¹ Yaqmo Pol, ya Ayahta ago kabiy emaiqta na ago ya iqirquran osaiqta. Osad ya atoranmo kazaq gibilenaiq. God ne gililewunan ne in agota tiqiyim osayta haqaiq. Nazaq iyan ne anonon diqmo luwsa osad ne gigo daq bunmo in God ago liley na inaq rireneqmo usan. ² Ne gihol wazid woqsa daq kiskistamo giyogniz gigo hib emiy. emsa giyow araq ne gimeqin tonid ne gigem hidmo hi meqniyan. Haiqgam. Ne an alowan tonad an anan ginad bilaqsa osiy. ³ Sa God ago Bugaw Dimunta anad dimunta negsa ne gigem amilikmo iyeq osiy. Osad ne giholtuw bulad zib alowab osgo adan muziniy. Muzinsadaq na bilaq neam nog ne giqirquran ne mataw en amilikmo iyeq osiy. ⁴ Krais anon amilikmo usaqta. Sa Bugaw Dimunta in amilikmo osaqtamo. Ad nazaqmo God ne gililewunan ne in ago on mataw bunmo nenaq wastonim ne bunmo araqib God teq gidimun tondaqtana amen emim osayta. ⁵ Teq i gigo Iyahta amilikmo osaqta. Ossa in bunmo God ago gamuk helmota amulikmo wazad i bunmo daq amilikmo muzinim Krais abinib yuw huzauqtamo. ⁶ Twq God amilikmoqmo osad in i bunmo Gimamta. In ago on mataw bunmo inmo ahaqenib iysa in giwamuzaqta. Giwamuzsa in gigo kabiy faq bunmo inmo anad muzinaqta. Sa in ago on mataw na bunmo gilikmanib in nenaq osaqtamo. ⁷ I bunmo God ahaqenib araqibmo iyim osauqta. Ta teq Krais in ago zaway araqibmo a hi igaqta. Haiqgam. In anad emad zaway eazqta in igdaqta naqmo in i amulik-amilikmo naw nog samanmo tiqig. ⁸ Na ago God ago marib gamuk araq kazaq bilam, In bab emim mataw kabemmo giqirquran teq in giqad ulilibmo tugwalah ham. Gwalehim in ago walmataw naw amo amo tinag ham. ⁹ Teq gamuk nawa bilam, "In gwalah" hamta na alulin in kazaq. Danmeb in pesanmo ulilib osim ogib gewomta. ¹⁰ Te mat pesanmo gewomta naqmo muleqim gwalehad in kait uriyamim ulilibmo diq a ta gwalah. Nazaq iyan in og saw bunmo tuwaleq ton bugim osaqta. ¹¹ Teq in ago on mataw naw amo amo kazaq nagta.Mataw asor in Aposel akabiyan nag.Sa asor in God ago nantut akabiyan nag.Sa asor in uliq-uliqgo luwad Yesus awagamun dimunta on mataw gibilengo akabiyan nag.Sa asor in God ago sipsip giwamuzgo akabiyan negad in mataw asor God ago gamuk asuleqin bilaqgo akabiyan nag. ¹² In ago on mataw tawonta na giwaz meqniyeq ago kabiy dimunmo tiqem daqay haqay in naw amo na nagta. Negan in kabiy amo amo emsa Krais anon ayan iyaqta. ¹³ Ari i bunmo nazaq an ulumsihad kabiy amo amo na emad teq i bunmo ginad helta amulikmo ussa i God atatin ago tuhurit kemam. Hurit kemeq nab i gihol tizilimdaq. Zilimad teq i Krais anon wolnet bugid in bilaqne mat ahol bunmo usaqta nog iyad in anon afaqin inaq tirirendaq. ¹⁴ I nazaq diq tiqiyeq teq iamun amikta os nog a ta hi iyam. Sa mataw gimileq meqinta nagan gigo suleq katiyta bilaqsa i bilaqne muy kamisib lehsa tim bolad sorsa in haresmo lehaqta nazaq i a hi iyam. Mataw na gimileq iyad yuw hunegsa i huriteq a hi muzinam. ¹⁵ Haiqgam. I mataw ginan ginad bilaqsa gamuk heltaqmo gibilenam. I nazaq toneq teq i krais anon nog iyeq ayah tiqiy bugamta. Ayah iy bugeq i gifaqin Krais ago towubmo tugwahtiqeq inaq diq tisoqotamta. ¹⁶ Krais i gifaqin iyim ossa i in abensen ameqnagin teq in ahol anaghan bunmo iyim osauqta. Sa i gifaqin na zaway igsa i kabiy anonnmo emauqta. Emad i bunmo an soqotim araqibmo diq osad i an anan ginad bilaqsa osauqta. I nazaq emad ossa Krais anon na ayah iyad in awaz diq timeqniyaq. Iyim osad iyan ya gamuk ka atoranmo kazaq diq ne gibilenaiq. On mataw God abin a hi huritayta na gigo daq ne hi muziniy haqaiq. On mataw na ginad agadanmo diq iysa in daq hi emnanta kabemmo emayta. ¹⁷ Ad ne agadan hi iyad Iyahta anad ezaq usaqta na ago ne ginad em haseq nazaqmo ne emiy. ¹⁸ Teq ne yuw atoranta ayahmo uluwad gimaqbel hi holosiy. Haiqgam. Yuw na mataw ginad wamuzsa in daq hi emnanta emad in gimo gihol meqin tonayta. Ari negmo teq ne God ago Bugaw Dimunta ban ugid in ayahmo ne giholib usad ne ne ginad wamuzan. ¹⁹ Sa ne gimaqbaban nenaq humab woleq lotu abarin teq Buk Song-ib bar usaqta nag teq bar asor Bugaw Dimunta ne ginadib eman gwahtiqaq nagan wazad osiy. Osad ne Ayahta ayon bar nagan wazad ne gigemabmo diq in abin iluwiy. ²⁰ Teq ne giholib daq bunmo gwahtiqaqta na ago ne i gigo Ayahta Yesus Krais abibnib i Gimam God esey ugiy. ²¹ Krais ne gibiymuzsa ne in wazinad ahaqenib iyeq osiy. ²² Teq ne on mat tuwqaiyta na, ne Ayahta ahaqenib iyim osayta nazaq ne gidugniz gihaqenib iyeq osiymo. ²³ Na ezaqgo mat in awe afaqinta. Bilaqne Krais in on mataw inmo ago anan huritiyta na gigo afaqin iyim osaqta nazaq nog. Teq Krais in on mataw na gilumsihim giwaqan in Krais anon nog iyim osayta. ²⁴ Ad Krais ago on mataw in ahaqenib iyim osayta nazaqmo on in gidugniz gihaqenib iyeq in ginad muzin bugiy. ²⁵ Sa ne mataw aw tuwaqiyta na, ne giqonan ginan ginad bilaqan. Krais in ago on mataw ginan anad bilaqsa in gilumsihnan haqad ahol nog hulosta nazaqmo ne giqonan ginad bilaqan. ²⁶ Krais in ago on mataw na giqemid tawon diq iy daqay haqad gimen ahol nog hulosta. In nazaq emim teq in ahol awagamun na ago on mataw negan in tuhuritiyta. Huritim in gamuk na anan helmo haqad yuw ameb ginumlan tihiqiyta. ²⁷ Ginumlan hiqiyan in giwaqan dimun diqmo iyan Krais ago aholyon tigiwam. Krais ago on mataw na giholib gibatlan araq hiqiyan gisan dimun diq iysa in gihol awaqan dimunmo diq tiqiy hasaqta. Nazaq iyan in Krais ago on mataw tawon diqta iyim in giholib daq araq ananin waq daqayta na a hi usaqta. ²⁸ An nazaqmo mataw aw tuwaqiya na in gimo giholib anan ginad bilaqaqta nazaqmo in giqonan ginan ginad bilaq daqaymo. Mat in awe alowan tonad na inmo ahol alowan tonaqtamo. ²⁹ Mat araq diq inmo ahol bab ugad a hi meqin tonaqta. Haiqgam. Mataw bunmo in gimo gihol alowan tonad in gihol anonomo wamuzayta. Teq in ago on mataw giyon nazaq emaqtamo. ³⁰ Na ezaqgo i inmo ahol anaghan nog iyim ossa in nazaq i gidimun tonaqta. ³¹ Teq ne yuwlozin bilaqayta na adan hulosiy tayiy. Ad ne gigem meqniyaqta na teq an wadad haresmo mugad an bilawu ayta ja ne holosiy bugiymo. Ad gigem meqniysa an meqin tonayta adan na ne aban diq emad luwiy. ³² Ne an alowan tonad an agem dimunta ugad osiy. Osad ne gimaqbaban daq meqinta egsa ne walemad anadin ta hi emiy. Na Krais aholib soq o tan God ne gigo daq meqinta walemim anadi a ta hi emaqta nazaqmo ne emiy.