¹ Yoni mono namun pin evarena'en Yisasi oo onemino, mafin ayan namu ukein banta bare' mino . ² Yisasi mana' banta ano purepure emino, Sabati damu inte ena mai ai banta aya inte nafi siraken one mi, ma'a inti oden bein ni namu paka novane. ³ Ayan namu ukein banta van Yisasi ma'asen mi mino auban orun manta no. ⁴ Banasifin bei' ma'ase mino, Sabati damu kanai'sa ukhe nafino, kama dana ma baren aruven namu ukhen nafi. Arinafi aa' ayain nafi, ma'ama sin ma'en mai avenapake mino ano khofen oren mino. ⁵ Yisasi be'ankan aran bokan onen euken, mano banta i ini onan ma akona ma ukhein ma'en oniyan arunan uvantiyan mai banta van ma'asen' ayan aman puntarano,ma'an ma siyain avena pake ayan puntaran oren mi . ⁶ Ma'an ma uren in mai ayonpake Farasisi ankan Yisasin bare'in avu ava baya Erotin mo siyan men. ⁷ Yisasi ma bei eyo iyampon kayo va unon pa ore mino, Yudia keva Kariri keva kokhon nanin banta kayo dakafen . ⁸ Yerusaremi keva Idumia keva Yodani akhempa kayo va Yisasin ma ore'in baya ma inen mai be va'in kokhon nanin banta eren mino. ⁹ Yisasi bei eyo iyampon kayo sia mikan boti aman puntare mi,' onan kokhon nanin banta bein e'ukein pin mino, ma'an intin ida bein avekano vare. ¹⁰ Kokhon mai damuai banta kayo ayofan ma'en, bein aruvon no van banasi ma aipin ba'en kayo emino. ¹¹ Ma'an iyakan bein namu auna mano ma oniyaken ma'en ,Yisasin aufa aronkon durafuden ifidiyanken ,tiyan e'i Ayarafenu anin mono. ¹² Bei akona en tiyanten iva tein maman afoka ono. ¹³ Anufa Yisasi oriven, bema aran niyain kayo aran be bain eren, ¹⁴ Ma'ama ma'en kayo be vain ere mino. ¹⁵ Tuarafu aviden mai ankan na (aposorine sen avi amen mino) ma'a urakan tin mono baya sin no vare, akona bantin banano dere siyan tano vare. ¹⁶ Ma'.anka mi aviren mino Saimoni na Pita ne sen, ¹⁷ Yemisi Yebedin anin ,Yemisi avae Yoni ,mai Boamesin ne sen ,mai ano ma'a siken; afayu akhase tikhemi; ¹⁸ Endaru,Piripi,Bataromio,Matu,u, Tomasi, Arafiasin anin Yemisi, Tadiasi,namu inin bain banta Saimoni, ¹⁹ Inka Judasi Iskarioti,Yisasin ma arinain banta. ²⁰ Ma'an ma uren ma'en barufa oren mino,banasi bei vain ovaren ere ere ikan , ida bereti nari en mino. ²¹ Ma'an ma iyan bei antun iniyaken be'in dosen mi. Be'ini inin ida kamaen kuman neri emi. ²² Bopon taran banta kayo Yerusaremi ke ere in kayo ano sen, bei Namu aunan kayo i anan banta ino, Banano akona fo'i namu aunan tiyan te' iyan mino . ²³ Yisasi mai keka aran kauden overan baya finte tiya miyan ten, intesa uvaken na Banano mano Banano tiyatan ten nafino? ²⁴ Mana dafisin ma daimin ten ida kanai en manta ten mi. ²⁵ Ma'an uken tin mana ma' auban ma durafu rinten ma'en ida kanai en mantan ten mino. ²⁶ Ma'an ukan tin Banano ma beraran daimin te ma'en ida kanai en mantan ten mino, maan ma inte ma'en bei' akhen pa'i erinte mi. ²⁷ Ma'an tukantin mana ano ida kanai en akona banta amapin pasavi un peben be'a dana baran nono, nara bein damuan kauden mi baran temi. ²⁸ Puran isen te'uno, mano ume kasa en arun miten mifo, ²⁹ Kanta Aunan ma oyan pa' baya ma sin ume ida uran mi min temino. ³⁰ Be'ankan Yisasin na ida kama aunan ma banta e siran mi ma' sen mino. ³² Ma'an ma sen mai keka siyan miyan be anoe'ma be afa avae'yan kuron pa manta khen ave uken ban ., ³¹ Mana' kayo siyan miyan Yisasin tiyan meno sen , enoe'ma e' afa avae'yan kuron pa' ban ave ukene se si yan meno. ³³ Maan ,ma sin maen be'ankan siyan mian ten ,eye eye nara tesino ene tifa tivaen siya fono , ³⁴ Ona no mama iyen e ukukain mai tesinoe tifa tivae ino. ³⁵ Eyen nanin banta ano Ayarafenu arana baren iyan nafino mai kayo ten tinoe, tifativae, tiyofi ino.