¹ Amuto tabarabaragu, oilo tala uru gatou e Isus kraist, la uru tela marasala, vikapopo la masagala oio tela la valua isahari, ² Mae la tahalo isa sibitala oio tela pou vikapopo la tamutou mae eia tau la ring me eia tokoromo tataho,goio emoura la tahalo isa pou la savelela kai la kai robo ale mumugu kitoa. ³ Mae eme ge hilo la tahalo ale kai maroka goio eme ge veiala mago pou oio la pulou ale tartigi, "goio eme veiala tahalo ale pou la savelela mago,"eme magiri soio le" ouka pou otalo la vahagu, " ⁴ Mave eme kama mata mulia oilo taume? mave eme kama mata mulia mela gabutala ale kama kora? ⁵ Loloa,tabarabara gu eau masaga sele amutou, mave e Deo kama hilovi la mautu la magasa bulahu moli ge guvi tahalo oilo la tautaulailo me alege guvi mae la hilila oilo tela mautu la sagegela ale eia veiseletia giteu ale masaga tavu eia? ⁶ Alamoli amuto kama gabu tikumu egite la maura! ila kama la tahalo ale guvi tahalo tahotalu emei? ila kama egite moli male lapulapu me soio tela ilapumatatala? ⁷ Ila kama egite moli male mera barabaraela la isa ale marasa ale tola eme? ⁸ Mae, ge mave, eme ge roromuli tomi la viturila ale oilo la merera, " eme ge masaga egiteu ale mou vikapopo le emei mae sele emei, " ale eme igo taho sele, ⁹ Mae eme ge masaga moli la valua isahari, ale eme igo la iruru, ale la viturila veia eme la tahalo la raga utu la viturila. ¹⁰ Mae ere isasa roromuli tomi la viturila, igo tigi eia souka ge boru moli tela gauru isasa. tio ale eia raga utu tomi ti la viturila. ¹¹ La tahalo ale vei la merera mae, umala hilo tavu la tavile polo, " eia vei tai mae, "umala bilibili." mae eme kama igigo la iruru, ala moli mae eme bili, ale eme guvi ti mae la tahalo la iraga utu la viturila. ¹² Eme ge mera eme taige igo mae egiteu ale la viturila ge matamuli egiteu oilo tela vimaramara la. ¹³ La mata mulila kama ge gomai tomi mela gilogo soio tegiteu ale kama tahoka la gilogo. la gilogo hari pepe la mata mulila. ¹⁴ Ale a tartigi moli, tabarabara gu, mae la tahalo isa tahoka la tautaulailo, ala moli eia kama igolu oata vola? la tautaulailo alele karamuli ge vimahuli eia? ¹⁵ Mae e tabarabara mu ouka e lo hatavile mu la kai robo tetala kama tartigi me eia savele tai la ilali tela logo alele, ¹⁶ Goio isa tamutou ge veia gite mago, "la vovomu oio tivura moli eme tai oio maru. mae eme kama abia gite isa la paga ale suli la vovo,age lagu tigi mave? ¹⁷ Oilo tela gauru alele mae la tautaulailo sekela moli, akama vikapop mela igolula, ale eia pehoti ¹⁸ Alamoli la tahalo isa goio vei mago, "eme tahoka la tautaulailo, eau tahoka la tautaulailo mela igolula, tio eme vahililoa gu la tautaulailo ale la igolula ouka, me eau ge vahililo tai le eme la tautaulailo taku vikapopo mela igolula taku. ¹⁹ Eme taulailo via e Deo isa moli oio, ale eme igo taho, egiteue la hititu tai tautaulailo maele, la vovo gite pariri, ²⁰ Eme masaga ge rovia, la tahalo ale kama mari, tahoka la tautaulailo ale la igolula ouka ale eia la golu bulahu moli? ²¹ Mave ila e Abraham e tama gatou kama magiri maramara oilo tela igolula ale eia igoa tela imala eia viage bili e Aisak e latula ge gutua oatala Alta? ²² Eme hiloa la tautaulailo igolu vikapopo me la igolula tetala, me oilo tela igolula la tautaulailo tetala kusi uru. ²³ La merera te uru guvi sele me avei mae, "e Abraham tautaulailo te Deo, goio la uru gigi eia mae eia maroka sele, "eia guvi mae e tabarabara le Deo. ²⁴ Eme hiloa ale la igolula ala la tahalo maramara, kama la tautaulailo moli. ²⁵ Oilo tela gauru alele tai, e Rahab eia la tavile ale polopolo ogala alamoli eia tau matata eia oilo tela igolula la imala eia puli egite la bilalaha goio bahataro egite ge tilimu polo isa la gauru? ²⁶ Mae la vovo ge heletaro la kalulu age peho, oio tai mae la tautaulailo kama vikapopo mela igolula ale a peho.