¹ Kasiata luwadi mulina hataona madulina kana kebe nuakikita ihapwesama, guyai nina koina, pwalawa daisaina igeya kana gihesesehamo sikaiya. Ma totaliyaho sinabwadi be loina kana to hekitaho sinuwanuwa edaededama togidega yata yesu sigebale kese ma sigiyahi ma silohemwawasi. ² Si gwaegwae, igekabwa hemasula koina, madi boda sinabwana si hetalahuwalegita. ³ tutaina yeisu betani i miami saimoni lepelo ina hada solana. yeisu i tuhilahila kebekai koina ma wahine I tauyama koina ma bunama botolli kana maisa sinabwana ma bwebweyana wawasae, botoli kahwana ibisaliya ma i siweya yeisu debana. ⁴ Ma haidi tomota si gamwasowala, tauitaudimo si he gwaegwae ma sigwaeya, tonai kalena koinega i mudamudali? ⁵ Bewa bunamaina sawesawena sida hegimwanehe teli handedi ma wete togomabeso sida kebwaede, si heliheliye. ⁶ Ma yeisu I hegwaediya, "wa laguyawa. tonai weyaina wa ketoketobode? gwegwe bwebweyana I guhinuheya koiguwa. ⁷ Komi tuta yahuna togomabeso maida miyaho wa miyami ma tonai nuanuawami bwebweyana wada kebwaedi, ma komi I gekabwa taugu baidami. ⁸ Tonai iguhinuweya ida guhinuwe: bwalagu Iheholoiya kagu galiha weyaina. ⁹ Ya gwae kahikahila koimiya, tosena koina tetela bwebweyana si guguyae. tonai wahine I guhinuheya, yata si guguyai kagu kebe nuwakikita. ¹⁰ Tonono site tuwelo soldiya beno Iudasa hnugeta wete saladiya, Ihapwesa ma tiauya palisi idi toha nugela kaoina, Yeisu sabi hekebwayaena koidiya. ¹¹ Tuta ina palisi idi to hanugeta inonoya, sigwausawala ma sigwae upaupa ma mani sikebwae. Koinega Iudasa iyamwayamwatuta kahikahika koina ma ihekebwayae. ¹² Guyainina kana kasiyata nugenugetana koina pwalawa igeya sese sesehinamo si kaihai lamiyaho silhunudiya Hataona Guyainina kana kebe nuakikita weyahina. Ma ina tononowaho sihenaideya, taubada, "mane koina nuanua Hataona maulina kagibubu ma ukakai?" ¹³ Ina tononowaho siteluwa ihetunediya ma ihegwaediya, watatuya kasa sinabwana solana. Kemi wagebe kaigeda tai bwasi kana kebe goi ikahaliya ma ilauyana koimiya tauna wamuliye. ¹⁴ Mane Hanuia ina koina ilugulugu wamuliye walulugu ma wahenaida toni Hanuwa ina koina. Tohekita igwaey, uhegwesema mane koina pitaupa kowaga weyahidi be koina hataona Masulina ma igu tononowaho kakai? ¹⁵ Yata inegwesegemi pitaupa sinabwana hada tabwana gibugibubuna koina masula wagibubu weyahida. ¹⁶ Tononowaho sikeve sineya ma sitauya kasa sinabwana koina. Ma tonai Yeisu igwaeneya koidiya sigebeya gidemusa ma sigibubuya Hataona masulina. ¹⁷ Nage Boikunu ina koina Yeisu ma ina tononowaho sitauyama hada ina koina. ¹⁸ Yeisu ma ina tononowaho situ hilahila kebe kai koina ma sikaikai, Yeisu igwaeya, yagwae kahihahila koimiya kaigeda yata koimiyega itebaega. ¹⁹ "Mabwaiyadi nini nuadi imwahuwa, ma kaigeda kaigeda igwaegwae koina, taugu igeya? ²⁰ yeisu ihekisa ma ihegwaediya, kaigeda solamiyega tauna baidagu nimana kalagulugu gaeba solana beno tuana. ²¹ tomota natuna yata I kelouya gidemusa sawa ina simana. tauna weyahina. ma kebe nuamwahu tai nina koina tauna tomota natuna itebaeya. ²² Idi kai nina koina, Yeisu pawlawa ikahaliya igwae obobameya, itomweya, ikebwaediya ma igwaeya, "wakahali ma wakai, keiga bwalagu". Biyo ikahaliya, iloyauwedoma, ma ikebwaediya. ma ²³ mabwaiyadi koinega sinuma. ²⁴ Ma ihegwaediya keiga lalaigu, Gwae upauapa, ma lalaina isiwa yahuleya tomota yahudi weyahidi. ²⁵ Yagwae kahikahila koiuwa. Geyakabwa keta wete yanuma numalimana keiga biyoina koinega kanalaba kasiyata ina itauyama yaubada ina kebe loina koina biyo Hauhauna koinega yanunuma. ²⁶ Ma wali siwaliwaliye ma sitauya Koya Olibe koina. ²⁷ Yeisu ihegwaediya, Mabwaiyaminina yata wa heyaseyaseyega, Weyahina ketokekoladina, yata tolomata kikita yalohe mwawasi ma ina sipiyaho sike lelewana. ²⁸ Ma muliega yata aytoholimana, ma wanuageta yata Galili koina walobega. ²⁹ Pita igwaeya, "Nuana yata mwabwaiyadi sidena sinega, ma taugu geyakabwa." ³⁰ Yeisu igwaeya Pita koina, "yagwae kahikahila koiwa, Bewa Boiboi nina koina, muliega ma kakaleko igwagwane maluwa yata kuheyase yaseyega ma toi". ³¹ Ma Pita igwaeya, "yagwae upapa koiwua, kemi umwamwawasa, tateluwa ta mwamwawasa." ³² Ma sitauyama, sena kaigeda koina kana esana Geteseman, ma Yeisu igwaeya, tonono koidiya, kebwa wa miyami, ma yanao ya sidasida. ³³ Ma itoediya Pita, Iemesa, ma Iyoni makiyanaho, maina kate muyamuya, ma maina nuwa mwahu. ³⁴ Ma igwaeya koidiya, ategu i muyamuya yata ya mwamwawasa, kebwa wa mi yami ma walogeba boda. ³⁵ I Hanaowa igidalina ma ibekuwa balekuwa, ma isidasida, kemi sawesawena kelouya keiga ukewa yahule koiguwega. ³⁶ I gwaeya, "Tamagu (Abba), yage yahuna koiuwa bwebweyana, biyo keiga ukewayhule koiguwega, ma igeya igu nuwena, ma hesi kowa ino nuwena. ³⁷ Yeisu, ihila limanama, igebediya si kenokeno, ma ihe gwaediya, Pita, Simoni wa kenokeno? Sawesawena tuta walomata kikisi? ³⁸ Wa, lomatakikita ma wa sidasida, ma geyakabwa gala ilugulugu koimiya. ³⁹ Yaluyaluwa nuwanuawana ma hohomi itaba. ⁴⁰ Ma wete ihla limana igebediya si kenokeno, matadi imwahuwa ,igeya sawesawena ma tonai sigwene koina. ⁴¹ Ina hilama hetoina koina igweyakabwa wakenokeno? ma wahewaikata .nikatu tuta itauyama , ma wagebe ,tomota natuna sida hekebayae togalakoidiya . ⁴² Wa tooholo, ma tatauya, wa gebe, tai nina itebaegauwa nikatu keiga. ⁴³ Lomaniniyega Yeisu ihe gwaediya, Iudas, si tetuwelo koidiyega, ilatuma boda sinabwna ma kiyanaho, maidi sisisaiya, ma wete maidi wepasi. Ma wete totaliyaho ma loina kana tohekitaho, ma wete kinapwanaho makiyanaho. ⁴⁴ Koinega toteba ina wekiwekiyaya ikebwaediya, igwaeya, kemi ya musu tai nina beno tauna, wakabiyahi ma watauwe ma wa gebakikisi. ⁴⁵ Koinega, Iudasa itauyama, lomaniniyega, itau palupaluwa Yeisu koina, ma igwaeya, Tohekita (rabbi) ma i musuya. ⁴⁶ Koinga boda silatuma, ma Yeisu sigiyahiya. ⁴⁷ Ma Yeisu kana tohemisaho koidiyega, kaigeda itooholowa, ma totaliya kaigeda ina to guhinuwa tenana itomwa yahuleya. ⁴⁸ Ma Yeisu igwaeya koidiya, sana taugu to yagaha, koinega wa tauyama maimi sisiaiya ma maimi wepasi? ⁴⁹ Tuta yahuna komi ma taugu tamiyami. Ma yahe gwehegwesena hada tapwalolo solana, ma igeya koina waginahiga ma koinega yage keiga ida latu buki tabu, ina simna kana kahikahila. ⁵⁰ Ma tohemisaho maibweyadi Yeisu si dena sineya. ⁵¹ Ma tubuhau kaigeda Yeisu imuliyeya ma kana kaleko tolobwana ilowasiyeya sihusileya. ⁵² Ma kana kaleko ikebesineya ma idena ma bugewana. ⁵³ Yeisu sitoeya sitwuweya totaliyaho idi taisinabwa ma hada koina, weyiana, hadaina koin, totaliyaho ma toloinaho, ma wete taisinabwadi, sihegogona ma simiyami. ⁵⁴ Ma Pita kedsolena Yesu imuliyeya ma itauyama totaliyasinawana, ina hada koina, ma tolomata kikitaho baidanaho simiyatowa, kaiwe kalakalasina koina, ma simwemwekwadi. ⁵⁵ Koinega totaliya sinabwadi, ma wete taisinabwadi nuwanuwadi, Yeisu kana hekewa siloba, ma silohemwawasi. Ma hesi, igeya keta ina gala silobaloba. ⁵⁶ Weyaina tohekewa yahudi sisi masimana idi simana igeya kana kahi hahila. Mabwaiyadi, tokegebagebala. ⁵⁷ Ma haidi koidiyega sitoholowa ma, Yeisu sihekwa gebagebaleya sigwaeya. ⁵⁸ Yeisu ina gwae, igwaeya, wanonoya. Yata had hada tabu keiga tomotai nimadiyega sikabiya, yata yalige hiyahule ma, kasiyata toi koidiya yakabihila. Ma igeya, tomota nimadiyega. ⁵⁹ Ma hesi idi simanaidi igeya sikahakaha kahikahile. ⁶⁰ Koinaga tataliya sinabwana itoholowa matadiya ma Yeisu ihenaideya igwaeya, igeya inohekisamo ba? Tomota nage idihekewa koiuwa nikatu unonoya? ⁶¹ Ma Yeisu igeya keta tona igwaegwaene tuwa ihehenono koinega toatliya sinabwana wete, Yeisu ihenaidahileya. igwaeya, togidega kowa Yaudaba natuna? Kowatoketoseynabo, igeya? ⁶² Koinega Yeisu igwaeya taugu, tomota natuna ma yatakabwa muliyega, wagebega, tohewaiwaina, ina kebeula koinyamiyatowa ma yamiyami. Ma wete galewa yaloyalohidi debadiyega yatauyma. ⁶³ Koinega totaliya sinabwana, igamwasowala, ma kankwama isabuya, ma igwaeya, ina gwae galana wanonoya? ⁶⁴ Kana kahikahila, tai keiga Yaubada isinaliya. tuwaigeya kabwa kanatohekewao sigwaegwae, ina gala weyaina. Ma togidega komi imi nuanua yeisu weyaina? Ma tomotai nidi sigwaeya, tuwa ida mwawasa. ⁶⁵ Nage koina haidi tomotai Yeisu sihulasiya ma kaleko koinega, matana siwaduya. Ma, sihunudadaneya ma koina sigwaeya kowa palopita kaigeda. Ma sikehekeheteteye. Ma toloina sinabwana kaigeda ikabiyahiya ma ihunuya. ⁶⁶ Ma, Pita kabwa katamana imiyami, ma totaliya sinabwana ina topaisewa mewhinena kaigeda ihapwesama. ⁶⁷ Ma wahineina Pita igebeya kaiwe kalakalasina deina itohotoholo, ma wahineina Pita koina igwaeya, kowa lai, yagebegowa Yeisu baida wamiyamiya Nasaleta koina. ⁶⁸ Ma, Pita iheyaseyaseya, ma, igwaeya, beno tona ugwaegwaene, igeya ya mwalamwalatoni. Tuta ina Pita ihutulatuwa kahwa keda, koina, kamukamu igwaneya. ⁶⁹ Ma, wahineina, Pita ihenima susuweya boda baidanaho sitohotoholo, ma wahineina, igwaeya, beno kaigeda Yeisu kana tomuliya. ⁷⁰ Ma, iheyaseyase eya, wete. Ma igwae ya taugu i geya. Nage tuta kukupana koina, toyoko yahudi, Pita sihegwaeya sigwaeya, kowa hona kahikahila Yeisu ina boda, weyaina kowa goma Galili. Ma ugebagebala. ⁷¹ Koinega Pita igwaeya "Tomota", ma wete gwae galadi ikina nediya. Ma igwaeya, beno tainina weyaina wagwaegwae, taugu igeya ya mwalatoni. ⁷² Nage koina, kamukamu ina gwane iheluweya. Tuta nage koina, Pita Yeisu ina gwae inuwakikisidia Yeisu igwaeya, muliyega kamukamu ina gwane luwadi, ma yata uheya seyaseyega matoi. Pita ituluha ma idouwa.