¹ Peakura' mono anon bantakhayo va' yudan kaminin ma a'noni'ukhein banta khaiyo va' ataruem mino, ataruan damuren Yisasin dofaken Pairoti vain orikhan mino. ² Pairoti ano inaem ma'a semi', e'i yutan kayoi kina fono sikan Yisasi everenen be'in tiamemi', mainka e'i siaono. ³ Mono anon banta kaio ano Yisasi ma manta'en avu ava kayo mino tian pamanen mino. ⁴ Pailati ano evarenen inaemi', e'i ida baya siyana' uno, ma e'ini' dampo baya ana me khain bamino. ⁵ Ma'asin Yisasi i'da mana baya siainpin Pailoti maira anoma' inemino. ⁶ Mana khakan damu' ma afoka' ein damu' maen Pailoti ano banasi ininta diantan mana karabusi vanta ore'i ya mino. ⁷ Mai karabusefin mana kamanin ma namuroi' iyain banta va'i bamino', ben avi' Barabasi ino. ⁸ Kokhon nanin banta ano Pailoti vaipa eriven inaen ma'asemi', maima pe variauna avu' avaka ana orinte fono. ⁹ Maira' Pailoti ma'asen inaemi', sareda e'in deku' yutan kayoi' kin baipa' orinte fono. ¹⁰ Pailati ano afovai ukhen bei umanta'i mono' anon banta khayo ano pakadan bamino. ¹¹ Ma'asemifo, mono anon banta khayo ano banasi duvuni'kan aren ma'asemi', a'esin Barabasi setimpin erino. ¹² Ma'a sikan mifo Pailati ano evarenen ba banasi inaen nasasa' Yudan kayoi kin ta' onuno. ¹³ Ma'a sin everen banasi ano ovaren ma'asemi', "dara' kayo' ono!" ¹⁴ Pailati ano banasi inaen ma'a semi', be'i inte'a umana' mantena fino sikan banasi moeken ovaren ma'asemi' "be'in dara' arono". ¹⁵ Banasi moeken ariainpin Pailoti ano Barabasin siantan banasi vaipa' ore mino, ma'an tuvin Yisasi dara' arino van aruvin vanta khayo ayanpini emino. ¹⁶ Mai aruvin banta khaiyo ano Yisasin aviren kamanini barura oriven mino' anoni' ukhein aruvin banta khayo aran eataru emino. ¹⁷ Maira maikhayo pepori ona Yisasin uantaden maira ayankun namanpo atasi' uren anompin emino. ¹⁸ Mairake' be'in arai'en barenton iyan inka saruti' uantian ma'asemi', "ma ve'i Yutan kaiyoi' kin mino!" ¹⁹ Be'in a'non kantampo akamiyan inka aufen akhare semino, ma'antiaken beaufa oman aron konkon uven kampunten monosi' emino. ²⁰ Maira' be'in ma'en barenton uren doman mai onama uantaka' ein kauden maira' maman bei ona inante mino, ma'anturen aviren dara ariran oren mino. ²¹ Mana vanta sairini ke eriya'in aruvin banta khayo ano duvunen barano siyainpin ayaen mai daukamadan baren mino, mai vanta avi' Saimoni ino be'i Alesanda ma' Rufusi ma' afo'e ino. ²² Mai aruvin banta khaiyo Yisasin aviren korkota' anura' odikhami' ( banta anon damparasen tikhen mino). ²³ Maikhayo ita waini namu non ma' tanimani' uren amikan mifo Yisasi i'da nemino. ²⁴ Maira be'in dara' arem mino, aruan daren bei' ona kanu'kanu' ka' dan orivin maira' uvini' ma inain mano baranovan kati semino. ²⁵ Nain kiroki' ma iyan mi Yisasin dara' aren mino. ²⁶ Maima arua'an anonta' bompon uvaman kaen ma'asemi', "mamaen Yutan kaiyo i' kin mino". ²⁷ Yisasin auban aruan daren tefa tefa kan umoyan bantakan aren mino. ²⁸ Ma'a mantein mano everen kasanampai ma uadan ba'ei mi kanai' emino, ma'a mi sikharen mino, be'ima' iyo' namu avu ava si'in kayo fin eyanka'an danten mino. ²⁹ Dara' aruadan ban maira' ma omantaven oniyain kayo ano pirai'en ma'asemi' "Aha!" e'ima semae kanu' manau' damu'i mono namun varakure' evere' uvaranteren tikhaompo ma'antono. ³⁰ Eyan ayaure, daunkamadan meampire erano. ³¹ Mono anon banta khayoi' ani'ukhein banta ano va' maima varenton iyaini' en beraran ma'a semi', be'i ena khaiyo anan ayaiya mifo a'esin beyan ayaino. ³² A'esin be'i Tiyarafenun anin mifo darake meampen erano, ma'a ma inti mae mai mino' anoi monosi' uantante' uno, inka mai ma bema dara' bai kayoe. ³³ Bayan auban a'au tuerufu iyakan ma vara sitipa ukhen ban inupa' kanu manau' a'au oriyan everen panu semino. ³⁴ Inupasi' ma iyakan Yisasi ovararen ma'asemi', Tesi Khakan oe, Tesi Khakan oe, para vara se'in mee ampiya fono. ³⁵ Ma'ama siyakan maira' mana'ano manta kharen ma'asemi, onano Iraiya mi ariya mino. ³⁶ Ma'ama sin mana ano isopi yankara ita iyain u'vaini sponisi kauden, mataresi kana'anta kauden nano van' amemino. ³⁷ Iyakan mana vanta ano siyaken' eresi ba onano Iraiya eman avirantin eravinte nafino. Ma'ain Yisasi khakanta ovariyan evaren puren mino. ³⁸ Ma'a ma en puriyainama' mono namunma ba'ein davara'e aubana' dante araven anara' morun kipen mino. ³⁹ Aruvin banta khayio ra'ma dafikein banta ano Yisasi ma puriyain oniyan ma'a semi', "pura uran tiren ma vanta maen anutun anin mino". ⁴⁰ Mana'a nanin kaiyo va' derei entake mai furin onen mino, maikhaiyo aubana maen Mekdalini kena maria ma' Maria ma' inka (jemisi ni' ena ano'e Josesin ava'e) ma' Salome veti' ino. ⁴¹ Be'i ma pefa' karari' barafa' ma van maikhayo avakuren noken mono baiya iniyan mino. inka dampo ena nanin kaiyo va'i Yerusaremu' edakhan mino. ⁴² Avi' damu' kakena ma utaen deri' in damu' inupasi' emino, mai avi' damu' aufa' ma bai damu' ino. ⁴³ Aramatia Yosesi erei mano, be'i maen mana mono' anon banta ino, be'i pailati vaipa' Yisasi nan inauka mino be'i maen Tiyarafenuni' avi' baru van aveukhen bain banta ino. ⁴⁴ Pailoti ano khakanta anudukharen mino Yisasini purin baiya van, ma'antian everen aruvin banta khaiyoi ra' ma dafikein bantara'inaen mino. ⁴⁵ Pailoti ano ma aruvin bantai dafisin pintenama mai afova ma varian mana Yisasin tianten mino. ⁴⁶ Yosesi maira' aya' korosi maden be'in uman da unkamadan take' erafubin maifin uken mino. Ukuren baren mo be ma boradan ba'ein oon masipin kaen mino, kauden maira' kakan ona'mana avekan mai masi' ooyi iyaren mino. ⁴⁷ Mekdalini' Maria ma' Josesin ano'en Maria veti,i onemino maima Yisasin masi' ukhein.