¹ Kama amuto tomi ale usu ge guvi mae la tahalo la vimari, tabarabara gu, eme rovia mae amite ale varitovo egite ge matamuli sele amite. ² E tatou tomi boru ti oio la gauru usu. mae isa kama ge boru oio tela merera, ale eia la tahalo ale matata sele, eia koramuli ge baumuli la vovola tomi. ³ Mae e tato ge kisi tola la hare la Hos via eia ge roromuli etato, tio eia koramuli ge tilimuli la masagala tegato. ⁴ Amuto gabutala tai e Sipi, eia uru sesele me la lolovi ale vagari pigi vulovulola, la Rada moli bisi vitatugea soio la ba ale e Paelat msagea. ⁵ A mae moli la kalamea gato eia mae moli la bautu la vovo gato isa bisis,alamoli eia muga la paga ale uru usu. gabutalea maemoli la havi isabisi moli koramuli ge selu la tibulu ale makapila. ⁶ La kalamea gato eia mae la havi,la vulovulo ale kamakora tela mautula eia tabago ti oio la vovo gatou. la kalamea eia igo mugula tomi la vovo, eia koramuli ge viguvi la havi oio tela tuluga la mahuli gatou, me eia tai viguvi la havi le Hel. ⁷ Egite tomi la kalalia ale mata vei, la malmalu egite ale galagala otalo, egite la kalia la mago egite ale la valua karamuli ge igo malu egiteu. ⁸ Ala moli la tahalo isa kama koramuli ge igo malu la kalamea. a kama koramuli ge magiri tola eia tai mae la hitu, a volu mela irasi ale ge bili. ⁹ Oio vola etato visale la Uru e tama gatou ovola, oio tai vola etato mera barea la valua oio vola, egiteu ale e Deo puhi egiteu mae la tatarola. ¹⁰ Loio tela hare moli lou alele la vibalavala mela pasalila guvi loio vola. amuto tabarabaragu, la papaga aleie umalage sibitala. ¹¹ Mave la matala vilelo eia sali taro la lalu ale malama me ale ama? ¹² La obu la Fik tai maele, tabarabaragu, igolu la Oliv? ouka la vaen, o la fik, ila koramuli la lalu ale mamasi ge viguvi la lalu ale malama ¹³ Ere tahoka la mari mela irovi kabili tamutou? La tahalo ale vagotalo eia age vahililo la mahulila ale tartigi oilo tela igolua tetala mela gabutala ale tartigi. ¹⁴ Mae eme la tahoka la tia barala mela hateka la oilo la hatemu,umala kalisasae me umala vasigologolo soio tala seselela. ¹⁵ Aleiele kama la mari ale loata gotalo.soukage, eiage tela magasa, akama tela kalulu, ouka eia tela hitu. ¹⁶ Oio la ba ale la tia barala mela hateka la, la tabasula mela vulovulo ale kama kora tai. ¹⁷ Alamoli la mari ale loata eia maroka sele,goio latia madila me la gilogo,me la pou tahola,la ilovulaila,la gilogo age visibitala la vavuala ale tartigi,ge visuli mela selela. ¹⁸ La vavua ale tartigi ge viguvi la tia madila soio tegite ale viguvi la polou ale tartigi.