega ,kemi kini ina gwegwe,kini wakebwae.ma kemi Yaubada ina gwegwe,Yaubada wakebwae,koinega ,Yesu ina gwae weyaina nuwadi ihowana. ¹⁸ Koinega taudi sadusiyaho wete igeya sihehemisa, tomwawasaidi toholohila weyaina .koinega sitauyama ma Yesu koina sihenaida igwaeya. ¹⁹ Yesu loina keiga gidemusa Mosese iketoladiya weyaida igwaeya, kemi kaigeda tai ihai ma igeya natunamo ma imwamwawasa,Tai nina Tasina kwabuliyainina makiyana sihahai ,ma koinega kemi wahineina ihenatuna ma natunaho nidi Tasina weyaina. ²⁰ Wete kebe geba kaigeda sikebwae sigwaeya, kaigeda tai matasinaho simiami kadi yahu site sebeni. .koinaga kadi tai sinabwaina ihaiya ma igeya wete natunamo ma imwawasa koinega wete gidemusa igeya natunahomo ma imwawasa . ²¹ Koinega tasinaina ,deinega wete kwabulaina ihaiya ma simiyamiya ma wete igeya natunamo ma wete imwawasa . ²² Ma gidemusa tuwa ,tainina tasinahodi mabwaiyadi kwabulaina sihaihai ma simwawamwawasa ,ma igeya wete natudiyahomo nage koinega wahineina wete imwawasa. ²³ Koinega toholohila koina wahineina yata totai mwane kahikahilina ?weyaina site sibeni nidi sihaiya. ²⁴ Koinega ,Yesu henaida ina keiga ihekiseya igwaeya ,keiga imi lohegesi .weyaina buki tabu igeya wa mwalamwalatoni,ma wete Yaubada ina waiwai igeya wamwalamwalatoni. ²⁵ Toholohila mulina tomota igeya kabwa si haihai ma hesi idi miya gedemusa Anelose yaho galewai. ²⁶ Laihene Yaubada Mosese ihegwaeya,toholohila weyaina .koina kemi bukitabu wasawa yata wagebaloba ,weyaina tuta ina Mosese mitawai itautauya ma Yaubada kaiwe nininimina koinega Mosese ihegwaeya ,igwaeya ,taugu Ebalahamo ina Yaubada ma Aisake ina Yaubada ma Iyakobo ina Yaubada ²⁷ .Yaubada igeya tomota mwawamwawasidi idi Yaubada ma hesi tomota mayawasidi idi Yaubada makomi imi hegwesenaho keiga nuwanuwaidi weyaidi igeya palupaluna. ²⁸ Kaigeda loina kana tohekita itauyama ma inonoya idi hegwaegwae Yeisu ina hekisaho bwebweyadi ma ihegwaeya, toloina tauna sinbwana tomota mabwaiyadi weyaidi . ²⁹ Yeisu ihegwaediya, 'wa henono komi Isileli loina sinabwana keiga ida kinapwana yaubada kaigeda tuwa. ³⁰ Kinapwana yaubada uda obobome kate maibweyanega, ma ino nuwanuwa, ma ino waiwai maibweyanega. ³¹ Heluwena loina keiga, kiya ku obobome kowa gide musa, Igeya keta wete loina sinabwana keiga gide musa". ³² Loina kana tohekita igwaeya, "bwebweyana tohekita! nikatu kugwae kahikaila, yaubada kaigeda tuwa, igeya keta wete taiya imiyami selabena. ³³ Ma yada obobome kategu maibweyanega, ma igu mwalatoi maibweyanega, igu waiwai maibweyanega. Ma kiyagu ya obobome gidemusa kagu oboboma, keiga loina bwebweyana yaubada koina, taliya yahuna ma kebwayadhita maibweyana ibwebweyana sinediya. ³⁴ Ma Yeisu igwaeya, kekisa bwebweyana ukebwaegauwa, ma ihewaeya, kowa yaubada ina kebe loina selabena. Tuta nage koina, igeya taiya ikate pakala ma Yeisu ihenaide. ³⁵ oYeisu ihekihekita hada tapwalolo solana, ma ihekisediya ma igwaeya, tonai weyaina loina kana tohekita igwaeya, keliso tauna deibida natuna? ³⁶ Debida, yaluyalua tabuna solana koina ma igwaeya, ''Yaubada igwae igu kinapwana koina, kumiya igu kebe ula koina, ma katala huwalaho yalagu suluhedi kae kubuna. ³⁷ Debida tunamo igwaeya, keliso 'yaubada'. ma togide kabwanene taugu Deibida natuna? Tomota yahudi si nonoya ma sigwahusowala sinabwana. ³⁸ Ina hekita koina Yeisu igwaeya, wa geba kikisigemi loina kana tohekitaho koidiya. Weyaina yata kaleko duduledi si kotedi ma si sakowasi kebe hegimwane kana senaho koidiya, ma si gwae kamayaba koimiya. ³⁹ Ma wete nuanuadi kebe miya bwebweyana kebe delihegogona solana, ma wete nuwanuwadi guyai bwaimidi koina si mimiya. ⁴⁰ Ma wete, kwabulaho sigebaledi ma idi hadao si loinedi , wete kadi geba sigihebwebweyane idi sidasida lululena koinega. taudi yata gala sinabwana yaubada ikebwaedi. ⁴¹ yeisu imiyatowa kebwayadaita kana kebe lagu selabena, hada tapwalolo solana. Ma ikekedune tomota silagulagu kebwaya daita mani si lagulagu ebe lagu koina. to esaesa yahudi idi esaesa koinega si kebwaya. ⁴² Ma kwabula gomagoma besona ina mani ilaguya luwadi peni kebe lagu koina. ⁴³ Yeisu tonono ibwauwedima ma i gwaeya koidiya, ya gwae kahikaila komiya, kwabula keiga ina lagu i sinawa wawasaeya, muliyega yahudi idi lagu. ⁴⁴ Yahudi si kebwaya idi esaesa koinega, ma kwabula keiga ina mani mabwaiyana ilaguya, ma igeya wete keta mani weyaina imiyami.