¹ Aga tiran yawara alo, tairate bur duap duap me ko nengemang ningi nungining aruk ko, bore bur suenla nungura nunga sapa gurugal le Kaem ko agi mu ari ikal ko. mu awuk, Propet kawel alo suen biya ali ime te. ² Kiwem imitang te Kaem ko Bur mu ko sinararal kowo awiriya korang Bur ko sail te Yesus Kristus ko iki karoso le ali imi te nunguning tae kaparam balupagarso mu Kaem ko. ³ Ale bur suenla Yesus Kristus mu Kaem ko mena. Imi mu Kristus kawel nina mungkala ko ikiman, ali imi te tae kaparam le geregam woso. ⁴ Kurang gotekgotek nina mu Kaem ko ale bur memek alo nunga kia sapaman. Ewere se awiriya nenenga ningi bagaso mu kari nup biya ali imi ko mu kiaram. ⁵ Bur alo mu ali ewere ko,ewere se anapeya balsan mu ali ewere ko, sa ali imi ko karimet iki karosan. ⁶ Ana Kaem ko. Awiriya Kaem ko ikiso mu ana nanga nangiring ikiso. Kiwem imi te ana bur nungining se bur kawel mu ko ikisan. ⁷ Aga tiran yawara alo, nanimi ko kua tui se lagnak ko, kua tota mu Kaem ko, ewerese awiriya , bo kua tui la lagso mu Kaem ningi bilangram ale Kaem ko ikiso. ⁸ Awiriya, bo me kuatui lagso mu Kaem ko mena, mu awuk Kaem mu kua tota, se kua tota mu Kaem. ⁹ Munan ewerete Kaem ko kua tota mu anananga te wetang arem, se Kaem ko namar suwanta nuguru ko kueso mu ana terong te baganako beteram se ali imi te tairam. ¹⁰ Kua tota ko munam mu imitang. Ana Kaem kua tuman mena, nugiram ana kua nangram ale Namar suwanta nunguru ko kueso mu ali imi te beteram se anananga yukup siwurok ko yukup yaman biya la giam. ¹¹ Aga tiran yawara alo,Kaem ninguru kua nangaru lagso agi mu ana karo la nanimi ko kau tui se lagnak ko. ¹² Kakirip bo Kaem me te arigam. Ewere se ana nanimi ko kua tui se lagnak mu Kaem anananga ningi baguruk ale ko kua nangara mu nunguru buranguruk ko. ¹³ Imitang te ana ikisan ana noko ningi bagasan se nu anananga ningi bagoso, mu awuk,noko bur laili mu ana nangaram. ¹⁴ Ale ana arigiman le ari ikiman mu Kaem nuet ko Namar beteram se ali imi te anananga diatauk ko tairam. ¹⁵ Awiriya gomang ningi nungining te Yesus mu Kaem ko kurang ma balso mu Kaem pempem nu ningi bagoso, le nu Kaem ningi bagaso. ¹⁶ Ale ana ikiman le nangamang ningi nungining aram Kaem ko kua tota biya la anananga ningi aniso. Kaem mu kua tota se awiriya kua tota umu ningi bagaso mu Kaem ningi bagaso, se Kaem noko ningi bagaso. ¹⁷ Munan imitang ningi kua tota ana nangete mu gegkam brongram. Ewerese karimet toetere ko kam nukum te nangamin me yenuruko, mu awuk nu iwita ana ali imi te bagasan. ¹⁸ Nguangra bo kua tota ningi me aniso, bare kua tota biya mu nguangra karo sapaso mu awuk. Nguangra mu yukup koma kakirip tota ko mel. Bare awiriya nguangso mu kua tota ko munan nunguru me ikiso. ¹⁹ Kaem giram kua nangaram, ewerese ana kua tota ko kiwem bita lagsam. ²⁰ Kakirip bo balso, "ani Kaem ko kuesam"bare ko laun wira bo ko gomang yaman iki lagso mu kawel kari. Ewere se awiriya bo arigso bare me ko kua tuso,mu Kaem me arigam le me kua tuok ko. ²¹ Ana munan imi kote taman, butase awiriya Kaem kua tuso mu, ko laun wira bo am kua tuok ko.