¹ Non ankinafa be'i arai'en afova vaya tikharen mino, ma'antin kakan nanin banta be'in ma'en eukakharemi' evare'ne be'i kadusen nompin bain bokefin oden mino, maira be'i un kumanen mino. Ma'antin mino nanin banta ano non ankinafa iyen eukuven bei baya inemino. ² Be'i kokhon tian inantin bayakhayo tikharen mino,bei bayafin ma'ami sikharemi'. ³ "Ineno!" mana dunan doran banta ano ayun dana' dokaren mino. ⁴ Be'i ma doriyakan mana'a ayun dana' asa' eravin nun kaiyo ano nen mino. ⁵ Ena ayun dana ona'mana'bain barafin eravubin, namu bara bainpin, eampamaren kasete ukharen mino. ⁶ Ma'an temifo, a'au edavin i'da aru' orera ikan mai ayun dana ano i'da kama kirisi bain pin kafuren mino. ⁷ Ma'an tin mana'a ayun dana' ayankuni' ukhein katafin eravukharen mino. Ayankun naman mano eanoni'en dararan, mai ayun dana ano ida aran aren mino. ⁸ Ma'antemifo ena ayun dana' ma kama barafin eravu'ben aran ima'demi,' mana'a ano teti iran, mana'a ano sixti iremi'. Ma'antemifo mana'a ano mana antareti iren mino. ⁹ Ma'antukhan be'i semi', iyen a'arena' bantenafi a'esina' inino! ¹⁰ Yisasi veya ana uvin, be'in tian mikan mifo kanka'nan eiyo iyanpon ma' maira' ma ba'ein kayo ano be'ini' tian intanin baya ana van inaemi'. ¹¹ Be'i ma'asen tiamemi', sireti' maen tiyarafenui yafisin pintena aupa baya vareompo beti ima afovai ukhein kaiyoi' baya mai tiama inta'nin baya bamino. ¹² Ma'an tukhantin beti' ma onanain mai onantemifo ikhanai uren onante mino, ma'a manante inin mana inintemifo ikhanai' uren afova' inten mino. Ma'an tiaren tiyarafenu vain erintin beti'i ume aruminaina mino. ¹³ 'Inaipa' be'i vetin tiame ma'asemi', sireti' ida ma vaya afovai' iya ono ma'an tia sireti'i'da oman afo va' ena tian intanin baya inae. ¹⁴ Mai duna doran banta ano ma mai dunan ayun dorein, be'i ma'an avu' avaka' anasen be'i Tiyarafenuni vaya dokaren mino. ¹⁵ Mai dunan ayun ma aa akinafa' eravukha' ein ma'amin tukhen mino, mai baya beti' iniyan mifo namu aunan mano aubante' doma'dan ida beti'i ininta kumaman ava'ba' emino. ¹⁶ Mai dunan ayun ma ona'mana' barafin eravukha'ein mano ma'amin tukhen mino, amusita' ana mai vaya banasi ano varen mino. ¹⁷ Mai vaya ano i'da banta auka' kumaman amasan emino. Ma'antukhare'in uman nafi, akhen noka erein damu' mai nanin banta ainanen eraven ankame' ian mino. ¹⁸ Ena maemi, dunan ayun ayankun namanpin ma, eravukha'ein, mai beti' Tiyarafenuni baya mantare'ein mino. ¹⁹ Ma'an tukharen mifo, ma bararake' uma ma' mavarake dana ma anunu uantan ma' au' anunu ma ima' ano Tiyarafenui baya dararan ida aran iren mino. ²⁰ 'Inaimpa' ma duna ayun kama barafin eravein, ma'amin tukhen mino. Mai Tiyarafenuni baya ma beti' iniren barein mino, ma'an tein mano betisi dunan afokasi' ukharen mino.Mana'a ma irein mai teti ino, mana'a maen sixti ino, ma'amtemifo mana'a ano mana antareti iren ino. mai beti' ma doka'einta'i sen ma'a irari' emino. ²¹ Yisasi beti' ankan tian amen ma'asemi', sireti' ma kakhan bare mun kurafina de'iya vaompo dan tkhoka'i dakenan mino kakhan te'iyan mino. ²² Mai pafi, mino aura' ida mana yana aupa ba'ian mino' Ma'an mananten i'da mana yana'aupasi' uresin aupa' banten mino. ²³ Ma'an tulhan inte'a khaioyo atarena' bantin inintenafi, maikhayo ano va' inino. ²⁴ Be'i vetin tian amen ma'a semi', ataren kaude ineno. Mai inte'a anidanasa' barantefo, mai ani'dana'i betin moeken ani' inten mino. ²⁵ Mai pafi, iye kanai' ukhenafi mai moe ken aminten mifo oafadakhenafi mai be'i nina dovaranten mino ²⁶ Inka ma'amana semi tiarafenui yafisini' ukhen mino, mana vanta ano ma dunan ayun ma barafin dorein ami dakhe mino. ²⁷ Be'i maen inupasi' imi bakharen akurasi' imi orun mate' iyan mino. mai i'da afovai ukhen mino,inte'a asake sa' eampame' iyanafino. ²⁸ Bara ano mai beyami dunan a fokai iyamifo,ese' maen, ana va' duna ma' iman dian naino. ma'anturen tasoremi dunan mo kara' iyan mino. ²⁹ Ma'antukhan dunan ma afukhakha imae, dunan doran banta ano maen mai dunan una'an de'iyan mino.Mai dunan ma afukhavin. ³⁰ Ma'a siren everen semi',mai inte'a yana posa' Tiyarafenui' yafisin ani'intefo? Mai inta'a tian intanin baya fosa' Tiyarafenui' yafisin aman ani' intefono. ³¹ Ma'a manante mana arara' duna ma dorein amanan dakhen mino,mai dunan maen sato turanmi dunan aifin ba'iyan mino. ³² Ma'an tukhen mifomai yunan ayun ma do'an baren eampamaren mino mai yunan aifinte danasinta me fauremi ode'iyan mino.Ma'an tuven kakan ayan dan orera uvin kasaen nun kayo ano nani' maira e'iyan mino. ³³ Mai yampo kanina' baya fo'i siyakan mino' ano afovai' iyan mino. ³⁴ Mino baya betin tiamemi', dampo kanina baya bamifo be'i ma bei eyo iyanpo kayo va' ma, bain damu'i be'i mino aupa baya khayo pa'ma nen tian me' iyan mino. ³⁵ Mai' damu'i inupasi'in betin tiamemi', eresi' seti non ekhade ena ufa orono. ³⁶ Ma'asiren, bei eyo iyanpokaio va' mai nanin banta khaiyo meampiren oren mino. Ma'antian Yisasi pefa' bokefin kumantaren mino.Mana'a dampo boke va'i orikharen mino. ³⁷ Ma'antin inain pasuron, mana kakan uva erikan non karanto imano bokefin orun intiken mino. ³⁸ Ma'antin Yisasi bokefin pefa' bakhare'in beni' eyo iyanponkaio ano avoren ma'asemi', "Aru'soe", ida' afovai iya fono ma seti' inka puronteku ono. ³⁹ Be'i orun manta ven uva va' non ma' asen ma'asemi', "kayona ono!" mai oyan pake' ana mai uva kipavin inka' mai non bempake' emino. ⁴⁰ Mai oiyan pake' bei eyo iyanpon kayo siamen ma'asemi',nasa ukhaya sireti' periya barafono,mai sireti' ida mumunan desin banafino. ⁴¹ Bei eyo iyanpon kayo khakan akhokho fin baken beti' aubana ten oreraen ma'asemi', "Be'i iye' urona fino", uva va' non ma' ano ma ainan uranten beni' avaya ma iniyaine.