¹ Gomai, eme ale tahoka usu la vuliti, tali uru oata la vuhula la iligiligi ge goata taume. ² La vuliti taume ge magoa, me la kairobo taume e komare ge alia. ³ La gol me la silva taume ge vulo me la momola ale ropo ge igo pala eia oio taume. age ali tomi la mailimu mae la havi. eme sugu kovu la vuliti taume tela tapasi logologo. ⁴ Mata soio, la mapa gite la valua la igolu eme sautola rivua age valiutu la mahuma taume me a tali tavu emei. La tilali gite ale lukuluku la mahuma sibitala ti oio la gavusa la Uru oata. ⁵ Eme mou taho sele otalo la mautu la magasa eme kama pa isa la paga. eme vitubu la hatemu tala logo la ilolo la kalia. ⁶ Eme mera taro eme bili egite la valua ale magiri matata. alamoli eia kama mukupile eme. ⁷ Eme ge hate tola, goio, tabarabara gu, karamae la Uru ge beu rivua somai. eme hilo e tao la mahuma a poutali la vavua la ilali ale lotalo la magasa eia poutali selea, karamae eia abi la hura ale pu pala me ale pu mulmuli. ⁸ Eme, tai, ge hate tola, igo la hate muto ge vagari la vuhula la gomaila te Uru hagavi ti ⁹ Umala mera galolo, tabarabara gu,soio te isasa, la vuhula la mata mulila kage oio taume. hiloa, la tahalo la mata mulila oio magiri oio la mata. ¹⁰ Abi la vitovo mulila,tabarabara gu, loio tela iligiligi mela hate tola la tegite la propet, egiteu ale meramera oilo la isala Uru. ¹¹ Hiloa, amite mata mulia via egiteu ale magiri vagari tela tikumula egite balava, eme loloti egiteu ale magiri vagari oio tela tikumula tela igolu, eme roviti la imoimo la te Uru, ale eia la tahalo la gilogo mela ilo gorila. ¹² Loata tomi vola,tabarabara gu, umala magirigiri tela sela, tela ilolalage ouka tela magasa, ouka tela vei selela isasa.oilo vola,la "selela" amaie a "sele, me e "ouka" taume amaie ouka, la vuhula eme kama ge buru lotalo la matamuli. ¹³ Kabili tamutou isa kama gabu la iligiligi mela tivura vurala? eia ge igo la kilaka, ila isa kama la tahalo la mutelela? eia ge bau la visalela. ¹⁴ Isa kabili tamutou kama lea? eia ge tola egite la mulugaluga tela lotu, me egite ge kaka loata tetala. egite ge abiri leia la ueli oilo la isa la Uru. ¹⁵ La kilaka mela tautaulailo age vimahuli la tahalo ale lea, tio la vahiliti eia oata, mae eia igo la iriru, e Deo ge lube la iriru tetala. ¹⁶ Veipala la iruru taume soio tamuto isasa,igo la kilaka loata tamuto isasa la vuhula eme ge mahuli, la kilaka tela tahalo ale magiri matata eia vagari sele oilo tala igolula. ¹⁷ E Elaisah eia mae moli etatou,eia kaka sele oilo la tiala mae la hura kamage pu, me la ura kama pu oio la ba alele la leavala itolu la taio ivolo, ¹⁸ Goio e Elaisa kaka lou, la ilo lalage viguvi la hura, tio la magasa visibitala la vavua la ¹⁹ Amuto tabarabaragu, mae isa tamutou polo gale ti loio la seselela, goio la tahalo isa goio abi rivu lou eia. ²⁰ La tahalo alele tai ge rovia mae ere isa vulo rivu la tahalo la iriru age vimahuli eia loio la pileho me eia ge tau robo la giligi la iriru ale uru sele.