¹ Mae la mera vagarila isa oio le oilo te Kraist, mae la kiloli goio vikapopo mela gilogo, mae la vikapopo la isa ge oilo la kalulu, mae la tia gorila mela gilogo, ² Eme ge igo la sagegela taku age loio la gabutala isa moli, la masagala ge isa moli, amuto ge vikapopo oilo la kalulu,amuto ge tahoka moli isa la vuhu la gabutala la. ³ Eme umala igo isa la paga loio tela para muraha la ouka la gabutala ale la masovala ouka. alamoli eme ge vai bisisi emei hilo egite isapolo mae egite tartigi tavua mu. ⁴ Amuto isasa umala ge mata moli oio tela masagala tetala, amuto ge matavu la masagala tegite isapolopol tai, ⁵ Eme ge tahoka la gabutala aleie oilo taume la gabutala le Kraist Isus, ⁶ Eia moli, eia guvi tahalo oilo la tataro le Deo, eia kama gabutala mae eia visauru mae e Deo via eia ge magiri vagari oio vola. ⁷ Alamoli ouka, eia hiloa mae ale la paga bulahu moli, me eia vagotalo eia mae la tahalo la igolula bulahu moli, e tilala taposea me eia mae moli la taro la tahalo la magasa. ⁸ Eia vagotalo eia me eia guvi mae la tahalo la iromulila goio sele tela pileho, selea goio tela pileho tetala oata la tauvalautu! ⁹ Me oio vola e Deo bole vauru sele eia oata. agoio abiala la isa ale soatata tela isaisa tomoli. ¹⁰ Eia igoa maele oilo la isa le Isus via la vala tomi ge tototulu tavua. la tulu gite tomoli ale oata la mori me ale otalo la magasa me ale lotalo la rukuva la magasa. ¹¹ Eia igoa maele la vuhula la kalamea tomi ge vei palaea mae e Isus Kraist eia la Uru, eia tela marasala te Deo tama gatou. ¹² Ala mae, amuto tabarabaragu la hatagu, mae moli la imala tomi eme roromulmuli, kama la imala moli ale eau oio ouka tela imala tai ale eau oio ouka, eme ge vigolu la mahulila taume mela tilaga mela vovo parila. ¹³ E Deo moli male oilo igogolu oilo taume vikapopo la masagala mela igolu ale ge igo sagege eia. ¹⁴ Eme ge igo la papaga tomi umala mera galolo ouka visukutavu, ¹⁵ La vuhula eme ge marara mela marokala, eme ge e latu Deo ale maroka kabili tegite la valalua la igo marapala, oilo tela ba ale maele eme ge taupala la matagaga ale oilo taume otalo la mautu la magasa. ¹⁶ Eme ge sautola vagari la merera la mahulila la vuhula tela logo te Kraist eau ge kalisae mae la hirari taku akama la paga bulahu moli ouka la igolula ale la masovala ouka. ¹⁷ Alamoli mae la mahulila taku eau tigitarotia mae la viabila oata tela basi ale ge gututua tela igolu la tautaulailo taume, eau moge mela sagela vikapopo le amuto tomi. ¹⁸ Me oilo tai la gauru alele amuto tai ge momoge mela sagela vikapopo mele eau. ¹⁹ Alamoli la gilabulabu taku oilo tela Uru Isus hagaviti eau ge bahataro e Timoty somai tamutou, la vuhula eua ge abi la vagarila la imala eau ge rovi la papaga ale omai tamutou. ²⁰ Eau sele kati tahoka lou isa mae eia, ale ge taola sele la tia somai tamutou. ²¹ Egiteu ale isahario soloio dodo mulmuli la papaga ale egite masaga tavua, kama la papaga te Isus Kraist. ²² Alamoli amutou tai rovi sele eia ere, la vuhula a mae e latu ale vikapopo mele tamala, eia igolu vikapopo mele eau oilo tela lotu. ²³ Ala eau gabua mae eau ge baha eia mae e latugu soio molie la imala ale eau ge matamuli la tuluga la papaga ale omaie. ²⁴ Alamoli la gilabulabu taku uru sele oilo tela Uru mae eau sele ge gomai tai soio molie. ²⁵ Alamoli eau gabutala via a tartigi eau ge baha rivu lou e Epaproditus somai tamutou. eia e tabaragu amila vigolu tomi oilo tela vaubila, me eia la bilalaha tamutou mela tahalo la igolu tela savelela taku. ²⁶ Eia oio kati hate tola, eia masaga sele viage pou tomi le amutou, la vuhula amuto loloti via eia lalea. ²⁷ Me a sele eia tabulibuli hagavi eiage peho. alamoli la gilogo te Deo soloata tetala, kama oata moli tetala, oata tegaku tai, la vuhula eau umala ge ilo buruko pepeho. ²⁸ Eau masaga sele ge bahea soio le, la vuhula la imala amuto ge hilo eia amuto ge sageglou. me la ilo burukola tegaku ge kaluvu bakisi. ²⁹ Amoto ge kaka tavu e Epaproditus oilo tela Uru mela mogela. togo la valua ale mae eia le, ³⁰ Me oilo moli la igolula te Kraist eia hagavi sele ge peho, eia sugutaro moli la mahulila tetala ge utululu eau eia abi la ba tamutou tela papaga ale amuto koramuli ge igoagu.