¹ Kaida aa'o naanai ia'aairi; ''Dubu kaa'ui oobo o'opai naa biakia.'' ² Inai via hirohiro erematuhiairi , dubu kaa'ui ooboi aha ma o'opai via oobo kaa'ui dubuiro aha ma o'opai. ³ Dubui tamai ma omohai ooboi gee'ii ovairi, atuu everaika via ooboi tamai ma omohai dubui gee'i ovairi. ⁴ Ooboi himia duupiida eraara bia oo'aaka, ii dubuiro eraara aika.. Atuu everaika via, dubui himia duupiida eraara bia oo'aaka, ii ooboiro eraara aika. ⁵ Himia ha'ima eremaido naa biaka, ii kopiha ee ma arooi, komubuo taimu behaka. Ma ododiai mabu iruudemeairi everai oroomohai oukaido. Ata nuuado oioukaido kopiha. Aa'o everaida Sataniro neiti mere ata ematuhiai bia ouka mabu neiti kopiha otii kaido. ⁶ Mooro ihu naa vadei nioido miaito nooradurka ii erehee rautu bia nimoadueka. ⁷ Mo uumooka nio tuunioha moo everai aai oukaumo. Mabu Iehovaro nio himia kaa'u kaa'u ova'ati tauo pimio. Mere atai ata nai agomoha, atai via ata nai pomoha. ⁸ Maamiodubu ii'iumo tataha uubiire via himuha e'idioumo uubiire mooro ainooradueka nii oro'opo tataha ma e'idiou moiri, moo everai. ⁹ Inai nii himia kaa'u kaa'u iimaubo everai eremato mudioumo biara, kiauka moro'opoi kaame mabu nii oro'opoi iraromoida hobou nioro tana iiho vaaka. ¹⁰ Ka doo'ou maamio dubu e'idioumo uubiido ihuu erehee vadeipi nimoadueka- moo biaka, inai Paidubuiro- ooboi nu himia dubui ne'eida eremahu eedai naa biaka himia ma e'idioiri ¹¹ [ ii averemahu eedaia kiauka dubu tataha me'idioka o na'aiboi roo'aato kiauka dubui sori vadeha memaaka ], ka dubuiro nuu ooboi araibo naa biaka. ¹² Ka nio aamiiaido ihu everai nooradueka - mooro, ii Paidubui biaka - Nio nianaamu ata ooboi hepui oroi'ioida ave'idioa, iida nuu ha'imara dubu nooro e'idioi iraromo everai e'idioi, nooro nuu araibo naa biaka. ¹³ Via oobo atai dubui hepui oroi'ioida ave'idioa, iida dubui ha'imara nuu iraromo everai e'idioi, oobo nooro nuu araibo aute. ¹⁴ Hepui oroi'ioida e'idio dubui ooboi oroi'ioiro mia ovai ouka, via hepui oroi'ioida e'idio ooboi dubui oroi'ioiro mia ovai ouka. Neiti mereei hepui oroi'ioida ma e'idioumoi mereeka, inai neiti orodomoitidioi doiri nii tuunioha mia oroi'io mereeka. ¹⁵ Hepui oroi'ioida e'idio patna atai aveemaaheea, ma omoaheeai modauka. Aa'o everai ia'aaida, iree ekarisia oroi'ioida e'idio patnai friika. Iehovaro nimo ge'ebadii mane'idioumoiri piniahoo. ¹⁶ No ekarisia oobo, noo iraromoida no dubui oroi'ioida edeeai aviaia.. O no ekarisia dubuo, noo iraromoida no ooboi oroi'ioida edeeai aviaia.. ¹⁷ Nio himia kaa'ukaa'ui Paidubuiro imidi'aaroi oroi'ioi haado ma e'idioumoi, Iehovaro iahooi modoboi. Ihunui moo bubuika tuunioha tanamotoido. ¹⁸ Tamai iahiraimoi mereeiro Iehova vioi agoroovai, nuuro iree makai ahuurai naa biaka; via tamai ahirai tataha mereeiro Iehova vioi agoroovai, nuu tamai ahirairi aai naa biaka. ¹⁹ Poo'aa tamai agahiraimo o ahiraimo biara, atanaa biaka; oibotatidio naaika nooro Iehova pai bubuiha ma obodooi. ²⁰ Nio himia kaa'ukaa'u Iehova orohaaito mahoou moiri nuu vioi ioroovaimoi everaiha ma e'idioi. ²¹ No uubii pauo beha agiaidiodio iida agahootiai Iehovaro.. Iree nai nooro oroha iraromo naa biaka; nooido sansii oo'aaida, eeha marooi no firii mai'iiri. ²² Uubii pauo beha agaaiaida agahootiaiai Paidubuiro, aa'o mereei firii mereeka. Aa'o everaika, no firii age'idioida agoroovai Iehova vioi, no Paidubui omova'atii meree ii'ika. ²³ No nuuro ta'iito peidai, iida dubuatari ova'ati naa biaka. ²⁴ Nianaamuo, nimo na'aiboi oroi'ioida ne'idioumoida niahoo Iehovaro nuu orohaaito manahoou moiri, aa'o everaiha ne'idioumo. ²⁵ Ka doo'ou nio maamio dubu ii'iumo tataha e'idioumo uubiido, Paidubui ne'eida mooro nio naahi'a vade imoaduei bia nouka. Inai mo Paidubuiro inomohai gi'epu iraromoi oo'aairi moo iraromohi'ai nimoadueka. ²⁶ Kaida moo iraromoida na'aie oohoi oou mamaa geemairi, kiauka dubu kaa'ui nuu himia e'idio everaiha me'idioka. ²⁷ No ooboi tauo ago'opai... Nooro nuu araibo naa biaka. No oobo o'opai biara, kiauka oobo o'opairi aiaute. ²⁸ O no ooboi tauo ago'opai, ivoo'a no mamaanaa ai biaka, via dubu tataha e'idio ooboi duburo avo'opaia, ivoo'a nuu mamaanaa ai biaka. Inai oro'opoumo uubii hepugeemai erematuhutiumo nanananai ohui odai oukaumo. ²⁹ Inai nianaamuo, mooro ihu everai nooradueka; Ihu e'idioumo hivio mabui komubuoka. Doo'ouado oovahoroida, maamio rautu e'idioumo uubii maamio tataha uubiito maraahoo kaumo. ³⁰ Idebi aimo uubii idebii aimo tataha uubi dohoobo me'idio kaumo, via gee'ii aimo uubii gee'ii aimo tataha uubi evera me'idio kaumo, via moniito naana ime'edeumo uubii naana ime'ede tataha uubii dohoobo me'idio kaumo, ³¹ via hepu geemai naanai iova'ati diodioumoi uubii oroha ova'ati tataha uubii dohooboito maraaho kaumo. Hepu geemai doo'ou hi'ai nu himia oo'aa everai oropoi'oito odauka. ³² Mo niokaa nio iraromoumo naana pauo pauoida firii mai'iu moiri. Oobo o'opai tataha dubui Paidubui ova'atii haado bisi maika, nuu gee'ii ma iraromoiri. ³³ Ii via oobo rautu dubui hepu geemai naanaida bisi aivai ouka, nu ooboi gee'ii ma iraromoiri--- ³⁴ nuu hapuo hapuo iraromoi daaka. Dubu tataha oobo o koono ooboi via Paidubui ova'atiida bisi maika. Ii dubu rautu ooboi hepu geemai naanaida bisi aivai ouka, nuu dubui gee'ii ma iraromoiri. ³⁵ Nioido mia ma oo'airi nooradueka, ii nio mamaa ivairi bia naika. Naahi'ai nimoadueka, mabu nio Paidubu ova'atiida bisi aivouduida naa ataro disteb ivai bia ouka. ³⁶ Mere ataro nuu iomaa dabuaimoi ooboi emaabee tataha avaia -- mabu nuu o'opai bunioi hoviriito oohiai tatahairi -- kiauka nuu iraromo everai mododiaika. Nu mamaa naa bia aika. ³⁷ Ma imoaheeai niiti moro'opai kaade. ³⁸ Ia'aaida nuu kaukaui da pupuoha avomovotiia, nuu tiinoi hooboboo tataha