¹ Oilo vola, la vuhula e Kraist abi la iligiligi oilo tela vovo, vikai robo le emei la gabutala ale visauru mae tetala, mae erese la tahalo ale abi la iligiligi oio tela vovo eia taige maila loio tela iligo la iruru. ² Eia sibitala mae, la tahalo isa, la imala tomi tetala a oilo tela vovo, eia katilou mahuli oio tela masagala tela tahalo, ouka age tilimuli la masagala te Deo. ³ Eme abi la imala uru sele tela iligo la rova egite Gentael masaga ge igoa, egite mahuli mae la gabutala giteu, mela masagala tegiteu, la iliu, la iliu tela mage, la tilaliala ale kamakora, la iligo la vulovulo gite la puhi golo. ⁴ Egite gabutala via akama kora via mae eme kama ge goilo tegite oilo la silali la vulovulo ale kama kora, me egite ge mera bareamu. ⁵ Egite ge magiri tela ilapu matatala oio tela matala tahalo ale raragiti ge matamuli egite ale mahulili me egite ale pehoti. ⁶ Ale la vuhula ale la merera la lotu ge valolo la soio tegite ale pehoti, la vuhula mae, soukage egite ge matamuli egite oilo tela vovo mae la tahalo, me egite ge mahuli oilo tela kalulu oilo la gauru ale e Deo igotia. ⁷ La tapasila la papaga tomi gomai hagavi ti. oilo vola gabutala ururu, me la gabutalamu ge viragi eme oilo tela kilaka. ⁸ Loata tela papaga tomi, la masagala mela gilabulabu taume soio te tabaramu, la gilogo koramuli ge taurobo tomi la vulovulo ale kama kora. ⁹ La gabutala mu ge kope tavu e tabaramu isasa me la mera galolola ge umala. ¹⁰ Mae moli amuto isasa abi ti la vabila, vigolua me age visuli amuto isasa, magiri vagari tela baumuli la gilogo te Deo oilo tela tataroala tomi isasa. ¹¹ Mae isa ge meramera, tartigi age vikapopo mela merera te Deo. mae isa ge visuli tela igolu, tartigi age loio tela vagarila ale e Deo abia gatou, igo la papaga aleie oilo la gauru tomi ila e Deo ge abi la marasala oilo te Isus Kraist. age soio te Isus Kraist la marasala mela vagarila ale la tapasila ge ouka. Asele. ¹² Tabaragu la hate gu, umala gabutala bubu moli via la tovolaila ale oilo la havi eia sibitalati somai taume, via la paga isapolo isa guviti somai taume. ¹³ Akama ge maele, isahari tamuto goilo ti la iligiligi te Kraist, sagege, la vuhula eme ge sagege mela mogela oilo tela guluvi la marasala tetala. ¹⁴ Mae egite ge mera bareamu tela isale Kraist, la vibalavala ge taume, la vuhula la kalulu la marasala mela kalulu le Deo oio pouti oata taume. ¹⁵ Ala isa tamutou umala ge gabu la iligiligi mae egite ale bilibili, la tahalo la pakalila, la tahalo la iligo la iruru, ouka la tahalo la igo marapala. ¹⁶ Alamoli mae la tahalo isa abi la iligiligi mae eia mae e Kraist, eia umala ge mahelahela; ouka, eia ge abia le Deo la marasala mela isa alele. ¹⁷ Ala imala ti tela matamulila ge sokoa oilo la luma te Deo. mae age sokoa omai tegatou, me age sibitala mave soio tegite ale kama roromuli la merera te Deo? ¹⁸ Mae eia tivura tegiteu ale matata ge mahuli, me age mave tegiteu ale kama rovi e Deo mela tahalo la iriru?" ¹⁹ Oilo vola egite ale abi la iligiligi la vuhula la masagala te Deo age abi la kalulu gite soio tela vipoupou ale magiri vagari oilo tela igolu ale tartigi.