¹ Tabarabara gu, mae tamutou isa igo la iruru, emei ale oilo tela kalulu ge abi rivu eia oilo tela kalulu la tia madila. eme ge gabutalea lou emei, ila la tovolaila kama ge gomai taume, ² bole suli e tabaramu la tikumula tetala, me eme ge vipuru la viturila te Kraist. ³ Mae la tahalo isa ge gabutala via eia la paga isasa la imala eia kama tahoka isa la paga, ale eia vasigolo rivu lou eia. ⁴ Etatou isasa ge matamuli lou la igolula tegato isasa, tio la gabutala tela kalisaela ge oilo moli tetala akama ge oio tela tahalo isasa. ⁵ Etatou lou isasa ge bole la tikumula tegatou isasa. ⁶ La tahalo ale vimari la merera eia ge vitabari la papaga tomi ale tartigi vikapopo mela tahalo la vimarila. ⁷ Umala lolo la vasigologolola. e Deo isa kama igo mulmuli eia, la rova la tahalo galua la paga moli alele eia ge abi vikapopoa, ⁸ La tahalo ale galu la vavua la vulovulo la iruru tetala, me loio tela vulovulola ale kama kora eia ge luku la papaga ale kama kora. la tahalo ale galu la vavua la kalulu maroka, me loio tela kalulu eia ge luku la mahulila ale latapapasila ge ouka. ⁹ Etato umala ge bare taro la iligo la vulovulo ale tartigi, me tela imala ale tartigi sele isasa etato ge lukuluku la mahuma, mae etato kama ge piligi taroa, ¹⁰ Me oilo vola, la imala etato tahoka la imala tela igolu, etato ge igo la vulovulo ale tartigi soio tegite la valua tomi, ale uru sele soio tegite ale oilo tela luma tegite ale tautaulailo. ¹¹ Amuto ge mata muli la buku ale uru sele eau kekesi tia mutou tela limagu. ¹² Egite ale masaga ge igo vagari la papaga la vovo egite tovolaia viage ali la ilomu ge vali la vovomu. egite igo molia maele via ge tarikovu la magiri robola tela tauvalutu te Kraist. ¹³ Me egite ale vali la vovo giteu isa kama sautola la viturila, ala egite masaga via eme ge vali la vovomu la vuhula egite ge kalisae tela paga la vovo. ¹⁴ Alamoli eau umala ge kalisasae tela vovo ouka eau ge kalisae oilo te la uru e Isus Kraist, loio tela rova la mautula vikuli tiagu oata a tovalautu, me eau tai ge igoa soio tela mautula. ¹⁵ La vilali la vovo kama viguvi isa la paga ale tartigi soio tegite ale kama vali la vovo, la paga moli ale etato ge gigia eia la gauru la mahuli halabala. ¹⁶ Age goio tomi tegite ale mahuli oilo tala masagala te Deo, la tia madila mela gilogo ge oata tegiteu, me age oata tai tegiteu e Israel te Deo. ¹⁷ Sokoa igoe golagu la tahalo isa oukatilou ge igo bara la tiagu, la vuhul oata la vovogu eau bole vulovulo la irovilala te Isus. ¹⁸ La gilogo tela uru gatou e Isus Kraist ge vikapopo mela kalumu, tabarabara gu. Amen.