¹ Gonagona gidalina totaliyaho sinabwadi ma tai sinabwaho ma loina kana to hegelbaho isi delihe gogona ma yeisu si paiya ma si tauweya. ² Pailato ihenaideya, "Kowa me Iudia Kini? Ihekiseya, "u gwae kahikahila." ³ To taliya sinabwadi henaida sinabwadi yeisu si kebwakebwae. ⁴ Pailato Yeisu ihenaide limaniya, "igeya uda hekisa?" u gebeya henaida yahudi si tautauwedima koiwa? ⁵ Ma Yeisu igeya wete Pailato ihehekise, ma i gihe nuwahowaniya. ⁶ Keiga tuta ina he masula koidiya Pailato Pilisina kaigeda i likalikami, idihesinuwaina koinega. ⁷ To loina sinala wete solana, to lohemwawasa, idi sena imiyami idiloina sinala weyaina. Tauna Balaba. ⁸ Boda sitauyama Pailota koina ma si hekaleya si henahenaide, tona ida guhinuwe koidia gide tuta si gumwala tona siguinuheya tomota koidiya. ⁹ Pailoto i hekisediya ma i gwaeya, "Nuwanuwami me Iudiya imi Kini ya likami?" ¹⁰ Pailato imwalatoniya si hekibikibiyeya Yeisu ma si gamwasowaleya ma si hekewayaeya to taliya sinabwadi koidiya. ¹¹ Ma Totaliya sinabwadi tomota si gihe waiwaiye-diya ma si bwaubwau Balabasi sida keto likami. ¹² Pailato i hekise limanidiya ma i gwaeya, "Tonai yada guhinuwe me Iudiya idi kini koina?" ¹³ Si bwau limana, "Wa gihe kelose!" ¹⁴ Pailato koidiya i gwaeya, "To gala i guhinuheya?" Ma tomota si bwau limalimana, "Wa gihe kelose." ¹⁵ Pailato nuwanuwana boda nuwadi i gihe bwebweyane koinega Balabasi i keto likamiya. Pailato Yeisu i hunuya ma ihetuneya koidiya ma sida gihe keloso ya. ¹⁶ Solodiyaho si henugeteya ma siluguheya kebe kotu solana, ma boda solodiyaho si bwau hegogonediya. ¹⁷ Si laguya kaleko bwoyabweyalina Yeisu koina ma kwakwa-kwala badibadina si lowasiyeya ma Yeisu debana si laguya. ¹⁸ Si hekaleya ma si kamayabe ma si gwaeya "Me Iudiya idi kini!" ¹⁹ Debana si hunuya kaiweyaga ma si kaisoya. Si kae tulasa ma si kamayabeya. ²⁰ Tuta ina si losaloha kehetete, kaleko esaesa si haloloya ma tauna kana kaleko si hekoteya ma si tauweya kana gi hekelose weyaina. ²¹ Si didigeya, totauya kaigega maida guhinehe tai ina kasega iluguluguma, kan esana saimoni goma sailini. (Alekisana ma luboso iamadi) siloineya ma Yeisu kana kelose i kahaliya. ²² Tolosahiya Yeisu sitauweyana Goligota (kana nuwa sabwalena mwagu kana sena). ²³ Si kebwaeya oine kekehinisina mulo makiyana ma si kebwakoidiya ma i geya inumanuma. ²⁴ Si gihe keloseya ma kana lohawahawala si heguyaiye ya taudi koidiya ma siulaula dadane kehesahesasala-gide ma taiya yata kahahi. ^{25 28} Kikatu tuta hetoina Yeisu sigihekeloseya. ²⁶ Kana kelose koina siketoladiya. KEIGA ME IUDIA IDI KINI. ²⁷ Si gihe keloseya tokipwala siteluwa makiyahaho, kaidega ina kebeulega ma kaigeda ina kebe lodigeyegeye ga. ²⁹ Tomotai si tauyama gwae galadi si gwaegwaene Yeisu koina, ma silokudekude ma si gwaegwae. "Ugwaeya kabwanene hada tapwalolo uligehi ma kasiyata toi ukabi hila. ³⁰ Taumo ulihasigo ma u suluma kelose koinega!" ³¹ Ma kedakeda kaigedaina koinega totaliyaho ma loina kadi tonegwaesenaho sikekehetetehe taudimmo ma sigwaegwae i lihasidiya bodaho ma tauna igeya sawesawena ilihasi hila. ³² Kemi tauna keliso me Isileli idi kini; Iula suluma yata kelose koinega, ma tagebe me takahakahikahila. Ma taudi makiyanaho si gihe keloseyediya wete si gamwa sowala koina. ³³ Nikatulbala dila guguyoi itauyama baleku mabwaiya na iguguyoiya beno nikatu kasinuhanuha. ³⁴ Nikatu kasinuhanuha Yeisu ibwau latuwa kenana sinabwana koinega, Eloi Eloi lama sabakidani? Kana nuwasa bwalena, "Igu yaubada, igu yaubada, tona weyaina ulosoisoiyegauwa?" ³⁵ Haidi tomotai sitotoholowa si nonoya ma sigwaeya wa gebe i bwaubwauwe Ilaitiya. ³⁶ Kaigeda ipili kikipa ikahaliyama oine delelena koina ihe pwasa ma gwehugwehulu koina ibadiye ma ikebwae i numa kaigeda tai igwaeya hina tagebe yata nuwana Ilaitiya itauyama ma ikabala suluhe. ³⁷ Ma Yeisu ibwau lauwa kenana Tautonega ma imwawasa. ³⁸ Hada tapwalolo kana kahwakeda kana kahu bodaboda ikeigala luweya tabwanegama isuluma duduna. ³⁹ Ma tuta ina tolosaniya idi tohahugeta itoholo kahwakahwateya Yeisu ma ina mwawasa igebeya ma igwaeya kahikahila keiga yaubada natuna. ⁴⁰ Haidi wahuwahine si totoholo mwaumwauwa si kekedune wahiwahineidi beno meli giyokuna, meli (Iyemesa sinana yosese) ma salome. ⁴¹ Tuta ina tauna Galili koina imiyami si kwayabuya ma silemeya. Wahiwahine boda makiyana hosi tauyama yelusalema. ⁴² Nikatu itotodudubale ma gibugibubuna kana kasiyata ma tona sigibubu muliyega sabatikana tuta iloba. ⁴³ Iyosepa goma alemadiya itauyama, tauna kaigeda toha nugeta, tauna iloyamweya yaubada ina kebeloina weyaina. Ikatepahewa ma itauya pailato koina i hesideya Yeisu hohona. ⁴⁴ Pailato nuwanaihowana Yeisu ina mwawasa weyaina. Tolosahiya kadi tohaugeta ibwauweyama ma koina igwaeya kemi nikatu Yeisu imwawasa. ⁴⁵ Nikatu imwalatoniya tolosahiya kadi tohanugeta koinega kabwanene Yeisu nikatu imwawasa, ma Itagwaleya Yeisu hohona Iyosepa koina. ⁴⁶ Iyosepa ikahaligiya kaleko ma itauwedima Iyosepa Ikahala suiuheyama Yeisu hohona kelose koinega ma iwaduya kaleko koinega, "ma i hekenoya logeyai kana logeya ina dimwa si tagi hetohetoweya Ioyosepa dimwa i puliyama ma logeya kana kahwa keda i tolu bodeya. ⁴⁷ Meli giyokuna mai Meli sinana yosese sigebeya sena ina koma Yeisu sigaliheya.