¹ Marapayam gi huank i Yesu ing ka gi riti pui Joden in giah zua. In Marapayam giku Yesu giya parat mami garam paiyah. ² Yesu gimpai gubuak santan i parat kakarak in garam mais gazuhupwat.I gubuak arunani, magi gan amuk in gisunai marimp. ³ Garam mais gini wat, ini agu Anutu gariak gan, wani wat sakuak agai nasu ganang. ⁴ Inka Yesu gasuntai igin i hup gan, Anutu hup ginia, garam magiku ganun i nam tak gamuk. ⁵ Gingan garam mais giku Yesu giya tawagunk mangan wat,gahigun gakapiri parat santan wat. ⁶ Inka garam mais gini wat Yesu,dzi yakab bumur santan wat agua in agu yasu guzun i parat ani wat sakuak wat wamanga mangan ani.Wamanga mangan ani nanai dzi gank,in dzi yakab wat wiyah dzi nuguank gank igin. ⁷ Inah warubi hagan nugun in wais mint i dzi,in agu yaku wah manga mangan nani. ⁸ Yesu gasuntai gin i hup gan gisu ni,''Anutu hup ginia,wais mint i Anutu gam basinta''. ⁹ Garam mais giku Yesu giyah Jerusalem in gikab i tagur wagunk,in gini wat,''Ini agua Anutu gariak gan,inka wakatuab, ¹⁰ i ausin,Anutu hup gan ginia,wani wat angira gam i yararab agua sib nka yamari agua, ¹¹ Yagab agua i bankian gan in sakuak mayapu agu agam amuk. ¹² In Yesu gasuntai gin i hup gan gisu ni,Anutu hup gan ginia,wankiti zuhup wat Anutu gam. ¹³ Garam mais rugazuhup wat Yesu i kandaham rugarugan,in ginkiti Yesu in giyan. ¹⁴ I bumur marapayam gan giku Yesu giyah Galili.In garam sagat santan,Galili gayangu Yesu bazuah. ¹⁵ In gikab hup i tagur sunta in garam sagat gikab i bingan giyab. ¹⁶ Yesu gihan Nasaret,i parat an su raham yah.I gubuak mararam gibanua gihan tagur sunta inka gamunti in gikab hupwat garam sagat. ¹⁷ Kurinai gikab Aisaia mamin sap gan wat garitib in gararabhup hain garam hahar hayang. ¹⁸ Anutu marapayam gan gimpai wat idzi i ausin gikab puih i dzi guzunk in dzi yagab hup i garam sagat wiyah paih mais, gagasi dzi i yaku garam sagat paih kamikuan yaba pisit,gisu garam hiruk su mais yah. ¹⁹ In gini harab gisu nani,gubuak garam daham gan yamari agi. ²⁰ In gihanka mamin sap sib,gikab in gihan gimpa hub.Garam santanpaih tagur sunta gihu maran sib yah. ²¹ Gikab hup wat kurinai,i gubuak karunani hup mi Anutu mamin sap gan tugisunizun, ²² Garam santangikab i bingan gan giyab inka ga kutamirun i hup hari i niah gayang.Inka kurinai gakantui gin,''Karunanai gariak gan hahin?'' ²³ Yesu gini wat kurinai gisu ni,nizun bingan,agam wayangua,garam gini hup i dzi nka agam awa wania garam gab rinin wamari rung gam.Agai gayangua manga mangan agu nang i Kapeniam,inka wanang gum anai i parat agu gam awa. ²⁴ Inka ginia,nizun bingan,dzi gini wat agam,garam guzun miah i garam sagat maga yangu i hup amuk. ²⁵ Giha gini hup nizun wat agam i gubuak Elaisa gan i sagat santan gabuan mamp ayang gimpai Israel.Gubuak gamiak mami mui ayang gisank gubuak hirukankua bisinta wat ikap hirukankua basinta marimp raham gikas. ²⁶ Inka Anutu magikab Elaisa giha garam mangan Israel gan amuk,giha parat Sarefat,i parat daham Sidom i sagat mangan gabuan gan mamp ayang. ²⁷ Garam santan tintink ga i hagan gimpai Israel i gubuak Elaisagan,mangan mah gikumimunk gan amuk,miah.Naman i parat Siria rumbis giku mimunk gan. ²⁸ Garam sagat pai tagur sunta gayangua in sampan kukuap. ²⁹ Kurinai gamunti in gini Yesu giya sibi kurinai parat gan mi ngaring hauwan.Kurinai giha ngaring anai kirikian gan in gini yarimuab i yaha buamp. ³⁰ Inka gabanua kurinai wasak in rugihan. ³¹ Inka Yesu giha parat daham Kapeniam,i distrik Galili,inka gikab hup wat gubuak mararam. ³² Garam sagat gayangua i hup gan in gakutamirun,i ausgikab hup wat bumur gan. ³³ Garam basinta gimpai tagur sunta,marapayam mais gim paiyah in gakayak raham. ³⁴ ''We! Agu gini agai yanga aus i agua gah,Yesu Nasaret gan?Agu gibag ini yasu hantabaub wat agai?Dzi wayant giyur agua.Agua garam mimunk karunaragai giba i Anutu.'' ³⁵ Yesu gini hup i wat marapayam mais ,wankiti ni hup,wankiti garam karuragai.Marapayam mais gikab i gah muruk i garam sagat wasak, inka ginkiti gin in mah gah gisu antabaub wat gamuk. ³⁶ Garam sagat gararab in gini hup i kurinai wasak,''Nani hup su ausa,gini wat marapayam maisgisu nani garam bumur yah kuis pias. ³⁷ Hup Yesu gan gikab wah sunanai giha hantabaub i paraparat. ³⁸ Yesu ginkiti tagur sunta inka giha Saimon tagur gan,Saimon buan hinam rinin gisu dza,in kurinai gah kantui Yesu i yamari gin, ³⁹ Yesu giha simpink i gin in gini rinimais yangan miah sib i gin,in rinimais giruant sib i gin.Inka bisab sagat karunanai gamunti gin giha gah katung ganang kiruak in kurinai gigan. ⁴⁰ Gubuak tu giruk, hin garam sagat ru giku garam sagat rinimais mangamangan giba i Yesu i yamar igin. Yesu gikab bangkian i kurinai hin gimari kurinai. ⁴¹ Ingka gakuis marapayam mais sib i kurinai,marapayam mais gakayak bumur gisu nani,agu Anutu gariak gan,nka Yesu gini marapayam mais igin i mah yani hup amuk,gisu ausin kurinai wayant giyur Yesu gah? ⁴² Marguankus,Yesu ginkit parat anainka giha parat garam mami mpaiya.Garam sagat santangah garui gin.In kurinai ru gararab,in mah gini yakab i yahan ayng amuk. ⁴³ Inka Jesu wat kurinai,dzi yaha yakabhup Anutu gan wat garam sagat hiruk. Dzi giba i gum karunanai . ⁴⁴ In dzi yaha paraparat Judia gan in dzi yakab hup wasak i kurinaitagur sunta.