¹ Nikatu Sabati kana kasiyata igumwala, koinega Meli Magidala ma Meli Iyemesa sinana, ma salome, Bunama sikahaliya ma sitauyama Yeisu Hohona sabi bunamina. ² Nage kasiyata ina koina wiki kana kebe hekale. Gonagona giyokuna kabwa igeya sinala isaehane. Wahiwahine sitaugama Loegeyai. ³ Taudimo koidiya sigwaegwae, "Taiya yata logeya kan kahuboda Gulewa, ipuli hile weyahida?" ⁴ Tuta ina silo gebahaneya, sigebeya totai nana Gulewaina sinabwana ipuli hileya. ⁵ Siluguwa logeyai ma sigebya kaigeda Tubuhau ihiyala kwama wakewakekena koinega, imiyamiya kebe ula koinega, sigebeya ma simatauta. ⁶ Ma ihegwaediya, "Geyakabwa wamata matauta, Wakebekebese Yeisu goma Nasaledi, Tauna sigihe-keloseya ma itoholo Kimana, Tauna igeya kebwa yata ina kebe keno wagebe. ⁷ Ma watauga, Ina Tononowaho ma pita wahegwaedi inugenugeta Galili nage koina yata waloba, gide ina gwae. ⁸ Logeyega sihapwesa ma idi dedela sipliliya, ma igeya keta togoma sihehegwae weyahina simatauta. ⁹ Kasiyata ina koina, wiki kana kebehekale, Gonagona giyokuna ina toholo limana mulina ihapwesa nugeta Meli Magidala koine, kaigeda tuta koina yaluyaluwa galadi sebeni Yeisu iula latuhediyaWahine ina Koinega. ¹⁰ Tuta ina koina tononowaho nuadi igala ma sidoudou Meli itauya ma ihegwaediya. ¹¹ Ma tuta ina Meli ihegwaediya, kabwanene Yeisu igebeya mayawasina, Tononowaho igeya si hemihemisa. ¹² Muliyega, Yeisu ihapwesa Tonono site Luwa koidiya tutaina kasega sihapwesa ma sitautauya kedai. ¹³ Koinega site luwaidi sitauya ma kiyadiyaho sihe gwaediya (Tonono) ma igeya sihemihemisa koidiya. ¹⁴ Mulina wete Yeisu ihapwesa Tonono site lebeni koidiya, kebekai koina sikaikai hanua solana. Ilatua iheliyediya weyahina igeya sihemihemisa ma katedi ipakala, weyahina taudi Yeisu sigebeya ma sisiamana igeya koidiya sihemihemisa. ¹⁵ Yeisu ihegwaediya, "Watatuya Gabula Mabwaiyana koidiya, hemwasala bwebweyana wa guguyae tomota mawaiyadi koidiya. ¹⁶ Taiya ihemisa ma sigihe silibwabwaeya ketoseyana siloba ma taiya igeya ihemibemisa geyakabwa ketoseyana ilobaloba. ¹⁷ Keiga Wekiwekiyayaidi yata sihapwesa taidu kagu tohemisaho koidiya. Kagu Esanega yata yalutaluwa galadi siula hapwesedi. Ma wete to kenana igeya sida mwalatoniya yata koinega sigwagwae. ¹⁸ Yata minadiyega mwata sigilagasidi, ma wete kemi kebe lohemwawasa keta sinuma geyakabwa ilohelohe-mwawasidi. Wete kemi nimadi silagu tolekwasaho koidiya yata sibwebweyana. ¹⁹ Yeisu ina kahagwae nikatu ilosalohiya, koinega ihaneya Galewai ma imiyatowa yaubada ina kebeula koina. ²⁰ Koinega Tononowaho sitauya sena yahuyahuna koidiya Yeisu Hemwasalina siloguguyaeya, ma kinapwana ilemediya ma waiwai ikebwaediya ma hedehedede siguinuhedi be sikahwa kahikahila idi gwae koina.