¹ E Pol me Timoti, egira la tahalo la igolula te Kraist Isus, ale goio tegite tomi ale te Deo egiteu ale maroka ti oilo te Kraist Isus ale oilo e pilipai, vikapopo me egite la mulugaluga me egite Dikon, ² La gilogo ge tamutou mela tia madila loio te tama gatou e Deo me la Uru e Isus Kraist. ³ Eau vei taho e Deo taku tela imamala tomi me eau gabutala emei, ⁴ la imamala tomi, oilo la kilaka taku tomi soio tamutou tomi, eau kaka vikapopo mela mogela, ⁵ la vuhula tela vitame tabarala tegatou oilo la lotu tela siloko la logo karati mae igoe. ⁶ Eau vagari sele oilo tala paga aleie, la tahalo ale soko ti la igolula oilo taume ge soloa age puru karamae la logo te Isus Kraist. ⁷ Eau hiloa mae la gilabulabu taku soio tamuto eia tartigi sele la vuhula eau tau sele amuto oilo la hategu. amuto tomi e tabarabara gu oilo la gilogo me oilo tai la pulou taku oilo la luma la totorobo me oilo la magiri vagari la oilo la lotu. ⁸ E Deo vikapopo me le eau, eau gabutala amuto tomi vikapopo mela tia gorila te Kraist Isus. ⁹ Tio ale la kilaka taku: via la masagala ale oilo tamutou ge sali peho oilo la mari mela irovi lala. ¹⁰ La vuhula emege ge mata kilala tavu la rova eia tartigi, tio eme ge paki taho eme tai ge maramara kara mae la logo te Kraist, ¹¹ Eme ge volu mela vavua la magiri matatala ale guvi loio te Isus Kraist oilo la marasala mela vei tahola soio te Deo. ¹² Igoe eau masaga via amuto ge rovia, tabarabaragu, la rova tomi ale sibitala taku a magiri ge vituga la lotu. ¹³ La masovala mae, eau pou la kilisi la seli te Kraist eia guvi mae la matagaga oilo tomi tegite la valua ale baumuli la luma tegiteu la uru vikapopo la valua tomi. ¹⁴ Egite tabarabaragu usu abi la vagarigarila oilo tela Uru la vuhula tela pulou taku oilo la totorobo, egite abi la vagarigarila me egite kati taga la valolola merera te Uru. ¹⁵ Me isahari tegite valolo le Kraist vikapopo mela hate masila mela kulue, egite isahari valolo tomi la tia ale tartigi. ¹⁶ Egite ale mulmuli igoa vikapopo mela masagala ale tartigi, egite rovia mae eau pou omaie ge torobo la lotu. ¹⁷ Alamoli egite ale mamuga valolo le Kraist vikapopo mela gabutalala la muraha la, kama la selela, egite gabutala via egite ge viligi eau la imala eau pou la kilisi. ¹⁸ La rova lou? oilo tela gauru tomi ale mave__ mae egite vasigolo ouka egite vei la selela __ e Kraist egite valolo le eia, me oilo te alele eau sagege peho, ¹⁹ Eau rovia mae ale la masovala vi maramara la loio tela kilaka tamuto mela kiloli loio tela kalulu le Isus Kraist. ²⁰ Ale la masagala mela irovi oilo la tautaulailo via la gauru isa oukati lou via eau ge mahela lou ovola, eau tahoka ti la vagarigarila, la imala tomi, e Kraist moli ge bole vaurua oilo la vovo gu, mae moli oilo tela mahulila ouka la pileho, ²¹ Mae moli eau mahulili eau ge te Kraist mae tai eau ge peho vakasa eau soloio ge abi taia. ²² Alamoli mae eau ge mahuli oilo tela vovo, la masovala mae ale la vavua la tuhakala taku, eau soloio ge hilovi tatahoa? eau kama rovia. ²³ Eau kabili loio tela gale gu ilua loio bihoho eau. la masaga gu tomi via eau ge lake taro la vovo me eau ge vikapopo me le e Kraist, ale age tartigi sele, ²⁴ Alamoli mae ge mou moli oilo la paga la vovo a soloio koramuli taume lou. ²⁵ La tiagu hiliti sele la paga aleie, eau rovia mae eau ge pou lou ge visuli lou amutou, age koli amutou ge kusi mela mogela oilo tela tautaulailo, ²⁶ La vuhula oilo taku amuto ge tahoka la magiririla ale amuto ge vikara soata oilo te Kraist Isus tela imala eau ge bau loua somai tamutou. ²⁷ Amuto ge baumuli taho moli la vulovulo mutou, age tuga matata mae la lotu te Kraist, la vuhula mae eau ge gomai ge hilo amutou ouka mae eau kama ge omai, eau ge lolo somai tamutou, via amuto magiri vagari ti oilo la kalulu isa moli, vikapopo mela gabutalala isa moli mela tuhakala tamuto oilo la tautaulailo tela lotu. ²⁸ Umala tataga oilo tela tilogo tegite ale magiri roborobo emei. ale la irovi lala tela marapala tegiteu, alamoli taume eia la vimahulila__ ale loio te Deo. ²⁹ Ale eia abi bulahu molia mu oilo te Kraist kama via eme ge tautaulailo moli tetala, ouka eme ge goilo la tikumula ile eia, ³⁰ La tikumula ale eme ge abia eia visauru moli mae ale eme hilotia omai taku, me igoe eme loloa oilo taku.