¹ La ba ale mave la mera galola guvi kabili tamutou? ila egite kama sibitala loio la masagala ale vikokue oio la vovomu? ² Eme tahoka la masagala oio, alamoli eme kama tahokea, eme masaga tai ge bili, alamoli eme kama koramuli ge sautolea. eme vikue mera galolo. eme kam tahoka lavuhula eme kama tahi. ³ Eme tahi almoli eme kama abi isa la paga, la vuhula eme tahi gegeru, soukage eme moli masaga ge igoa mae la masaga mu. ⁴ Eme ale ale taulai! eme kama rovia la vitame tabarala mela paga la magasa a la gima sio te Deo? ala ere masaga ge vitame tabara tomi mela magasa eia la gima te Deo. ⁵ Ouka eme gabutala via la merera te uru vigia bulahu moli, "la kalulu ale eia igoa ge mahuli oilo tegato a ilo buruko mela gabutala pahila"? ⁶ Alamoli e Deo vabila la gilogo ale uru sele, "e Deo mukupile la para osaosala me eia abia gite ale vagotalo egiteu la gilogo." ⁷ Ala abi eme me soio te Deo. bahataro e Satan, me eia ge hele loio taume. ⁸ Tasuku hagavi soio te Deo, me eia ge gomai hagavi taume. litu la limamu, eme ale igoti la iruru, vimaroka la hatemu, amuto la valua ale la gabutala muto ilalua. ⁹ La ilo burukola, la irobela, la tilali! eme vulo la sagegela taume soilo la ilo burukola me la mogela taume soilo la maligoma. ¹⁰ Vagotalo eme lotalo tela uru, me eia ge bole sea me oata. ¹¹ Umala mera gusia gite isasa, ouka e tabaramu, la tahalo ale mera gusiale tabarala isa ouka mata mulmuli e tabarala ale eia mera sakiki me eia matamuli la viturila. Mae eme mata muli la viturila, ale eme kama tilimuli la viturila,eme la tahalo la mata mulila, ¹² La tahalo isa moli ababia gato la viturila me eia la tahalo la mata mulila, eia moli isa sekela eia koramuli ge vimahuli me eia ge igo bara la paga tomi. eme ere eme ge mata muli e tabaramu? ¹³ Lolo somai, eme ale vei mae," gageie ouka galili e tato ge goilo la Siti aleie, ge pou la leavala isasa ovolao, ge baha la papaga la iloto, etato ge abi usu lou." ¹⁴ Ere rovi la rova ge guvi galili, me la mahulimu mave? eme mae moli la simuru ale ge tabuli moli bakisi mulmuli age kokovu lou. ¹⁵ Mae ouka, eme ge vei mago, "mae la uru masagea, etato ge mahuli ge igo aleie ouka aleio." ¹⁶ Alamoli igoe eme kalisae ti la gabutala la mata totola. egite tomi la kalisaela a te Satan. ¹⁷ Ala egite tomi ale rovi ale ge igo ale tartigi alamoli egite kama igoa, ale eia igo ti la iruru.