¹ Ne God ago onmin iyan in ne ginan anad diq bilaqaqta. Nazaq iyan ne in asen muzeq in daq em nogmo ne emiy. ² Ad Krais i ginan anad bilaqsa in i giyon ahol nog hulosta nazaqmo ne an anan ginad bilaqsa osiymo. Na ezaqgo Krais ahol tamaz nog God ugan God ameb in bilaqne tamaz ahuran dimunta nog iyan in huritim anad diq bilamta. ³ Teq ni an haresmo hureqeq inaq hi usiy. Ad ne daq anumlan inaqta bunmo hi emad mataw asor gigo nagah hi utetiymo. Daq nawa ya ginan bilayta na ne aban emsa in abin asit ne gilikmanib hi gwahtiqan. I God ago on mataw tawonta iyim i nazaq wastitayeq osamta. ⁴ Teq ne gamuk meqinta teq gamuk agadanta teq gamuk akamolmolin inaqta meqinta nagan ne hi bilaqiy. God ago on mataw gamuk naqanta a hi bilaqayta. Haiqgam. Ne gamuk meqinta na hulosad gamuk dimuntaqmo amalib God eseymo ugiy. ⁵ Ne gamuk ka huriteq ginad diq em hasiy.On mataw an haresmo hureqim inaq usaqta na ago na teq mataw daq anumlan inaqta emayta na teq mataw nagah haresmo utetayta na God ago maror aduganib gibin haiqta . Mat nagah haresmo utetaqta na in bilagne God katiyta abin iluwaqta nazaq nog iyaq. Mataw naqanta nagan bunmo in God ayow Krais inaq gigo os dimunta nab le a hi gwahtaq daqayta ⁶ Ne gihol waz nqamo hiaiyiy .Luweq mat araq kat negad ago gamuk Samanta gibilensa ne muzin daqay. Ne nazaq hi emiy. Mataw gamut samanta muzinad God ago gunun othassa God in ginan agem meqniysa faq negaqta. ⁷ Nazaq iyan ne mataw naqanta giholib hiqiyad nenaq araqib hi luwiy. ⁸ Kwazimo ne romriqab osiyta. Ari muran ne Iyahta aholib tiosqotim ne inaq saw anuwanib tuqosay. Nazaq iyan ne on mataw saw anuwanib luway nazaq nog ne luwiy. ⁹ Ne ezaqgo ne saw anumanib daq emsa saw anuwan naqmo in ne gigo daq dimdimunta teq ne gigo daq titnonta teq ne gigo daq helta nagan bunmo giqemana anon kabemmo tisorqenaqta. ¹⁰ Teq naga daqin ne emse Iyahta anad dimniyaqta naqmo ne nagunad luwiy. ¹¹ Mataw romriqab osad daq samanta emsa ne gilumsihad ginaq hi emiy. Haiqgam. Ne gigo daq dimunta naqmo amalib ne mataw gigo daq meqinta emid ulal iyan ¹² Ne ezaqgo daq hares mataw ululimim emayta na in meqin diq iysa oi giqezabmo bilaqnan gimebay woqaqta. ¹³ Ari nagah bunmo saw anuwanib gwahtiqimmo ulal iyaqta. Nazaq iyan saw anuwan naqmo in daq bunmo alulin eman ulalab gwahtiqaqta. ¹⁴ Daq naqmo ago mataw bar wazad kazaq bilaqayta. Mat ni usaqta na ni eraq haqayta. Eraqeq ni hodhod huloseq asan ban gwahtiq haqayta. Gwahtiqeq ni Krais ahol anuwanib os haqayta. ¹⁵ Nazaq iyan ne gihol wamuzad luwiy. Ad ne mat anad haiqta luw nog iyiy. Haiqgag. Ne bilaqne mat anad inaqta luw nog iyiy. ¹⁶ Muran kam kab daq meqinta haresmo gwahtiqim tilehaq. Nazaq iyan ne kam abu hi ulumad ne God ago kabiy em naqmo hiqiyiy. ¹⁷ Ad ne agadan hi iyad Ayahta anad ezaq usaqta na ago ne ginad em haseq nazaqmo ne emiy. ¹⁸ Teq ne yuw atoranta ayahmo uluwad gimaqbel hi hulosiy. Haiqgam. Yuw na mataw ginad wamuzsa in daq hi emnanta emad in gimo gihol meqin tonayta. Ari negmo teq ne God ago Bugaw Dimunta ban ugid in ayahmo ne giholib usad ne ginad wamuzan. ¹⁹ Sa ne gimaqbaban nenaq humab woleq lotu abarin teq Buk Song-ib bar usaqta nag teq bar asor Bugaw ne ginadib eman gwahtiqaqata nagan ne wazad osiy. Osad ne Ayahta ayon bar nagan wazad ne gigemabmo diq in abin iluwiy. ²⁰ Teq ne giholib daq bunmo gwahtiqaqta na ago ne i gigo Ayahta Yesus Krais abinib i Gimam God esey ugiy. ²¹ Krais ne gibiymuzsa ne in wazinad ahaqenib iyeq osiy. ²² Teq ne on mat tuwaqiyta na, ne Ayahta ahaqenib iyim osayta nazaq ne giduniz gihaqenib iyeq osiymo. ²³ Na ezaqgo mat in awe afaqinta. Bilaqne Krais in on mataw inmo ago nan huritayta na gigo gifaqin iyim osaqta nazaq nog Teq Krais in ago on mataw na gilumsihim giwaqan in Krais anon nog iyim osayta. ²⁴ Ad Krais ago on mataw in ahaqenib iyim osayta nazaqmo on in gidugniz gihaqenib iyeq in ginad muzin bugiy. ²⁵ Sa ne mataw aw tuwaqiyta na, ne giqonan ginan ginad bilaqan. Krais in ago on mataw ginad anad bilaqsa in gilumsihnan haqad ahol nog hulosta nazaqmo ne giqonan ginan ginad bilaqan. ²⁶ Krais in ago on mataw na giqemid tawon diq iy daqay haqad in gimen ahol nog hulosta. In nazaq emim teq in ahol awagamun na in ago on mataw negan in tuhuritiyta. Huritim in gamuk na anan helmo haqad yuw huzan Krais in gigem suholan in ameb ginumlan tihiqiy. ²⁷ Ginumlan hiqiyan in giwaqan dimun diqmo iyan Krais aholyon tigiwam. Krais ago on mataw na giholib gibatlan araq hiqiyan gisan dimun diq iysa in gihol awaqan dimunmo diq tiqiy hasaqta. Nazaq iyan in Krais ago on mataw tawon diqta iyim in giholib daq araq ananin waq daqayta na hi usaqta. ²⁸ An nazaqmo mataw aw tuwaqiyta na in gimo gihol anan ginad bilaqaqta nazaqmo in giqonan ginan ginad bilaq daqaymo. Mat in awe alowan tonad na inmo ahol alowan tonaqtamo. ²⁹ Mat araq diq inmo ahol bab ugad a hi meqin tonaqta. Haiqgam. Mataw bunmo in gimo gihol alowan tonad in gihol anononmo wamuzayta. Teq Krais in ago on mataw giyon nazaq emaqtamo. ³⁰ Na ezaqgo i inmo ahol anaghan nog iyim ossa in nazaq i gidimun tonaqta. ³¹ Daq alulin naqmo ago mat in anen amam gihuloseq in awe aholib tisoqtodaq ham. Soqoteq in giger gihol amulikmo iyeq tuqos daqay haqad in bilam him. ³² Mat awe inaq ezaq tonim gihol amulikmo iyayta na alulin ulilemimmo diq ussa i a hi ulum kemamta . Teq ya gamuk na waqim Krais ago on mataw nenaq giholib emim ya in gnin bilaqaiq . ³³ Ari ne gamuk amulik-mulikmo bunmo ne gihol anan ginad bilaqaqta nazaqmo ne giqonan ginan ginad bilaqan. Sa aw aduw wazinad ahaqenib iyeq osan.