¹ Amuto Galatia ale paua, erese tahalo tauti la merera la ilubulubu oata tamuto? oio tela mata muto sele e Isus Kraist egite taua sogala vahililo eia oata la tovolautu. ² Ale eia la paga moli ale eau masaga ge vimarila lomai tamutou: mave amuto abi la kalulu maroka loio tela igolu tela viturila ouka amuto abia loio tela tautaulailo tela rova amuto loloa? ³ Mave ale amuto soloio paua? amuto soko tahoa oilo tela kalulu, ale amuto veia ge vikaluvua oilo tela vovo? ⁴ La papaga usu sele eme abi bulahu moli la tikumula oio vola--- mave asele eia la golu bulahu moli? ⁵ Ila la tahalo ale abia muto la kalulu maroka me eia ale viguvi la mirakulo kabili tamuto eia tai igigo la igolu tela viturila, ouka tela ilolo mela tautaulailo? ⁶ A mae moli e Abram "tautaulailo te Deo me eia abi la magiri matatala," ⁷ Me oilo moli tela gauru alele, eme ge rovi matagagaea, me goio, mae egite ale oilo tela tautaulailo egite e latatau le Abram. ⁸ La merera, hilo mamuga tia mae e Deo ge vimagiri matata egite la Gentael oilo tela tautaulailo, eia valolo pala muga ti soio te Abram, a vei mae, " oilo moli taume la mautula tomi ge balava." ⁹ Tio ala, egite ale oilo tela tautaulailo egite ge balavala la vibalavala te Abram, eia la tahalo la tautaulailo. ¹⁰ Ala egite tomi ale tau la gabutalala giteu oilo tela viturila egite lotalo tela tikumula ale uru sele; la merera kekesi tia, " la tikumula ge oata tela tahalo ale kama mou lotalo tela papaga ale kekesi tia oilo la buku la viturila, me a kama igoa taia." ¹¹ Ala eia matagaga moli mae la tahalo isa kama koramuli ge magiri matata tela mata le Deo oilo tela viturila, la vuhula egite ale magir matata ti ge mahuli moli oilo la tautaulailo. ¹² Alamoli la viturila kama loio tela tautaulailo, akama mae le, " la tahalo ale igigo la igolu tela viturila me eia ge mahuli tai oilo vola." ¹³ E Kraist utululu ti e tatou loio la tikumula tela viturila me eia guvi mae la tikumula ile etatou la merera kekesi tia,"la tukumula ge tegite la valua tomi ale tili oata la obu"---- ¹⁴ La vuhula la vibalavala te Abram ge gomai tegite la Gentael oilo te Kraist Isus, la vuhula age oilo moli tela tautaulailo etato ge abi la vei selela tela kalulu maroka. ¹⁵ Tabarabaragu, eau viage vigagia bakisi oilo tela ba tegato la valua me hatavile. mae la tahalo isa--kisi ti la merera vikapopo mela tahalo isasa ale a magiri ti mae la viturila, la tahalo isa kama koramuli ge suku galea ouka ge tau lou loata vola. ¹⁶ Igoe la veiselela egite vei tiale e Abram me egite la hilila. akama veia mae, "age tegite la hililo tomi," ouka a veia soio tegite tomi ale usu, akama maele age goio moli te isasa,"age tela hilimu tai," ale eia e Kraist. ¹⁷ Tio la rova eau veveia a male, la viturila, eia gomai tela leavala salatu va savulu tolu robo mulmuli, eia kama tau gale la gabutala ale e Deo kisi tia mamuga me a magiri. ¹⁸ Mae la vuliti eia gomai tela gauru la viturila, me tiele ale eia kati lou gomai tela vei selela. alamoli e Deo abia le Abram loio tela vei selela. ¹⁹ Mave, goio, la masova la viturila mave? a tau lou loata la vuhula tela iriru, kara mae la hili le Abram ge gomai tela tahalo ale la vei selela igo tia soio tetala. egite la angelo igo vagari la viturila loio tela tahalo ale magiri kabili. ²⁰ Tio la tahalo ale magiri kabili meramera tela tela tahalo usu, alamoli e Deo eia isa moli. ²¹ Mave ila la viturila tau gale la vei selela te Deo? ouka akama koramuli! mae la viturila e Deo abia gatou via a koramuli ge vahari la mahulila, me la magiri matatala eia guvi loio tela viturila, ²² Alamoli la merera tela lotu totorobo la papaga tomi lotalo tela iriru. e Deo igoa maele via la vei selela ale ge utululu etatou age tela tautaulailo ale oilo te Isus Kraist age abia gite ale tautaulailo. ²³ Tio mamuga vola la tautaulailo gomai, etato mou oilo la totorobo tela viturila, etato pou lotalo vola kara mae la tautaulailo guvi matagaga, ²⁴ Tio la viturila guvi mae la vibaumulila tegatou kara mae e Kraist sibitala, la vuhula etato ge magiri matata oilo tela tautaulailo, ²⁵ Ala mae igoe la tautaulailo gomai ti, me etatou oukati lou lotalo tela vibaumulila tela viturila. ²⁶ Amuto tomi sibitala ti mae e latatu le Deo loio moli tela tautaulailo ale oilo te Kraist Isus. ²⁷ Mae moli ale usu tamuto vuhi ti soilo te Kraist eia vikai robo tile amuto e Kraist. ²⁸ Amuto ouka ti te Juda lou, ouka e Grik, ouka la talo igolula ouka la tahalo ale maramara. isa ouka tilou hatamale ouka hatavile, amuto tomi isa moli ti oilo te Kraist. ²⁹ Ala mae eme te Kraist, eme la hili le Abram, mela vuliti la veiselela eia taume