¹ Me oilo tela gauru ale, amuto hatavile vagotalo eme soio te haruamu. igoa mae souka ge la valua isahari kama roromuli la merera, me egite ge abi la mera tagala mae isa kama veia gite, age loio moli la vulovulo le rutu gite. ² Me egite koramuli ge hilo la seselela oilo la vulovulomu mela tilogo. ³ Eme kama ge igoa ogala tela tokoromo la vovo mae la milali la ivu, la gagau la Gol, ouka la kairobo ale la tokoromo la marasa peho, ⁴ Akamage ge maele, age sibitala oilo tela tahalo ale oilo la hatemu. me la marasala ale la tapasila ouka a loio tela kalulu la tia madila mela pou makovu la, ale eia marasa tela matale Deo. ⁵ Araura egite hatavile ale maroka tautaulailo oilo te Deo egite igo egite marasa sele, la imala ale egite vagotalo egite lotalo te harua giteu. ⁶ Me oilo tela gauru alele e Sera roromuli e Abram me eia tola leia la uru. igoe eme sibitala ti mae e latatula mae eme ge igo la paga ale tartigi ouka mae eme kama ge taga la tikumula. ⁷ Me oilo moli tela gauru alele, amuto hararua ge pou tomi le ruturutu muto loio tela irovi matagagala, mae la kontena ale kama vagari, eme ale hatavile, eme ge abia gite la tilogo mae egite tai ge abi la muli oilo la gilogo la mahulila. eme ge igoa mae la vuhula la paga isa kamage magiri robo la kilaka taume. ⁸ La tapasila, amuto tomi, la gabutala la ge isa moli, la tia gorila, masaga amuto mae tame tabarabara, la tia madila, la vulovulo la vagotalola, ⁹ Amuto umala koli rivurivu ale kama kokora ale kokora ouka la mera barala ge koli loula la mera barala, ale ge magiri roboa, visolo moli la vibalavala, la vuhula oilo moli teale la Uru tola emei, via eme abi polo lou la vibalavala. ¹⁰ "La tahalo ale masaga la mahulila oio tai mae eia masaga ge hilo la logologo ale tartigi eia ge vimaila la kalameala loio tela paga ale kama kora me la harela loio la vilei la vasigologolola. ¹¹ Eia ge poke taro larova ale kama kora me eia ge igo la rova eia tartig. tartigi eia ge pamuli la tia madila me eia ge vagari tavua. ¹² La mata la Uru oio hililo egite ale magiri matata, alamoli la lagu la Uru kama masaga egite ale igigo la vulovulo ale kama kora." ¹³ Erese la tahalo koramuli ge igo bara emei mae eme oio masaga ge igo la papaga ale tartigi? ¹⁴ Alamoli mae eme gabu la iligiligi la vuhula tela magiri matatala, la vibalavala ge taume. umala tataga la rova egite tatagea. la ilomu umala ruru. ¹⁵ Akama ge maele, eme ge vimagiri gale la Uru e Kraist oilo la hatemu mae eia maroka. la imala tomi eme ge raragi ge koli la tilahi tegite ale souka ge tahi me la tautaulailo ale eme tahokea. igoa oilo tela tia madila mela tilogo. ¹⁶ Eme ge tahoka la gabutala ale tartigi la vuhula la valua ale mera bara soio tela mahulila taume ale tartigi oilo te Kraist ge mahela la vuhula egite mera bareamu via eme la tahalo la iriru. ¹⁷ Eia tartigi moli, mae e Deo masagea, via eme ge gabu la iligi tela iligo la paga ale tartigi kama tela iligo la paga ale kama kora. ¹⁸ E Kraist gabu la iligiligi vakasa tela iriru tomi. eia moli ale matata abi la iligiligi gatou, ale kama matata, la vuhula eia ge abi etato soio te Deo. egite bili pehoa oio tela vovo, alamoli eia mahuli rivu lou oilo tela kalulu. ¹⁹ Tela kalulu maroka moli, eia tuga goio valolo soio tegite la kalulu ale igoe oilo la totorobo, ²⁰ Egite kama la valua la iromulila la imala la hatetola la te Deo oio poutali egite oilo tela logo te Noah, oilo tela logologo la igolu le Sipi, e Deo vimahuli lolosa---- egite taho ualu----- ale loio tela lalu. ²¹ Ale eia la irovilala tela vuluhi ale vimahuli ti eme igoe----- kama la vuluhi vei la mugu ale oio tela vovo, alamoli amae la tilola tela gabutala ale tartigi soio te Deo---- loio tela hiliti rivula te Isus Kraist. ²² E Kraist oio pou ti tela lima le Deo e gata, eia tuga soilo la ilo lalage. egite la Angelo, la mapala, me egite tomi ale vagari ge vagotalo egite soio tetala.