¹ Gubuak mangan, Yesu gamunti mpui raham gain Genesaret, o bingan mangan kuri gini Galili hin gikab hup wat garam sagat santan. ² Ingka Yesu gararab bout irukangkua gimi mpui raham banging. Garam ku bipi gikab bout i nanai ka giha gakanuk haiquaing gimpai. ³ Yesu giha gakatuab i bout mangan, nanai Saimon bout gan. Ingka Yesu gakantui gin ini yagisu bout yaha wasak bis, ingka i gimpai yah hin gikab hup wat garam sagat. ⁴ Gubuak Yesu kab hup garam sagat zama gayang, nika gini wat Saimon, "Waku kambi waha opui ringkan in wakab haiquaing waruk i ku bipi." ⁵ Saimon gini wat zua, "Kidungwaga,agai ginang gum raham wat mikuan in agai ma giku bipi mangan amuk. Ingka zii yakab haiquaing gank yaruk pui yasu agu niya gayang." ⁶ Gubuak kurina sunanai, kurinai giku bipi santa-santan inka haiquaing ginni yakatik ayang. ⁷ Ingka kurinai gi kayak giha garam gan hiruk mpai i bout mangan giba girim sib.Inka kambi hirukankua gipu giyab i bipi in gini yaruk pui gumpin. ⁸ Gubuak Saimon Pita rarab sunanai, ga muruk Yesu in giniya, "Garam Raham, wankit i zii in wahan, izii garam mais mangan anai." ⁹ I ausa, wat garam gan tamur igin i ausa, Yesu ginang wahmanga-mangan rumanga-mangan zua. ¹⁰ Gihja gisu nanai wat garam hirukankua wat nang gum, Jems wat Jon, Sebedi gariak hirukankua. Yesu gini wat Saimon,"Wangkiti i guan ayang, ru agu yaku garam." ¹¹ Kurinai gagikas hirun i banging, inka kurinai ginkiti i kambi wat wahmanga-mangan kurinai gimin ka gasantamp Yesu. ¹² Gubuak Yesu mpai wat garam parat mangan, garram mangan rinin tititink ga i rinin santan giba. Gubuak i rarab Yesu, gagantu haganugun hub, gikab guzun giruk kintamp in ga kantui Yesu, "Garam Raham, ini agu nuguan gam wamari zi nangan mimunk." ¹³ Ka Yesu gikab bankian hahuan ya ka giniya, karunai agu yampai mimunk." Inka gubuak bisinta tintink gazugub sibigin. ¹⁴ Yesu gikab hup bumur wat, " Wangkiti ni wat garam mangan i wahmanga-mangan kas i agua, ka waha kapiri rungam wat garam guzun. Ka waha wakab pumua gayang gam yaasu hup Moses gan nia gayang. Nanai yasu kurinai bumur gan yarim kurinai sib." ¹⁵ Inka, hup giha gipuk parat munka-munkak, ka garam sagat giba i Yesu i yayangu i hup gan, ka yamari kurimai rinimais gan. ¹⁶ Ka gubuak Yesu ginkiti kurinai ka giha parat kuri mami mpai ya i ya yu gayang. ¹⁷ Ka guak mangan Yesu gikab hup wat garam sagat,ka i nanai kidungwaga lo gan i parat Galili ka Judia wat Jerusalem gimpai anai. Inka Anutu bumur gan gihuank ya igin i yamari garam rinimais. ¹⁸ Garam iruk gabariang garam rinimais mangan, rinim hain rugimamp. Ingka kurinai gagarui nangkuraham i yaku yaha simpingk i Yesu. ¹⁹ Garam sagat gizang i tagur. Ingka kurirnai gaharu i giangkayang wat buak ingka gikab i giruk, wasak i garam sagat simpingk i Yesu hagan gan. ²⁰ Gubuak Yesu gararab bumur an, ingka gini wat, "Raingk, izi gahukis agu mais am." ²¹ Garam Farisi ka gidungwaga lo gan wayant giyas i rarab sunanai wiya garam arunanai ini gini hup hain i Anutu gan? Wia garam kirikian i Anutu gisangk i yakuhuis garam mais an? ²² Ka Yesu ru gararab kurinai wayant an, ingka gini wat kurinai gisu nani, "Gisu aus hin agam giku wayant santasantan i agam sampan gam a? ²³ Hup aus anai pisit i nia gayang, izi gahukis agu mais am ma 'gini gisu nani, wamunti gin wabanua?' ²⁴ Ingka agam yararab yasu nani, Anutu gariak an nanai bingan gan gimi wagungk i kitamp ani i yahukis garam sagat mais an. Ingka gini wat garam rinimais, "Wamunti, hin waku gampan hin waha tagur am.''' ²⁵ Garam arunanai gitakirun gahigun, giku gampan gan hin gabanua gisapi Anutu bingan gan. ²⁶ Garam sagat santan gakutamirun i nanai hin kurinai gisapi Anutu bingan gan. Kurinai gihuangk i wa mangan rugan mangan ingka kurinai ginia, "Agai gararab wa mangan rugan mangan wat gubuak arunani." ²⁷ Kirikian i nanai, Yesu gingkiti kurinai ka gihan. Ingka gararab garam mangan ku sakuak bingan gan Livai nanai gimpai parat ku sakuak yah. Yesu gini wat, "Wasantamp izi." ²⁸ Livai gingkiti wa mangamangan santan ka gamunti garagi Yesu. ²⁹ Livai gisu nam raham wat Yesu i tagur an. Garam santan ku sakuak wat garam santan hiruk awah wat kurinai giga nam anai. ³⁰ Ka kuri Farisi wat garam wayant raham i lo gini hup santan i Yesu garam gan, ka ginia, "Gisu aus hin agam gigan ginum wat garam ku sakuak ka garam mais a?" ³¹ Yesu girim hup hain wat zua gisu nani, "Garam sagat mami rinimais ma gisangk yaha rarab dokta gamuk, garam sagat rinimais tak." ³² Gisu nanai, izi ma giba i yakayak i garam sagat mimungk i yakab sampan amuk, mia, izi giba i yakayak i garam santan mais." ³³ Ka kurinai gini wat Yesu gisu nani, "Jon garam gan gingkiti nam ka giyu, ka Farisi garam gan awah. Ka agu garam gan gigan ginum." ³⁴ Ingka Yesu gini wat kurinai gisu nani, "Ini garam mangan ini yahuar sagat, agam yani wat i raingk was i yangkiti nam i garam huar sagat anai wat agam mpai yang, mia? ³⁵ Ingka huguan, gubuak kurinai ru ku garam arunai hanayang ka ma wat raingk was gimpai zua gamuk. Ingka i gubuak arunanai kurinai yangkiti nam gan ayang." ³⁶ Yesu gini hup ram ayang mangan wat kurinai, gini gisu nani, ini saket mamuan mangan ini katik ayang, ma garam mangan yagasiab saket harih mangan hin yantang mamuan yah gamuk. Nanai yawaia saket harih, ingka ma gisangk hain kutik arunanai mah yahuh yasu mamuan anai amuk. ³⁷ Ka mah garam mangan mah girab wain harih i memek rinin mamuan amuk. Ini sunanai, wain harih yakab memek rinin mamuan yangan ramaramat hin yapuk ayang hin yatawarun ka yawaya memek rinin anai. ³⁸ Mia, wain harih yakatang bua i memek rinin harih. ³⁹ Ka mah garam mangan mah ginum wain mamuan amuk, gisu nuguan i wain harih. Ka gini gisu nani, "Wain mamuan nanai mimungk arumangan.'''