¹ Eau vevei la tahalo ale ge abi polo la vuliti, mae moli eia ge e lalatu sele, akama isapolo loio ela tahalo ale igolu tela tahalo polo, mae eia tahoka la ba mahuma ale uru. ² Alamoli eia soloio lotalo tela tahalo la vibaumulila tela mahuma tela tahalo isapolo kara mae la logo ale e tamala kisitia. ³ Me ale tai, mae etato solo bisisi, egiteu la vagarigarila kalulu ale otalo la mautu la magasa igo etatou mae la tahalo la igolu tegite. ⁴ Goio la imala ale la imala sibitala sele, e Deo bahataro e latula sogala, eia guvi loio tela tavile, me e tilala pigoa lotalo tela viturila. ⁵ Eia igoa maele viage loto rivu egite ale lotalo tela viturila, la vuhula etato ge abi la muli mae e latu ale guvi mae e latu sele. ⁶ Tio la vuhula amuto e latatula sele, e Deo baha la kalulu le latula gomai goilo la hate gatou, eia moli male tola sogala mago, tete eme uru." ⁷ Tio amuto kati lou la tahalo la igolu bulahu moli, ouka amuto e latula sele, alamoli mae amuto e latula, me amuto taige abi vuliti loio te Deo. ⁸ Alamoli tela imala alele, la imala eme kama rovi e Deo. eme sibitala mae la tahalo la igolu tegite alele, tela vagarigari la vovo egite kama e Deo sesele. ⁹ Tio ale igoe amuto gomai rovi ti e Deo, a mae tai ale e Deo rovi tai ti amutou, me mave eme vulo rivu tilou soio tegite la mera vagarila ale kama vagari me a kama tartigie? mave eme masaga ge mae lou la tahalo la igolu bulahu moli lou? ¹⁰ Amuto tau irovilala tela logologo mela taio la mahati mela leavalavala! ¹¹ Eau taga sele amutou soukage la igolu taku vikapopo le amuto ge la golu bulahu moli. ¹² Eau tahi sele amutou, tabarabara gu, amuto ge mae sele eau, me eau tai ge mae sele emei. eme kama igoa gu isa la iriru. ¹³ Alamoli eme oio le rovi la vuhula eia tela ilea la vovo ala eau valolo la merera la selela somai tamuto tela muluga imala. ¹⁴ Tela imala ale la mahulila taku kama tartigi tela matam, eme kama hilo taro eau eme kama muku pile eau, alamoli amuto tola eau mae eau la angelo te Deo, amae e au e Kraist Isus me eia sele. ¹⁵ Me goio la vibalavala taume igoe a oiove? eau vei matagagaea mu mae, mae age koramuli, eme ge kesu taro la mata lisomu ge abia gu. ¹⁶ Mulmuli vola, eau ge guvi mae la gima somai taume la vuhula eau veiamu la selela? ¹⁷ Egite hateka sele ge abi eme soio tegiteu, kama tela vuhula ale tartigi, egite masagage pigi me sogala la vuhula eme tai ge hatekea giteu. ¹⁸ Age tartigi peho mae etato ge hateka tela vuhula ale tartigi, me kama tela imala moli ale eau omai vikapopo le amutou. ¹⁹ Amuto e latatugu bisisi, oilo taku a mae la tavile ale gabu la iligiligi ge taposa ile amutou kara mae e Kraist ge guvi tahalo oilo tamutou. ²⁰ Eau gabutala via eau ge vikapopo le amutou igoe me eau ge vulo la gulu gu, la vuhula eau tabasusu ti le emei. ²¹ Eme veia gu, amuto ale masaga ge lotalo la viturila, mave amuto kama lobagele soio tela viturila? ²² La merera kekesi tia e Abram tahoka e latula ilua, isa loio tela tavile la igolu me ale isa loio tela tavile ale maramara, ²³ Ale isasa la tavile la igolu pigoa a loio tela masagala vovo, tio ale isa la tavile ale maramara pigoa a loio tela merera la vei selela. ²⁴ Egite la papaga aleie eme ge lubea age mae sele la tarola ale isasao, la tavile ale magiri tela merera la kilisi tomi ilua, isa tegira loio la olu e Sinai eia pigo e latu ale lotalo tela kilisi. ale eia e Haga. ²⁵ Tio e Haga eia magiri te la olu e Sinai oilo e Arabia; me eia tai magiri te Jerusalem ale igoe, eia oilo tela kilisi vikapopo me le latatula. ²⁶ Alamoli e Jerusalem ale loata eia maramara, me eia e tila gatou tomi, ²⁷ La merera kekesi tia, " eme ge sagege, eme la tavile ale kama popigo; kahare oata tola mela sagela, eme ale kama gabu la iligiligi tala piligo; la vuhula e latatu la tavile ale kama lotalo la kilisi egite usu sele tavua gite ale tahoka e harua gite ovola." ²⁸ Alamoli amutou, e tabarabara gu, ge mae e Aisak, eia e latu tela veiselela. ²⁹ Tela imala alele e latu ale guvi loio tela masagala vovo eia magiri robo e latu ale guvi loio tela kalulu maroka. me eia visauru moli mae ale igoe. ³⁰ Alamoli la merera eia vei mave? " eme ge bahataro la tavile ale lotalo tela kilisi vikapopo mele latula. la vuhula e latu la tavile ale lotalo tela kilisi kama koramuli ge vilelela la vuliti te e latu la tavile ale kama lotalo la kilisi." ³¹ Oilo vola, tabarabara gu, etato kama e latatu la tavile ale lotalo tela kilisi, ouka etato loio tela tavile ale maramara.