¹ Sabati damu ankinafa si ikan, Medarini, ma Maria, ma Yemisi be anoe ma, Sarome, ano auna veri mamare Yisasin aura pe'antanto ore mino. ² Sante damu si ikhan maikayo ano akura ematen masika' orikhare mino. ³ Mai khayo ma'asemi, iye' mai onomana masi oyirake dointe nafino. ⁴ Ma'a siren mun ona'kan pe masi oyirake domanta mino. ⁵ Mai masipin uman ona'kan mana efan bui'dana' ukhein banta ano ayan amapa' kuman ta'in one mino. ⁶ Anseri ano ma'asemi i'da va' perano Nasaretik'e Yisasi ma dara arukhaein mai furen emantakhe mino, be'ima kauka'ein pin ida bamino. ⁷ Ma'a ukhantin oreva' bei eyo iyamporinta va' Pita masa' mosiame, be'i evere'nen Kariri oremifo mairasa oriveva onano. ⁸ Ma'asin meampiren tavaen eman akhokho van iya'ken i'da ena khayo tiyamemi. ⁹ Sante damu si ikhan, ema takhaein damu erikh madarake Meri Madarin ma damanapa ifo afapa kan orun kadan dada ma namu aunan ma domatein nanin aura dakoe mi. ¹⁰ Maan tura tavaen oman beni eyoyampon kayo oman ona kan aruna iyaikan tiyamemi , idava aruna iya va bano bei everene orun matake mino. ¹¹ Bei ona khan emanta khan in tiamin mifo ida maira mumuna ukhan mino. ¹² Mai ayompake, khan banta ayanafa oriyakan afokasi in mifo ida maikhanan afovai ukhan mino. ¹³ Maan uran oman bei eyo yamporita kayo tiyamidan ida maira mumu nan ukharen mino. ¹⁴ Yisasi bei doran Iyamporita aubana afokha iyaima maima tiren iniyaein baya meuren akhokho van emi. Onakan eman maasemi para akhokho van iyafono, ida sireti mumuna mano akona ukhe mino. Paravara tena ida orun mantakhene tiyarafono. ¹⁵ Maira bei doran banta kayo tiyame maasemi, orive manopa mono baya mino nanin banta puren emantan baya tiya meno. ¹⁶ Iye mai vayara mumu nan ure non barante nafi maikhayo ano ayun paravan aunan barante mino. Mifo ida ma mumu nan inain kaiyo ida ayun para van aunan barante mino. ¹⁷ Maan ukhantin, iye tenta mumu nan intenafi maikhayo fimi ma anidana bantin kasaen namu aunan tiyanten inka oyan amite mino. ¹⁸ Mai kaiyo ano kasaen osafede paken inkha namu non nantin mai ano ida beti arinte mino, maan intin beti ma ayan enain banta anota ma khain tin ai kipante mino. ¹⁹ Yisasi ma beti ankhan tiyamiden, betin meampiren Inarufa ode mino. Oden befoen ayan kurompa un kumane mino. ²⁰ Bei eyo yamporinta maira me ampiren mono baya manopa tikhan kakhan mano beupin dora kan mono baya minopa orerae mino.