¹ La tapasila, amuto tabarabara gu, sagege oilo tela uru. mae eau ge kekesi lou la papaga aleie somai tamutou eia kama la tikumula somai taku, me eia tai taho robo amutou. ² Amuto ge mata rara tavu egiteu la riva. matarara tavu egite la valua la igolu ale kama kokora. matarara tavu giteu ale souka ge igo geru amutou. ³ Amite moli ale vali vovo miteu--- amite moli lotu sele oilo la kalulu te Deo, amite igo tataho tai oilo te Kraist Isus, amite kama vagari oilo la papaga la vovo. ⁴ A maimoli alele, eau sele kama tau la vagarigu oata la papaga la vovo. mae isa gabutala via eia vagari sele oilo tela vovo, eau ge vei mae eau vagari tavuala. ⁵ Egite vali la vovogu oilo tela logo la ivalula, tela valua e Israel, loio tela maratatila te Benjamin, la tau Hibru tegite Hibru tomoli; vikapopo mela mata mulila tala viturila, eau isa tai e Paraseo. ⁶ Loilo tela tuhakala taku, eau magiri robo la lotu; via teale matatala lotalo la viturila, eau maramara sele, ⁷ Alamoli la papaga tomi ale marasa somai taku, eau hiloa mae eia la paga bulahu moli la vuhula te Kraist moli. ⁸ La seselela, igoe eau gigi olu la papaga tomi via eia la golu bulahu moli la vuhula la mari te Kraist Isus tegaku ale loata tomi la mari pahila. me tetala moli eau piligi taro la papaga tomi-- eau hiloa egite mae la maroa--- ila eau ge sautola e Kraist ⁹ eau ge guvi palala oilo tetala, eau lou kama koramuli ge viguvi la magiri matatala oilo la viturila, ouka age loio tela tautaulailo--- la magiri matatala eia loio te Deo aloio la tautaulailo. ¹⁰ Ala igoe eau masaga ge rovi sele eia vikapopo mela vagari la hiliti rivula tetala me eau ge abi tai la iligiligi mae eia, eau tai ge mae eia tela pilehola tala, ¹¹ Via eau ge hilo tai la mahuli rivula ale la Uru ge vimahuli tai eau taro la pileho. ¹² Kama via eau abi tomi ti la papaga tomi, ouk via eau matata sele ti, alamoli eau tuhaka sele ge sautola la rova eau sautola tia oilo te Isus Kraist. ¹³ Tabarabara gu, eau sele kama gabutala via eau sautola tia. alamoli la paga isamoli eau igoa: gabu taro la papaga tomi ale mulmuli la pokemu sugutoto tavu la papaga ale lolagu taume, ¹⁴ Eau suhatoto solagu la ba guluviluvi vikapopo mela milatalata soio la mapa la tilola te Deo ale loata oilo te Kraist Isus. ¹⁵ Etatou tomi ale matuha ti, e tato ge gabutala maie; mae la gabutala mu ge isapolo tela papaga isahari, e Deo soloio igo matagaga la paga alele soio taume. ¹⁶ Oilo vola, la rova etato sautola tia, tartigi etato ge sautola vagaria umala litaro pagologoloa. ¹⁷ La vulovulo muto ge mae sele tegaku. tabarabara gu, matamuli taho giteu ale la tuluga giteu mae ale eme abia omai tamiteue. ¹⁸ Egite usu oio le tatuga--- egite ale eau vei tia mutou vaka usu, ale igoe eau vei loua mutou vikapopo mela masaligu---- egite mae la gima soio tela tovolautu te Kraist. ¹⁹ E Deo tegiteu eia la tia giteu, la marasala tegiteu eia la vulovulo ale kama kora. egite gabutala moli la papaga la magasa. ²⁰ Alamoli la mautu tegatou sele eia la mautu la sagegela te Deo, loio tela ba alele etato pou tali la tahalo la vimahulila tegatou, la Uru e Isus Kraist. ²¹ Eia ge vuvulo la vovo la magasa soio la vovo ale ge guvi mae la vovola ale marasa, age puhia mela vagarigarila me eia ge tau la papaga tomi lotalo la uluva la.