¹ Oilo tela vimaramarala e Kraist vimaramara ti e tatou, magiri tora, oilo vola, umalati taume lotalo la tabule la kilisi. ² Hiloa, eau e Pol, veia mutou, mae amuto ge vali lou la vovo mutou, e Kraist kama koramuli ge vibalava me oilo tela gauru isa lou. ³ Eau vikara matagaga lou soio tamuto la valua tomi ale goilo lou tela vilali la vovo ale eme tau lou eme oilo la kilisi me eme roromuli tomi tilou la viturila. ⁴ Ale eme vali taro ti eme loio te Kraist. eme ale viage magiri tela viturila; ale eme ouka tilou rovi matagaga la gilogo. ⁵ Loio moli tela kalulu maroka, me tela tautaulailo, etato pou mela tautaulailo oilo tela magiri matatala, ⁶ Oilo moli te Kraist Isus mae egite ale vali la vovo gite ouka egite kama vali la vovo la masovala ouka, la tautaulailo moli igolu oilo tela gilogo. ⁷ Amuto oio hari tigi moli, ere magiri robo amuto loio tela iroromuli la merera la selela? ⁸ La malopila ale kama loio tela tahalo ale tolati amutou! ⁹ La ist ale bakisi moli koramuli ge igo la ilali tomi ale tau vikapopo mela beret ge sogo, ¹⁰ Eau tahoka la vagari oilo tela tahalo uru via eme kama ge tahoka lou isa la milatalata. la tahalo ale igo barabara eme ge koli la makodo, mae eme erese la tahalo. ¹¹ Tabarabara gu, mae eau soloio ge valolo la vulovulo la vilali la vovo, ilava egite soloio magiri roborobo eau? oilo tela gauru alele la magiri robola tela tauvalutu egite abi taro tia. ¹² Ala egite ale tasi vau eme, eau gabutala via egite lou ge vali la vovo giteu! ¹³ La tahalo uru tola ti amuto soio tela vimaramarala. ala amuto umala ge hiloa mae la vimaramarala tamuto eia la gauru tela vulovulo ale kama kora; ouka, me oilo tela gilogo amuto ge visuli e tabarabara mutou. ¹⁴ La viturila tomi sibitala ti oilo tela mera vagarila: amuto ge masaga sele e tabarabara mutou maesele amuto lou. ¹⁵ Alamoli mae amuto ge tolosogi amuto ouka igo geru amutou lou, muto ge mata rara souka ge amuto ge igo geru lou amutou isasa. ¹⁶ Alamoli eau ge vei mae, tuga oilo tela kalulu ila eme kama ge tilimuli la masaga la vulovulo ale kama kora. ¹⁷ La masaga la vulovulo ale kama kora kama vitame tabara tomi mela kalulu maroka. mela masagala tela kalulu maroka kama vikapopo tomi la vulovulo ale kama kora. la paga aleie mae la vikokuela kabili tegira. ala eme kama koramuli ge igo la papaga ale eme masaga ge igoa. ¹⁸ Alamoli mae la kalulu maroka ge muga emei, ale eme oukati lotalo lou tela viturila. ¹⁹ La igolu tela vulovulo la vovo ale kama kora eia tabuli matagaga sele: la mata kasosola ale kama kora, la vulovulo ale kama maroka, la igo marapala, ²⁰ la ilotu tavu la puhi golo, la gaumulila, la taro la gima, la igotolola, la hilomulila, la hate masila, la ilisu la tavile polo, la mera galolola, la vilele la, ²¹ La hateka la, la iliu, la tilaliala, me la papaga ale maele, eau mera taga tile emei pala, mae egite ale igigo la papaga aleie kama koramuli ge goilo la mautu la sagegela te Deo. ²² Alamoli la vavua la kalulu eia la gilogo, la sagegela, la tia madila, la hate tola la, la mutelela,la vulovulo ale tartigi, mela tautaulailo, ²³ La vulovulo la vagotalola, mela hate tolala; tavu la papaga ale kama lotalo tela viturila. ²⁴ Egite ale te Kraist Isus kuli sae ti la vulovulo ale kama kora mela mahulila mela masagala oata la tovolautu. ²⁵ Mae etato ge mahuli oilo tela kalulu, me etatou tai ge tuga oilo tela kalulu maroka. ²⁶ Etato umala ge viguvi la papaga oilo tela gabutala gatou, umala igo hate mamasi e tabaramu, umala hateka tavu e tabaramu.