¹ Awiriya gomang ningi nunginingte Yesus mu Kristus, munu Kaem ko kurang ko bilangaramse awiriya nu kua toso munu ko nuet ko karo kua tuso mu noko kurang ko bilangar. ² Ewerese, ana ikisan ana Kaem kurang alo nunga kua nungarsan.Se kam ana Kaem kua tusan mu ko munan karosan. ³ Ana Kaem ko munan ilu kuawasan mu ana Kaem kua tusan ewere se ko munan mu yukup mena. ⁴ Awiriya nu Kaem ko kurang ko bilangar munu ali imi ko betera kaura memek mu nuburing tuam, se ana nunuga nangamang ningi nungute mariraman, ale ali ewere ko kasa memek nabiring tuman. ⁵ Awiri nu ali ko betera karo memek buring tuam, ale nu ko gomang ningi nunguning te Yesus mu Kaem ko namar ikiso? ⁶ Imi, nu yu se gue te taeram, butata tala Yesus Kristus, yu te la mena, bare yu se gue te. ⁷ Ewere se ilagla suwan umu iri ikiso saungam tusan. ⁸ Bur se ye se gue mu ilagla suwan ningi den suwanta mu ko baluwaso. ⁹ Ana kari ko den aringman ikiman, bare Kaem ko den mu am biya nunguning kiri.Kaem ko kiwem wetang mu iwita,nu mu ko namar ko den arigiman ale ikiman ko ikise baluwoso. ¹⁰ Awiriya Kaem ko namar ko gomang motam ningi nunguning,mu nu Kaem ko kiwem wetang mu nu kote.Awiriya gomang motam ningi nungining mena,mu Kaem kari kawel ko nungam,mu awuk? ¹¹ Se ari ikiman mu iwita,Kaem ana bagara ningo pempem la te bagarako nangaram, se bagaru ningo mu ko namar ningi aniso. ¹² Awiriya noko namar to iluso mu bagara ningo pempem aniruko mu mena. ¹³ Ani tam gawa imi batagu kisam mu ni te ikiko,ni bagara ningo taem,butata tala ni awiriya gomang ningi nunguning Kaem ko namar ko nup ko mu ni karo la taem. ¹⁴ Se imi mu anananga sail karo sanamara wore nu kote imi iwita.Ana anapeya Kaem ko gomang te aniso mu ko isarnak mu,nu ana nanga aira ikiso. ¹⁵ Se ana ikiman nu ana nanga ara ikiam mu iwite ana anapeya nunguning kiri ko isarnak mu ana ikisan anapeya me ko isarman mu ana taman. ¹⁶ Se awiriya noko launwira kiwem memek me kuera ko mu bitirukse ariok mu,nu am Kaem kote guranek bitiruk se Kaem kiwem ningo me kuera ko mu tuoko,kiwem memek ko kuera mu karogo.Ani umu ko isa me balsam. ¹⁷ Bagarak aolak diram mena mu suen la kiwem memek bo mu ko kuera mena. ¹⁸ Ana akisan awiriya nu Kaem ko kurang ko bilangaram mu kiwem memek me betso, bare awiriya mungkala Kaem ko kurang ko bilangaram mu Kaem nu bitarso, se kari memek me bita maguwoso le me kautaso. ¹⁹ Ana ikisan, ana mu Kaem ko, se ali sor lilim la imi la mu, kari satan memek ningi bagaso. ²⁰ Bare ana ikiman Kaem ko namar taeran ale ikia terong nangaram se ana mu nungining se ana mu nu ningi bagasan mu nu nungining awatatala noko namar Yesus Kristus ningi.Imi mu Kaem nunguning ale marak pempem la anirok ko. ²¹ Kurang alo melsak Kaem moketa ta mu nongote awar bagaralko nunguning.