¹ Eau tututolea giteu la mulugaluga ale kabili tamuto le, eau sele, eau tai la mulugaluga me eau tai la tahalo ale magiri tela iligiligi te Kraist via eia sele, me eau tai isa tegite ale ge abi vibalavala tela marasala ale ge sibitala: ² Eme ge la tahalo la vibaumuli la Sipsip te Deo ale pou lotalo la vibaumulila taume, igolu mae eme baumuli tomi egite ale igolu lotalo taume---- kama mae eme koramuli, ouka la vuhula eme masagea, mae e Deo masagea via eme ge igolua---- kama la paga ale eme ge mahela ovola, ouka age loio la tia sagela taume, ³ Umala igo mae la tahalo ale loata tomi tela valalua ale lotalo la vibaumulila taume, ouka eme ge sibitala mae la tahalo la vitovo mulila soio tegite, ⁴ Tio mae la tahalo ale loata tomi tegite ale baumuli la Sipsip ge guvi palala, eme ge abi la Kraon ale marasa sele me ale akama ge kokovu. ⁵ Me oilo moli tela gauru alele, eme ale maure halaba, vagotalo emei lotalo te gite ururu. amuto tomi ge kairobo le amuto la vulovulo la vagotalola tio amuto ge igo tigi e tabara mutou, la vuhula e Deo mukupile sesele egite ale osaosa, alamoli eia ababia gite ale vagotalo egite la gilogo. ⁶ Ala vagotalo emei lotalo la vagari la lima le Deo la vuhula eia ge vahiliti eme oata sele mulmuli tela imala. ⁷ Laba tomi la tikumula taume soata tetala la vuhula eia moli la tahalo la vibaumulila taume. ⁸ Eme umala ge liliu, matarara, la tahalo la gima taume oio le mamusi vulovulo mae la Laion ale girere, eia mata isa tamuto ge alia. ⁹ Amuto ge tolosogi eia, magiri vagari oilo tela tautaulailo tamuto, eme rovia mae la mautu tegite la valalua ale tautaulailo oio kama taga la tuluga oilo la tikumula ale visauru mae alele. ¹⁰ Mulmuli teale eme goilo la tikumula ale bakisie, e Deo tela gilogo tomi, eia moli tola emei soilo tela marasala ale la tapasila ouka oilo te Kraist, me eia ge vimaroka eme, age vimagiri emei, me eia ge vivagari emei. ¹¹ E tato ge abiala la muli ale la tapasila ouka. Asele. ¹² Eau hilo e tabara gato e Silvanus mae eia isa la tahalo la tautaulailo, me eau kekesi matagaga tia muto bakisi loio tetala. eau tututolea muto me eau vei pala tia muto mae la rova eau kekesia a la gilogo te Deo moli. magiri oilo vola. ¹³ La tavile ale oilo e Babilon, amite hilovi ti eia vikapopo le amutou, sege robo amuto. e Mak tai, e latugu, sege robo amuto, ¹⁴ Sagege robo amuto isasa vikapopo la piliu la ilisulisu. La tia madila ge tamuto tomi ale oilo te Kraist.