¹ Arigal le Kaim ko kua nangara mu biyala ana nugo ko aniso, ana mu Kaem ko kurang alo nanga balman. ² Aaga tiran yawara lo, aitak mu ana Kaem ko kurang alo.ale aitak mu me wetang aso mu ana awuk.ko mu ana ikisan Kristus tae aratuk mu ana mu iwita tala aratauko .ana mu nu diram la aringnak ko,nu am diram. ³ kerimet suwan suwan nunga nongomang motam nu kote betesan mu nongota nunumi laeli kausan ,nu laeli bagaso iwitatala . ⁴ Karimet swuan la memek betsam, mu nuna munan karo la kulukusan, se memek mu munan kuluka ko kiwem. ⁵ Ni ikim Kristus wetangram aram mu, nu memek siwuroko ko ale nu kumik ningi mu, nu memek bo me aniso. ⁶ awirilya nu ningi bagasomu,memek me betso.awirilya memek betso mu nu me arigiam ale me ko ikam. ⁷ Kurang godekgodek ,kari bo ningi kulak se ninimi me saparalko.awirilya munan diram betso mu nu ningo diram,Kristus munan diram bita lagso iwita tala. ⁸ Awirilya memek betso mu nu satan ko. mu awuk satan mu duap te la memek beteram owerea te se. Kaem ko nup te wetang aram Satan ko wura maguwarukok ko. ⁹ Wirilya Kaem ningi belangram mu memek bo me betso, buta se Kaem ko den { tam muguri } noko ningi aniso,ale memek me betso ewere se nnu Kaem bilangram. ¹⁰ Ewere te se Kaem ko kurang se Satan ko kurang wetang aman.awirilya kiwem ningo diram me betso mu Kaem ko mena.awiriya launwira me nunga kuesan mu betelatala. ¹¹ Mu den ewere ni duap te la ikim, anan bo ko koa tua se langnak ko. ¹² Mu Kaem iwita, mena nu Satan ko nu ko wira moram se kuari anape ko moram se kueram? ko duap mu iwitia noko wira mu memek, se wira ko mu diram. ¹³ Ali imi ko karimet me ningi kuemanmu me wiririkal ko. ¹⁴ Ana ikisan ana kuera ko lage,ilu kiaman ale marak bagasan.buta se ana laun wira nunga kuesan. awriya me kua tua lagso kueram le bagaso. ¹⁵ Awiriya ko laun wira me ko kueso, mu kager kari se ni ikisam, kager kari bo marak pempem bagara ko kote mena. ¹⁶ Imitang te ana kuata ko munan ikiman, mu awuk, Kristus ana nago koyukup giam. ana agotala nanga singsang nunga yukup ginak ko. ¹⁷ Bare awiriya ali ewere ko ningo nam nu karo, ko singsang nunga tukanang arigso were gomang motam nongeta kaloso.awuk ta Kaem tuata kote aniso? ¹⁸ Aga kurang gotekgotek alo, ana kuatata mu den ta se nangamili te. ¹⁹ Imitang te se ana ikisan mu, ana mu den nununing ko, se nangamang motam gegkam nu kasurnako. ²⁰ Bore te se ananga motam nanga maguwuruko mu Kaem mu nangmang motam ko kulala se mel suen la ko iki woso. ²¹ Aga tiran yawara nangmang motam me nanga maguwurok mu nangamang motam gegkam Kaem kote betenak ko. ²² Se anapeye ana ko esesan mu ana kote tasan mu awuk ana nako munan, karok tusan ale kiwem ana betesan mu nu moke te am yawarakala. ²³ Ale imi mu noko munan ewre se, ana ko Namar Yesus Kristus nump ko nangamang ningi nungining aruk ko, ale kuatui se, ko munan nangaram iwitata. ²⁴ Awiriya nu Kaem ko munan ilukuawoso, mu noko ningi bagoso se Kaem nu ningo bagaso,bore te ana ikisan nu ananga ningi bagaso, ko bur laili ana nangaram wore te.