¹ Oilo vola taugale tomi la papaga ale kama korakora, la vasigologolola tomi, la kalisasae la, la hatekala, mela mera bubula . ² Mae la pepeso ale pigo halabea, masaga tavu la susu la kalulu ale maroka, la vuhula oilo vola eme ge kusi oilo la mahulila taume. ³ Mae eme tovolai tia la Uru eia tartigi sele. ⁴ Gomai tetala eia moli la uati ale mahulili alamoli egite la valalua mukupile eia, alamoli e Deo hilovia eia mae la vuliti soio tetala lou. ⁵ Tio eme tai mae la uatati ale mahulili me ale vimagiri vikapopo egite ge mae la luma la kalulu oilo tela gauru la marokala tegite Prist me tela gulutu la opa la kalulu ale koramuli e Deo ge abia oilo moli te Isus Kraist. ⁶ La merera sautola la papaga aleie, hiloa, eau tabuliti oata e Saion mae la uati pepea, ale hilovia me eia la vuliti. mae la tahalo isa ge tautaulailo sele tetala eia kama ge mahela." ⁷ La tilogo ge uru sele soio taume ale tautaulailo. alamoli soio tegite ale kama tautaulailo, "la uati alele egite ale vimagiri la luma mukupilea selea, me eia sibitala mae la gama la sole," ⁸ Me eia la uati la tutuakila me la uati ale igo boruboru la tahalo." egite boruboru la vuhula egite kama roromuli la merera---- ale turi ti egite viage igoa. ⁹ Alamoli amuto la valalua aleie la hilovila oatati tamuto, la uru tegite Prist, la mautu ale maroka viuviu, la valalua te Deo, ila amuto ge veipala la igolu ale tartigi tela tahalo ale tola taro ti amuto loilo la maligoma ge goilo la matagaga tetala ale tartigi peho. ¹⁰ La imala isasa amuto kama la valalua, alamoli igoe amuto la valua te Deo seleti. amuto kama abi la gilogo, alamoli moli igoe amuto abiti la gilogo. ¹¹ Masaga me, eau tola amuto mae la moimosi me egite ale tuga kama tete rivu amuto ge sautola la hate mutou loio la masaga la vovo, ale vikokue soio tela kalulu mutou. ¹² La vulovulo mutou kabili tegiteu e Gentael age la tilogo, mae egite ge mera galoloamu tela papaga ale ruru, tio egite ge hilo la vulovulo mu ale tartigi me egite ge abia le Deo la marasala oio tela logo ale eia ge sibitala ¹³ Eme ge roromuli tomi egite la mulugaluga a tela tartigila te la Uru. roromuli egiteu e king mae eia uru, ¹⁴ Me egiteu e gavana tomi, ale egite baha egite ge viligi egite ale igo la iriru oio tai ge visale egite ale igigo la vulovulo ale tartigi. ¹⁵ Aleie eia la masagala te Deo, mae eme ge igo vulovulo ale tartigi age kapi la hare giteu la valua ale vikara paua. ¹⁶ Mae la valua ale maramara, umala vipolopolo la gauru oio tela maramara la taume, eme ge mae sele la tahalo la igolu te Deo. ¹⁷ Eme ge togo egite la valalua tomi, masaga e tabaramu. taga e Deo, togo e king. ¹⁸ Eme la tahalo la igolu, vagotalo emei lotalo te Master taume mela tilogo, eme umala ge vagotalo moli eme lotalo te masta ale tartigi, ouka eme igo taia le masta ale kama kora. ¹⁹ La visalela ale marasa, la vuhula eia rovi e Deo, la tahalo ale magiri vagari oilo la imala ilo burukola age gabu la iligiligi alamoli a kama ge bare. ²⁰ La rova lou oio mae eme igo ti la iruru goio eme igo suku molia la imala eme abi la iligiligi? mae eme igo la paga ale tartigi goio eme abi lou la iligiligi la imala egite viligi ti emei, ale la vei tahola ge loio te Deo, ²¹ Ale a la vuhula ale la Uru tola emei, la vuhula e Kraist abi la iligiligi ile emei. eia vahililo tiamu la gauru ale eme ge tilimuli la pulila. ²² Eia kama igo isa la iriru, oio tai la vasigologolola isa eme kage pogea oio tela harela. ²³ La imala egite mera bareala, eia kama koli rivu la merera tegite, la imala eia gabu iligiligi, akama koli rivua, eia sugutaro moli la mahulila soio tela tahalo la matamulila ale maroka. ²⁴ Eia moli bole la iriru tegato tomi oilo la vovola oata la obu ila etato katige sautola lou isa la iriru tio etato ge mahuli oilo tela magiri matatala. tela vovola moli ale kulusi eme abi la vimahulila taume. ²⁵ Amuto tomi kokovu ti mae la Sipsip, alamoli igoe amuto beu rivu tia soio tela tahalo la vibaumuli la Sipsip mela vibaumuli la kalulu mutou.