¹ I 15 krisimaas Sisa Tiberius mpai su king. Pointius Pailet gimpai gisu gavana i distrik Judia gan, ka Herod gimpai gisu guzun Galili gan, ka raingk gan Pilip gimpai guzun Ituria wat Trakonitis. Ka Lisanias gimpa gisu guzun Abilene gan. ² Gubuak Anas wat Kaiafas mpai hetpris, hup Anutu gan giba i Jon gariak Sekeraia gan i para-miya. ³ Gisunanai ka i giha distrik gimi pui Joden, ka gini hup harab i garam sagat yangkit i kandaham gan mais ka nani hup maragayab ka naku mpururub yangan Anutu yahukis mais pias sib i kurinai. ⁴ Gisu arunanai gimi mamin sap profet Aisaia gan, "Garat mangan gakayak bumurr i parat garam miya." Namari nangkuraham Garam Raham gan, namari kandaham nasu surung. ⁵ Natihun parat su masamp, Ka nagumpa ngaring naruk. Ka namari nangkuraham surankink, ka namari kandaham i parat mais. ⁶ Ka garam sagat sib yararab gum Anutu gab ayang i kua agi. " ⁷ Garam sagat santan giba i Jon i yakab mpururub i kurinai ka i gini wat kurinai gisunani, agam kamak mais gariak gan! Wiya gini wat agam gisunanai ah, Anutu nuguan mais i agam ka yasu mais i agam ka yawaya agam. Ka agam gini yaruant i barabin arunanai ka yakatuab i barabin arunanai? ⁸ Agam wani sampan barabin gam harab ka wani maragayab i sampan barabin agam gam ka agam wangkit i niya sunai, 'Abraham anai ramangk agai gam, 'Nizun zii gini wat agam, Anutu gigab bumurr i nakab sakuak yasu gariak Abraham gan. ⁹ Jazun rugimi gai hugun. ini mami gai mangan mami gap mimungk, gai garr arunanai, ingka kurinai yaraya gai arunanai ka narim i naha bui zarh. ¹⁰ "Ka garam sagat gayangu hup suaus Jon niya gayang ka kurinai rugakantui gin, agai yanga wah? " ¹¹ I gisuntai i kurinai hup gisuani, "Ini garam mangan gab buru hirukangkua, nanai yasangk wat garam mami gab buru mangan. Ka garam mangan ini gab nam santan, nanai nasangk wat garam nam mangan nam gan miya." ¹² Kuri ku sakuak giba i Jon i yaku mpururub, ingka kurinai gikantui gin, "Kidungwaga, agai yanga wah, " ¹³ Ka Jon gini wat kurinai, "Agam wangkit i ku sakuak santan, agam waku wasangk sisa niya gayang." ¹⁴ Ka garam-ragiab hiruk gakantui gin, "Ka gisu aus i agai? Agai yanga wah? Ka i gasuntai kurinai hup gan zua, "Agam wangkit zuhup ayang kab garam hahup barabin ka rak igin i sakuak gan. Agam wayant wasunani, "Sakuak hurawa agam kua gayang nanai rugisangk agam karunbanai." ¹⁵ Garam sagat gayangu karunanai ka kurinai wayant marikum. Jon kirisi arunanai kuri gaharrwi gin i yaba gayang hahi. ¹⁶ Ina Jon gasuuntai i hup gisunani, "Zii girurubb agam i pui tak. Ina garam tamurr ayang, nanai gigab bumurr ginus zii bumurr gangk zua. Zii ma garam mimungk gisangk yatirak buak pias i hagarumpun gan amuk. Nanai yarurub agam i marapayam wat zarh. ¹⁷ I yaba wat saburr i bangkian gan i yasamu wit simpim ingka yakab i tagurr mpuak wit ya. Ina yakati kurukuan i zarh mami mamp ayang." ¹⁸ Jon gini hup mimungk harab i garam-sagat wat hup hiruk santan i yaku kurinai sampan i kurinai yazagari kandaham mais gan. ¹⁹ Gubuak Jon gini Herot garam-guzun(gavana) kurinai gan. I ausa nanai giwarr Herodias rabuan gan inian, ka i kandaham mais hiruk Herot anai nang ayang awa. ²⁰ Herot anai rungan ginang barabin hiruk awa, i gikab Jon i tagurr-barabin. ²¹ Gubuak garam-sagat santan rugiku mpururub sib, Yisu gawa giku mpururub. Ka gubuak i rugiku mpururub ka i giyu ka gan-hungkun gakazai run. ²² Marapayam gikas gisu gaziab mangan kuri gini buirr giba gimpai yah. Ka kayak ayang mangan gimi ganhungkun giba gisunani, "Agua gariak idzii gangk wiya zii gikab nuguan tuguziab yah. Izii sampan gangk nuh ayang mimungk i agua. ²³ Gubuak Yesu nang mani,nanai Yesu krisimas an 30, garam sagat ginibi Josep gariak an, Josep panai Heli gariak an. ²⁴ Heli ramangk gan Mathat. Ingka Mathat ramangk gan Livai. Ingka Livai ramangk gan Melki. Melki ramangk gan Janai. Janai ramangk gan Josep. ²⁵ Josep ramangk gan Matataias. Ingka Matataias ramangk gan Emos. Emos ramangk gan Naham. Ingka Naham ramangk gan Esli. Ingka Esli ramangk gan Nagai. ²⁶ Nagai ramangk gan Mat. Ingka Mat ramangk gan Matataias. Ingka Matataias ramangk gan Semein. Ingka Semein ramangk gan Josek. Ingka Josek ramangk gan Joda. ²⁷ Ingka Joda ramangk gan Joanan. Ingka Joanan ramangk gan Resa. Ingka Resa ramangk gan Serubabel. Ingka Serubabel ramangk gan Salatiel. Ingka Salatiel ramangk gan Neri. ²⁸ Ka Neri ramangk gan Melki. Ingka Melki ramangk gan Adi. Ingka Adi ramangk gan Kosam. Ingka Kosam ramangk gan Elmadam. Ingka Elmadam ramangk gan Er. Ingka Er ramangk gan Josua. ²⁹ Josua ramangk gan Eliasa. Ingka Eliasa ramangk gan Jorim. Ingka Jorim ramangk gan Mathat. Ingka Mathat ramangk gan Livai. ³⁰ Livai ramangk gan Simion. Ingka Simion ramangk gan Juda. Ingka Juda ramangk gan Josep. Ingka Josep ramangk gan Jonam. Ingka Jonam ramangk gan Eliakim. ³¹ Eliakim ramangk gan Melia. Melia ramangk gan Mena. Ingka Mena ramangk gan Matata. Ingka Matata ramangk gan Natan. Ingka Natan ramangk gan Devit. ³² Ingka Devit ramangk gan Jesi. Ingka Jesi ramangk gan Obet. Ingka Obet ramangk gan Boas. Ingka Boas ramangk gan Salmon. Ingka Salmon ramangk gan Nason. ³³ Nason ramangk gan Aminadab. Ingka Aminadab ramangk gan Edmin. Ingka Edmin ramangk gan Ani. Ingka Ani ramangk gan Hesron. Ingka Hesron ramangk gan Peres. Ingka Peres ramangk Juda. ³⁴ Juda ramangk gan Jekop. Ingka Jekop ramangk gan Aisak. Ingka Aisak ramangk gan Abraham. Ingka Abraham ramangk gan Tera. Ingka Tera ramangk gan Naho. ³⁵ Naho ramangk gan Serug. Ingka Serug ramangk gan Reu. Ingka Reu ramangk gan Peleg. Ingka Peleg ramangk gan Ebe. Ingka Ebe ramangk gan Sila. ³⁶ Sila ramangk gan Kainan. Ingka Kainan ramangk gan Afaksad. Ingka Afaksad ramangk gan Sem. Ingka Sem ramangk gan Noa. Ingka Noa ramangk gan Lamek. ³⁷ Lamek ramangk gan Metusela. Ingka Metusela ramangk gan Inok. Ingka Inok ramangk gan Jared. Ingka Jared ramangk gan Mahalalel. Ka Mahalalel ramangk gan Kenan. ³⁸ Kenan ramangk gan Enos. Ingka Enos ramangk gan Set. Ingka Set ramangk gan Adam. Ka Adam ramangk gan Anutu.