¹ Mana'a damu ayon pake ma Yisasi ma Kapenaumu ke ovaren ma eri ma'en be' ama' evane sin ine. ² Kokhon mano mai namun ovikavin afokhan ida in onara dere vikavin Yisasi maifin mono baya semi. ³ no Mono baya siyakan aiayan pukein banta mana'a banta kayo ano aviren erenmi' kamikami banta ano mai aiayan pukein banta aviren erenmi. ⁴ Aviren e'onan banasi bikakhan ben ade ida oririma ma'an iyainpin manapa ma'a amonata oiven Yisasi ma bain bobo nara kapoden mai banta ma bakein kanana kain aravan. ⁵ Kain ma aravika maen 'beui mumuna oniyaken ' Yisasi mai aiayan pukein banta van siya miyaken 'tani no'e ei ume arun me'uno. ⁶ Ma'an ma siyakan mai damu mana'a man baya afovai ukhein banta intava mafin kumanta mino. ⁷ Ma banta ano intesa u'akena ma baya siyan nafino? Bei Ayarafenu ayonpa baya siyane, ida khanai ena ano ume arunmin temifo Ayarafenu beya ino? ⁸ Ma'an ma siya kan mai o'avena pake beu'i inin afovai iyakan tiyan mai keka tiyanmen ma'asen paravara tireti aupin maina inin bari yafono. ⁹ Ma aiayan pukein banta van inte'esa kasae' tinafi. Eni ume arun mene tinafi a'a orun mante ei kanana amare orinfi. ¹⁰ Ma'an tukantin e'iva ovare meva ineno.Banta anin ma'en ume arunmin akon navai ma barafin erikene . Ten Yisasi aiayan pukhein banta siyan memi. E'in tiyame yare orun mante ¹¹ ' E'i kanana mamare ei ma orono. ¹² Orun mantiyan ese ana, bei' kanana da'dan pakaren , mai namun me ampen mino aura barufa oriyan one taka iyan Ayarafenu kakhan bi ami yaken temi ida oni yae' una avu ava ino. ¹³ Bei non akhen pa evaren orikan' kokhon nanin vanta be vaipa erin mono baya siya memi. ¹⁴ Alfiasin anin Levi takisi baran tentifin kuman tan Yisasi esantiyaken e'one siyame. Te'in daka fono sikhan orun manten bein dakhafen oremi. ¹⁵ Levin amapin Yisasi dunan mo niyaken kokhon takisi baran kayo va' inka ume nanin banta va' bei 'eyo iyampon kayo va' dunan manafin nemi,kokhon mano be'in dakaven mino. ¹⁶ Ma'an baya afovai ukein kayo ano ma' un Farasisi ma' ukein kayo ano Yisasi ona kan ume nanin banta va' ,takisi baran kayo va' dunan niyakan oden Yisasini eyo iyampon kayo siya miyan. Paravara be'i takisi baran kayo va' ume nanin banta va dunan niyan nafino. ¹⁷ Ai' nanin banta ano ayofan banta van dosin nopo , ida ai' banain mano betisan inono. Punta kein nanin banta vara eri kerauno.Ume nanin banta vare. ¹⁸ Yonini eyo iyampon kayo va' Farasisi kayo va' yunan au'raren amukiya kan ,mana nanin banta ano one me Yisasin tiyamiyan ,Nai ana vara ei' eyo iyampon kayo ida dunan aura ren amukiyan nafino. Yonini eyo iyampon kayo va' Farasisi kekha dunan aura ren amu kiya nafino. ¹⁹ Yisasi be;ankan siyamiyan ten anasi iman amin banta ma mafin bantin kana maima onanton erinain nanin banta ano dunan auraren amukin ten nafin no. Anasi ma iman amin banta ma be'anka ma bantin ida kanai en dunan auranten . ²⁰ Damu eriyain maima anasi iman amin nain banta ma be,ankan pinke ma avi' arantin ma'en , mai damui yunan auraren amukan ten mino. ²¹ Ida kanai en mana ano auyen yavarae kana'en peyantera den amu ino.Para vara seyo auyen yavara ano peyante ofaken kana sinte ne. ²² Peyante uaini aufin ida kanaie mana ano auyen uaini kaino. Para va ra seyo auyen uaini ano peyante ausiren pasavinpa era vin ten. Auyen uaini aufin auyena ka'o. ²³ Mana Sabati Yisasi uviti aran intein aban oriyankan bei' eyo iyampon kayo ano ara'en mai aran ku'iya'kan. ²⁴ Farasisi kayo ano Yisasin tiyame yaken ten.Oniya fono nai vara Sabatira airo anani ukein dana bari yana fino? ²⁵ Ma'an ma sin ma'en Yisasi evaren tiyamiyan .E'ankan ida dankade ontefono Deviti ma' bema ma no'en banta kayo va' ma' arafan purima , ²⁶ Ayarafenu amapin unpeben Abiata ma mono anon bantai ukein damu ,airo anani ukein, mono anon banta kayo ano ana neyain bereti ma neyaken bema ma no'ein ma'a ame ine. ²⁷ Yisasi siyan ,banta ano va Sabati dafiseno, ida va Sabati ano banta dafisino. ²⁸ Ma'an ukhan pasen banta anin ma bain Sabati Kakan mino.