¹ Tutaina yeisu hada tapwalolo ikebesineya itautauya, kaigeda tonono igwaeya koina, "tohegeba, uda kedunehedi gulewa kausalaudi wete hadaho." ² I gwaeya koidiya, hada keiga sinabwadi wagebediya? Gulewa idi keiga wa gebediya yata sikeligeha yahuledi. ³ Ma i miyatowa koya olibe koina taunamo hada tapwalolo i miya kahwahkahwa teva pita iyemesa iyoni ma anidula ma sinegwaeya, ⁴ Uhegwaema "totuta keiga gwegwe ida silalatu? tona kana wekiwekiyaya kemi keiga gwegweidi si lalatu?" ⁵ Yeisu igwaeya koidiya, " wa lomatakikisigemi, ge kabwa keta totai igeba gebalegemi ma ihanugetegemi. ⁶ Boda wawasae yata sitauyama kagu esanega ma si gwagwae taugu keiga, ma si hanugetedi bodaho kegebagebalega. ⁷ Kemi wa nonoya sahiya ma haida wete si sahisahiya, gekabwal wa katekate sakala. Keiga gwegwe ida yata si lalatu, ma kebelosaloha kabwa wawasae. ⁸ Kasaho sinabwadi yata sitoholoma si sahiya idi kehe kasa sinabwadi makiyadiyaho, ma kebeloina wete bebeloinaho makiyadiyaho. yata wete mwanikiniki kasaho yahudi koidiya ma i geya masula. keiga taudi gwegweidi kemi sinekale, beno tuta mwahuna ma kana muya gide tohenatuna, ihehenatuna. ⁹ Ma walo mata kikisigemi. tomotai yata si giyahigemi ma sitauwe gemi tohetala koidiy ma si hunugemi hada kebehegogona koina. yata wa toholo kimyao ma totoina sinabwaidi koidiya, taugu weyaigu, ma wahemwasala weyaigu. ¹⁰ Ma tetela kausalana tauna si gimi guguyae sena yahuna koidiya. ¹¹ kemi si kabiyahigemi ma nimidiya si lagugemi gekabwa wakate katesakala tona yata wa gwaene. Nagesinaina koina tona yata wa gwaena ikebwaegemi. Igeya yata komi wa gwaegwae, ma yaluyaluwa tabuna. ¹² Tasina yata ikabiyahi ma tasina ina yata i hekebwayae ma si lohemwawa. tama tauna natuna i hekebwayae ma si lohemwawasi, ma gwagwama sitoholo ma idi wasiyalaho ma kiyadiyahoi si hekupwa ma si lohemwawas idi. ¹³ Yata si lo wahikwategemi tomota yahudi taugu kagu esana weyaina. Ma taiya kemi ikalamakikitana weyaigu kebelosalona, beno tomatai nina yata bwebweyana iloba. ¹⁴ kemi wa gebe gwegwe galadi sihetoholodiya igeya idi sena. kahikahila koidiya. tomota wa dedena koyai. ¹⁵ Wa laguyawa taiya hada tabwana, igeya sawesawena ma isu sulu hada solana, nuwana i kahala latuhe keta to gwegwe hada solanega. ¹⁶ Ma wa logwahata taiya beno mwatuiya imiyami, gekabwa i hilahila ma ikahali kana kaleko. ¹⁷ Ma haidi sinuwa mwahuwa weyaina ma natudiyaho ma wete to me gagala tuta mwahu si lobeya kasiyataina koina. ¹⁸ Wa sidasida ma kawegwe idi gekabwa si latulatu tuta yagila koina. ¹⁹ Ma nage yata koina tuta mwahu sinabwana, i latulatu gidemusa igeya kebehekale koina. tuta ina Yaubada gabula imweluluiya kana laba tuta keiga, i geya kabwa tona i latulatuhila. ²⁰ Kana laba kinabwana inuwanua ma i gihe kukupa kasiyata. i gey kabwa taiya i bwebwebweyana, ma weyaina haidi tomotai nidi taudi i hesinuwediya. ²¹ Ma kemi taiya I gwaegwae koiuwa, u gwae keiga kelisoina wa gebe nage tauna! I gekabwa wa hemihimise. ²² Keliso gebagebala ma palopita gebagebala yata si hapwesa koimiya, wekiwekiyaya ma kebe huwahowana si gihehapwesedi yaubada natunaho si lisi luguhegemi, kabwanene sida lisiluhegemi. ²³ Uda lomatakikisiga nikatu ya hegwaegowa bewa yage idi weyaidi tuta inonaoma koina si hapwesa. ²⁴ Mia kelouya mulina nage kasiyata idi koidiya hala I guguyoi, nawalae I geyakabwa I maemaedana, ²⁵ kwadina idi yata galewega si be kuma, ma galewa kana tohewaiwai yaho si lonihuwedi. ²⁶ Nage koina si gebe tomota natuna yaloha koinega I sulusuluma galewega maina waiwai ma maina geloli. ²⁷ Ina aneloseyaho I hetunedima ma ina tomotaiyaho hesihesinuwadi I hegogonedi yagila ata koinega. ²⁸ Uda nuwa sabwaleni kaiwe damaya weyaina tuta gilalina ma kaiweina lagana I mwamwawasa ma lahwaina si gugubala. U mwalatoni tuta selabeda. ²⁹ To tuta bewa yageina si hapwehapwesa, mawa gebegebedi wada mwalatoni tauna kahwa kegi selabena. ³⁰ Hona kahikahila bewa boda idi igekabwa si gumwagumwala kana laba bewa yageina I hapwesa. ³¹ Galewa ma baleku sida gumwala ma igu gwae I gekabwa I gumwagumwala. ³² Ma nage kasiata ina ma mwatuina igeya keta taiya imwalamwalatoni, nuwana aneloseyaho igeya wete natuna, ma hesi yaubada namo. ³³ Wa mia yaweyawe! wa lomataboda, weyaina igeya wa mwalamwalatoni to tuta koina I latuma. ³⁴ Gidemusa tai kaigega I tautauya ma ina hada I kebesine ma ina to paisewaho isi lomata kikita, kaigeda kaigeda maidi paisewa. tolomatakikita I loineya ma ida miya yaweyawe. ³⁵ Nage weyaina wa lomataboda! weyaina igeya wa mwalamwalatoni toni hada ina latuma, nuwana kasinuhanuha bo nihunihuwana gamwana, kamkam I gwanegwane bo gonagona. ³⁶ Kemi I latu lohohotaimi, I gekabwa I lobelobegemi wa kenokena. ³⁷ Toni ya gwaeneya koimiya wete tomota yahudi koidiya; wa lomatakikita.