¹ Goio la leavala savulusa gete va kaluvu eau tuga goata e Jerusalem vikapopo me Barnabas, me eau puli tai e Taitus vikapopo le eau. ² Eau goata la vuhula tela mari kovula me eau vimagiri la merera la lotu kabili tegiteu la merera moli ale eau valolo tila kabili tegite la Gentael. eau vigia kovu moli soio tegite ale isasa mata ururuo, age igo vagaria mae eau kama harari---- ouka ge hari ---o age la golu bulahu moli, ³ Alamoli kama e Taitus moli , male vikapopo le eau me eia la tau Grik, egite totosuku eia viage vali la vovola. ⁴ Egiteu e tabarabara gatou ale vasigologolo gomai kokovu moli viage hilo la vimaramarala ale etato tahokea oilo te Kraist Isus. ⁵ alamoli amite kama tahobo soio tegite via ge lotalo tegite la imala isasa, la vuhula la seselela tela merera la lotu age tabuli tomi le emei. ⁶ Alamoli egite ale isasa mata ururu ( me erese tahalo egite tai kama la paga isa somai taku, e Deo kama vahililo la masagala)---- egite, ale eau ge vei mae, ale mae ale tikumu kama visuli somai taku. ⁷ Me oata tegite ale magiri robo etato, egite hiloa mae la uru abia gu la merera la lotu ge abia gite ale kama vali la vovo giteu, ⁸ Me e Deo, ale igolu oilo te Pita via eia ge mae la Aposel, soio tegite ale valiti la vovo giteu, me eia tai igolu ti oilo taku soio tegite la Gentael. ⁹ La imala e Jems, e Kepas,me Jon eigte rovi egite mae la sole la igolu tela gilogo, egite rovia mae la Uru abitiagu la gilogo, tio egite abia mila me Barnabas la igolu la lotu tela lima e gata, egite goio kisia la merera mae amila ge goio tegite la Gentael ila egite ge vali la vovo giteu, ¹⁰ Egite goio tahi amila via amila ge gabutala egiteu ale pou la savelela, alamoli la paga alele eia la papaga ale eau gabutala tia viage igoa. ¹¹ Alamoli la imala e Kepas gomai e Antiok, eau mera taro selea oio tela lagula la vuhula amite vei matagaga tia mae eia ruru. ¹² Mamuga la valua sele isahari guvi loio te Jems, e Kepas oio alali vikapopo me egite la Gentael. la vuhula eia taga ti egite ale totosuku egite tela vilali la vovo. ¹³ Ala egite tomi e Juda goilo tilimuli egite tela vasigolo la tautaulailo tegite. egite goio lapu gale e Barnabas soio tela vasigologolola la tautaulailo tegite. ¹⁴ Alamoli la imala ale eau hiloa mae la vulovulo gite kama tilimuli la merera la selela tela lotu, eau goio veiale Kepas oio tela mata giteu tomi, mae eme la tau Juda alamoli eme mahuli mae tegite la Gentael katilou mae la tau Juda, ilava eme tovolaia ge lapu egite la Gentael ge mahuli mae egite Juda?" ¹⁵ Amiteu sele e tila mite pigo amite me amite la tau Juda kama mae egite e Gentael ale la valua la iriru; ¹⁶ Alamoli amite rovia mae la tahalo isa kama koramuli ge magiri matata oilo tela igolu la viturila, ouka a gomai loio tela tautaulailo ale oilo te Kraist Isus. me amite ge magiri matata oilo tela tautaulailo ale oilo te Kraist Isus la vuhula etato ge magiri matata oilo tela tautaulailo ale oilo te Kraist kama oilo tela igolu la viturila. ala oilo tela igolu tela viturila la tahalo la vovo isa kama koramuli ge magiri matata. ¹⁷ Alamoli mae, la imala etato mata la gauru ale ge magiri matata oilo te Kraist, etato tai goio pogea mae etato la valua la iriru, mave ila e Kraist bole vauru la iriru? ouka sele viruru. ¹⁸ Mae eau ge vahiliti rivu lou egite la papaga ale pala eau igo geru tia, ale eau vahililoa mae eau la tahalo la igo bara la viturila. ¹⁹ Ala loio moli tela viturila eau peho soio tela viturila, la vuhula eau ge mahuli oilo te Deo. ²⁰ Eau tili vikapopo ti le e Kraist oata la tauvalautu. ale katima eau male mahulili, ale e Kraist male mahulili oilo taku. la mahulila ale eau igoe mahulila oilo tela vovo eau mahulila la tautaulailo oilo te latule Deo eia masaga sele eau me eia sugutaro la mahulila somai taku. ²¹ Eau kama taugale la gilogo te Deo, mae la magiri matatala a koramuli ge abia loio tela viturila, me e Kraist ge peho bulahu moli!