¹ Nio Ekarisia uubii nio himia tuiaida atai rautu dispuiti oo'aida na'uri odaira paidubui uumoo tataha uubiiro ma imodomoitidiou moiri, iivia Iehova himiahi'a taana uubii ive'idio duida. ² Nio uumoo biara ihu hepu geemai Iehova taana uubiiro jaj ovai oukaumo.. Kaida ihu hepu geemai nioro jaj ai avoudu, nioido modora aa'o everai naanai idomoitidioi.. ³ Nio uumoo ii'iumo biara, anerui nimoro jaj ai noukaumo.. Doo'ouhi'a taimuida oo'a oroi'ioida aimo naana memihoi nimoro na'aiboiha idomoitidio vaira.. ⁴ Nuuri nioido modobora hivio kaa'u kaa'uida aa'o naanai himia idomoitidioi, ka hobou na'uri imaaira iruudemei uumo tataha uubiiro ma imodomoi tidiou moiri.. ⁵ Nio hiipo biara.. Nio tuiaida nianaamui dispiuti imomodomoi tidioiri mia iraromo meree ata tataha hi'ara.. ⁶ Nianaamu atairo nianaamu atai omodobuaika, aa'o nai hepui oroi'ioida e'idioumo uubiiro ova'ati kaumo. ⁷ Nio himia tuiaida dispiuti eremai moida ia'aaida nio tauo poomo'autiumo. Maairi na'uri temeteme eidaira.. Nio ma imatuhutiu moiri na'uri oroomohaumo.. ⁸ Uubi aamiiai oromodobuaumo everai niohimia nianaamui tuiaidaa via aioromodobua kaumo... ⁹ Nio uumoo biara hepui oroi'ioida e'idioumo uubii Iehova pai eraarai oo'a ne'eida paina ii'ai bia ouka.. Erematuhiai na'uri orohaito ahooira.. Maamiora buheebaira orovava'oia, tuito idodiai naana imaraahue, dubu rautu oobo via oobo rautu dubu orovava'oia, oobo tu oobo oraa'oia, atuu seksiida mama naa eremahiboumo, ¹⁰ pio uubi,inahobe uubi, erematuhuti steitment idodiai tuti uubi, via erematuhuti uubi - aa'o everai uubii Iehova pai eraarai oo'a ne'eida paina tatahaka. ¹¹ Nio aamiiai aa'o everai uubiro pe'idioumo. Inai Iesu orairo tauo pivoru'oo, taana tauo pii'iumo, Iehova rautu taitaihi'a tauo pii'iumo Iesu painaida via nuu uriioi nio rautu e'idio modoboi. ¹² Tunioha naanai mooido modoboka,'' inai via tunioha naanai miaha biaka. '' Tunioha naanai mooido ova'atii modoboka, '' inai via mo naa ataro eraara ai modobo biaka. ¹³ '' Iiho dui nioipi naaka, via nioipii iiho duiri oo'aaka, '' inai Iehovaro niiti kopiha imodobua mamai ouka. Duupii mama naana iva'atiri idodiai biaka inai paidubui ova'atiiri pidodiai, ka nuuro aa'o ivaabai ouka. ¹⁴ Iehovaro paidubui Iesu nituoida aipoveibua ka nimo atuu everai nuu eraaraito iveibuioi ouka. ¹⁵ Nio uumoo biara nio duupii kaa'u kaa'ui Iesu memba aamiiaka.. Modobora Iesu memba aamiiai manovahuurai ka hirohiro dububairo ova'oiaumo ooboi ne'eito manivodau.. Modobo biaka. ¹⁶ Nio uumoo biara aa'o ooboi rautu e'idioumo uubii nuu rautu ni kaa'uubuo duupi ii'iika.. Baiboroi iarooi evrai, ''Netoa mereetii kaa'uubuo duupi ii'iika.'' ¹⁷ Kaida Iesu rautu bo'uro vorodi'iaa aa'o merei nuu rautu kaa'uubuo uriioka. ¹⁸ Maamiora buheebairai orovava'oia ova'atiida ma ootaumahe tidioi... Siini aamiiai duupii kekaida naanaka, ii aa'o nai ova'ati mereeiro nu himiahi'a duupii memiho orovaika. ¹⁹ No uumoo biara no duupii tana uriioi motoika, noo rautu ive'idioa Iehovaro pomoha..No uumoo biara no himiahi'a eraaraida bia e'idio ka.. ²⁰ No nuuro ta'iito peidai. Ka nuuri Iehova ma emaraahuei mabu no uriiora duupirai nuu naanaka.