¹ Eau masaga me, amuto umala tautaulailo oio tegite la kalulu tomi. akama ge maele, tovolai egite la kalulu tomi tio eme ge hiloa ale mave loio te Deo , la vuhula egite la propet la vasigologolola usu galiti soilo tela mautula. ² Me oilo moli teale eme ge rovi la kalulu le Deo,---- me egite tomi la kalulu ale veipalaea mae e Isus Kraist gomai ti tela vovo a loio te Deo, ³ Me egite la kalulu ale kama veipala e Isus egite kama loio te Deo. ale la kalulu le AntiKraist, ale eme loloa via egite loiole, me egoe egite oiloti tela mautula. ⁴ Eme loio te Deo, gulikiliki, eme vagotalo ti egiteu, la vuhula la tahalo ale oilo taume le eia uru tavuala la kalulu ale oilo tela mautula. ⁵ Egite loio tela mautula; ala la rova egite ge veia a loio tela mautula, me la mautula lolo egite. ⁶ Etato loio te Deo, me la tahalo ale rovi e Deo eia ge lolo etatou. la tahalo ale kama loio te Deo kama ge lolo etatou, me oilo moli teale etato rovi la kalulu la seselela, mela kalulu la vasigologolola. ⁷ Eau masaga me, etato ge masaga lou etatou isasa, la vuhula la gilogo eia loio te Deo, me egite tomi ale mahuli oilo tela gilogo egite guvi halabala oilo te Deo me egite rovi e Deo. ⁸ La tahalo ale kama rovi la gilogo eia kama rovi e Deo, e Deo eia e Deo la gilogo. ⁹ La vuhula tela gilogo te Deo sibitala matagaga kabili tegatou, ale e Deo bahataro e latula ale isa moli sotalo tela mautu la magasa via etato ge mahuli la vuhula tetala moli. ¹⁰ Oilo teale la gilogo, kama via etato masaga e Deo, ouka ale eia masaga pala etatou, goi eia baha e latula ge vahari la tia madila soio tela iriru tegatou. ¹¹ Masaga me, mae e Deo masasga etatou, me etato tamai ge masaga e tabara gatou, ¹² La tahalo isa souka hilo lai e Deo. mae etato ge masaga e tabara gatou, e Deo ge mou oilo tegatou, me la gilogo tetala ge guvi matata oilo tegatou. ¹³ Me oilo teale etato rovia via etato mou oilo tetala me eia mou ti oilo tegatou, la vuhla eia abitia gato la kalulu marokala tetala. ¹⁴ Oio tai vola amite hiloa me amite magiri la selela mae e tama gatou baha e latula ge guvi mae la tahalo la vimahulila tela valua la magasa. ¹⁵ Mae la tahalo isa ge veipalaea la harela mae e Isus eia e latu le Deo, e Deo ge mou oilo tetala me eia ge mou oilo te Deo. ¹⁶ Oio tai, amite rovitia me amite tautaulailo tala gilogo ale e Deo tahokea somai tegatou, e Deo eia la gilogo, me la tahalo ale magiri oilo la gilogo aleie me eia ge mou oilo te Deo, me e Deo ge mou oilo tetala. ¹⁷ La vuhula maleie, la gilogo aleie a magiri matatala kabili tegatou, ila etato ge tahoka la vagari tela imala ilapu matatala, la vuhula mae ale eia mae vola, age mae moli tai ale etato otalo la mautula. ¹⁸ La tilaga oilo la gilogo ouka. akama ge maele, la masagala ale matata ge pigi la tilaga sogala, la vuhula la tilaga ge vitau tomi la iligiligi. alamoli la tahalo ale tataga eia kama koramuli ge matata oilo tela gilogo. ¹⁹ Etato tahoka la masagala oilo tegatou vuhula e Deo masasga pala etatou. ²⁰ Mae la tahalo isa ge vei mae, eau masaga sele e Deo" alamoli eia kama masaga e tabarala, ale eia la tahalo la vasigologolola, la tahalo ale kama masaga e tabarala, ale eia hililoa, eia kama koramuli ge masae Deo, ale eia kama hililoa. ²¹ Oio tai, ale la mera vagarila ale eteto abia loio tetala: mae la tahalo isa via eia masaga e Deo me eia tai ge masaga e tabarala sele,