¹ Mae la tahalo isa tautaulailo via e Isus e Kraist ale e tilala pigoa loio te Deo, oio tai mae la tahalo isa via eia masaga e Deo tama me eia tai ge masaga e guliki ale guvi loio tetala. ² Ale la gauru ale etato rovia mae etato masaga e latatu le Deo: la imala ale etato masaga e Deo me etato roromuli la mera vagarila tetala. ³ Ale eia la gilogo te Deo: via etato ge sautola la mera vagarila tetala. la mera vagarila tetala tai kama ge la tikumula soio taume. ⁴ Egite la valua tomi ale guvi halaba loio te Deo egite koramuli ge vagotalo la vagari la maututula. me ale la vagari ale koramuli ge vagotalo maututula, me ale tautaulailo tegato. ⁵ Me erese la tahalo koramuli ge vagotalo la mautula? me la tahalo moli ale tautaulailo via e Isus eia e latu le Deo. ⁶ Eia moli male guvi loio tela lalalu mela kasoso: e Isus Kraist. eia kama guvi moli loio tela lalalu, ouka a loio tela lalalu mela kasoso. ⁷ Me oio vola la tahalo itolu magiri tela veiselela: ⁸ La kalulu, la lalu mela kasoso. egite ale itolu egite kisi la gabutala gite isa moli. ⁹ Mae etato abi ti la veiselela tela tahalo, me la veiselela te Deo eia uru tavuala. la vuhula la merera te Deo eia mae, eia lou magiri tela veiselela ile e latula. ¹⁰ Mae la tahalo isa tautaulailo oilo te latule Deo eia ge tahoka la merera oilo tetala. mae la tahalo isa kama tautaulailo te Deo me eia lou igo eia sibitala mae la tahalo la vasigologolola, la vuhula eia kama tautaulailo tela tahalo ale magiri tela veiselela ale e Deo abitia gato ile e latula. ¹¹ La vei selela amae aleie: e Deo abitia gato la mahulila ale la tapasila ge ouka. ¹² La tahalo ale tahoka e latula tahalo eia tahoka ti la mahulila. me la tahalo ale kama tahoka e latule Deo eia kama tahoka la mahulila. ¹³ Eau kekesi tia muto la papaga aleie la vuhula amuto ge rovia mae amuto tahoka ti la mahulila ale la tapasila ouka--- ale tamuto moli ale tautaulailo oilo la isa le latule Deo. ¹⁴ Oio tai vola, ale eia la vagarila ale etato tahokea oilo tetala, mae etato ge tahia isa la paga oilo tela masagala tetala, me eia ge lolo etatou, ¹⁵ Oio tai vola, mae etato rovia mae eia lolo etatou---- erese la paga etato tahi eia ovola---- me etato tai rovia mae etato ge abi la rova etato tahi ti eia oio vola. ¹⁶ Mae la tahalo isa hilo e tabarala igo isa la iriru ale kama visibitala la pileho, eia ge kaka, tio e Deo ge abiala la mahulila. eau taua soio tegite la iriru ale kama ge visibitala la pileho. la iriru isahari oio le visibitala la pileho; eau kama veia via eia ge kaka oio tela papaga alele. ¹⁷ La papaga tomi ale kama kora eia la iriru, alamoli la iriru isahari oio le kama visibitala la pileho. ¹⁸ Etato rovia mae la tahalo ale guvi loio te Deo eia kama igigo la iriru. alamoli la tahalo ale guvi loio te Deo baumuli taho sele eia, me la tahalo kama kora kama koramuli ge igo bara eia. ¹⁹ Etato rovia mae etato loio te Deo, me etato tai rovia mae la mautula magasa tomi tabuli lotalo la vagarigarila tahalo kama kora. ²⁰ Alamoli etato rovia mae e latu le Deo gomai abitia gato la mari la irovi matagagala ila etato ge rovi selea mae ere eia sesele. oio vola, etato oilo tela tahalo ale sesele, oilo te latula e Isus Kraist. aleie eia e Deo ale sesele mela mahulila ale la tapasila ouka. ²¹ Amuto e latatu, amuto ge ba malau taro egiteu la puhi gologolo.